Sinukbit niya ang bag niya at sinuot ang bracelet na may tracker. Ngayong araw ang napag-usapan nila ni Zyldian. Magkikita sila sa isang amusement park para na rin maraming tao. Magpapanggap din ang mga tauhan ni Draze na isa sa mga staff doon o isa sa mga nagbebenta ng mga pagkain para mabantayan siya.
Iyon ang napagkasunduan nila ng binata kaya napapayag niya ito. Sumakay siya sa sasakyan ni Draze dahil ito mismo ang maghahatid sa kaniya sa amusement park.
Naroroon na ang mga undercover na miyembro ng knights para hindi mahalata ang mga ito.
"10 minutes talk is enough. If you sense any danger touch your ring and I'll go to you, okay?" sambit sa kaniya ni Draze habang nagda-drive ito.
"Huwag ka mag-alala, walang mangyayaring masama," positibo niyang sambit. Gusto niya lang maging positibo dahil hindi niya maisip na may alam at kinalaman si Zyldian sa threat message.
Isang oras ang byahe nila dahil may kalayuan din ang parke, sinamahan pa ng traffic. Ipinark ni Draze sa tabi ang sasakyan. Ito ang nagtanggal ng seatbelt niya at hinayaan niya naman ito.
"Don't hesitate to shout or run if somethings happen," paalala pa ulit nito. Ngumiti naman siya rito at hinawakan ang mukha ng binata dahil malapit ito ng sobra sa kaniya.
"Kaya kong lumaban, ikaw yata ang nagturo sa akin," ani niya at nagpapalakas ng loob. Sa totoo lang ay kinakabahan din siya, hindi pa rin naman maiiwasan ang kaunting takot dahil sa nangyayari.
"I know, I know you can now fight. I trust you, wife." Dumampi ang labi ng binata sa labi niya kaya napangiti siya. Hindi niya muna iisipin ang kung ano ba talagang mayroon sila ng binata. Masaya siyang ganito ito sa kaniya, masaya siya sa mga pinapakita nito.
Huminga siya ng malalim bago bumaba ng sasakyan. Naglakad siya papasok ng entrance. Kumuha siya ng ticket sa stall at nakita niyang ang nagbabantay roon ay isa sa tauhan ni Draze.
Inabutan siya nito ng ticket para sa entrance ng amusement park. Lahat ng naka undercover ngayon ay nakilala niya na para alam niya ang mukha ng mga ito.
Natanaw niya na si Zyldian sa isang bench habang nanonood sa mga batang nakasakay sa merry go round.
Mukhang naramdaman nito na may papalapit sa kaniya kaya napabaling ito sa gawi niya. Tumayo ito at ngumiti sa kaniya habang kinakaway ang kamay.
"Kanina ka pa?" kaswal niyang tanong.
"Hindi naman, mga 10 minutes pa lang naman akong naghihintay," nakangiting ani nito.
"Gusto mo ng ice cream?" turo nito sa nagbebenta ng ice cream malapit sa gawi nila. Ang nagbebenta ay isa rin sa mga tauhan ng binata.
"Sige, tara." Lumapit sila roon at tinuro ang gusto nilang flavor. Kailangan niya rin ito para habang nag-uusap sila ay may mabalingan siya ng tingin.
"Doon na lang tayo umupo," turo niya sa may lamesa. Wala rin naman masiyadong tao roon dahil mga nagra-rides ang karamihan o 'di kaya sa bench lang nakaupo.
"Kumusta online class? Hindi ka na ba babalik sa school? Lagi kang hinahanaap ni Jun sa akin," bumusangot ito habang kumakain ng ice cream.
"Hindi na eh, busy pa kasi talaga." Tumingin siya sa mukha nito at napatango naman. Pilit niyang binabasa ang mukha nito. "Ano nga palang pag-uusapan natin? pwede na ba nating pag-usapan?"
Ayaw niya na kasing patagalin pa at gusto niya ng malaman kung bakit siya nito gusto kausapin.
"Nagseselos ba ang asawa mo sa akin? 'yon ba ang dahilan kaya ka nag-online class?" seryoso ang mukha nito at walang halong biro. Hindi niya ine-expect na iyon ang magiging tanong nito sa kaniya.
YOU ARE READING
The Mafia Boss Instant Wife
General Fiction-COMPLETED- Aurelia Celeste, also known as Ac, witnessed an accident outside the building where she works. She noticed the collision and the man fleeing suspiciously while grinning to himself clearly due to her excellent vision. She is hiding the fa...
