Bachelor's Inferno 2: Venomous Seduction

Chapter 19

Sorry sa tagal ng update!!! Na-busy lang ng sobra!

***
"BAKIT?" tanong ni Soft kay Montana pagbalik niya ng opisina mula da private chamber nito. Wala naman siyang ideya sa kung bakit siya nito tinatanong ng ganoon.

"Bakit?" balik niyang tanong at lalong kumunot ang dati na niyang nakakunot na noo. Marahan siya nitong hinila paupo sa sofa, tumabi ito sa kanya.

"Parang wala ka sa mood. Nakasimangot ka." Wala sa loob na napahaplos si Montana sa kanyang mukha. Noon niya napagtanto na mukha ngang nasira ang mood niya na kung tutuusin ay hindi naman dapat.

"Hindi naman. Akala mo lang 'yon." Itinuon niya ang atensyon sa pagkaing nasa mesang nasa harap. Kinuha niya ang lasagna na nasa plato kasama ang garlic bread at sunod niyang inabot ang kutsarang nakapatong sa tissue.

"Mukhang masarap 'to, ah?" Agad niya iyong tinikman at hindi lang nga mukhang masarap kundi masarap talaga. Pero mas masarap pa rin ang recipe ng kanyang mommy.

"Mmm...Masarap." Napangiti naman si Soft dahil sa pag-aliwalas ng mukha ni Montana. Napapagaan talaga ang loob niya ng pagkain na ito. Umabot si Soft ng isang Pepperoni pizza at sinubuan si Montana na tinanggap naman niya. Masarap iyon.

"Usual routine mo ba 'to?" tanong niya kay Soft na kasalukuyang kumakagat ng pizza.

"Ang alin?"

"Ito. Food trip after sex. Ang dami mong damit pambabae sa cabinet, ah? Mukhang araw-araw kang may dinadala rito para mag-stock ka ng damit." Bumalik ang simangot sa mukha ni Montana at maging ang iritasyon na nararamdaman dahil sa mga damit na nakalagay sa isang buong kabinet. Matapos maligo ay sinabi ni Soft na huwag na niyang isuot ang damit niya at itinuro nga nito ang isang kabinet na pawang damit at underwear na pambabae. Pawang bago iyon. Kairita lang! Mukhang maraming babaeng dinadala ito rito kaya nag-stock na nga ng mga damit.

"Siguro ganoon din sa bahay mo o kaya sa penthouse mo." Patuloy siyang naiirita sa isipang iyon. Padabog niyang isinubo ang lasagna na nasa kutsara pero natigilan nang mapuna ang pagngisi ni Soft. Tinaasan niya ito ng kilay. Inilagay ni Soft sa platito ang kinagatan ng pizza. Pinusan ang kamay ng tissue.

"Iyon ang ikinaiinis mo? That's the reason for the frown on your face?"

"What?" Lalong nagsalubong ang mga kilay ni Montana sa sinabi ni Soft. Lalo namang lumapad ang ngisi sa labi ni Soft sa reaksiyon ni Montana. Hinawakan ni Soft ang baba ni Montana.

"You are pissed because of the clothes in the cabinet. Understandable." He gently squeezed her chin.

"I used to bring women here...random women visit me here...honestly, sex is sort of my relaxation after loads of work. I stock clothes for them...pero noon 'yon...after I met you, no more women I bring here. I've never engaged in sex with anyone after that night, Montana. At wala na akong babaeng dadalhin dito. Ikaw lang, you'll be the one who can set foot in my private chamber here in the office, in my penthouse and even in my parent's home. Pangako. Ikaw lang."

Hinagkan siya nito ng pinong halik sa labi. Hindi niya alam kung paanong magre-reak sa paliwanag nito. Nakatitig lang siya kay Soft. Namamangha. Niyuko nito ang hawak niyang kutsara at isinubo nito ang lasagna na naroon.

"Mmm. Sarap." Nagbaba ng tingin si Montana sa hawak na plato, tahimik na ipinagpatuloy ang pagkain at iniwasan na lang na mapatitig pa sa mukha ni Soft. She experienced some peculiar emotion every time she glanced at his face. Bagay na ayaw niyang pagtuon ng pansin.

"Gusto kong makilala ang mga kapatid mo." Napabaling siya rito.

"Sabihin natin ang relasyon sa kanila. Gusto ko sa kanila ko muna ipapaalam bago sa pamilya ko. Okay sa 'yo?"