Mr.Rong's ချစ်မှုရေးရာ ဒိုင်ယာရီ

Chapter 56.1

Chapter 56.1

အတော်လေးအားရစရာကောင်းတဲ့ကျွေးမွေးမှုပဲ!

ရုန်ယီသည် သူ့နှုတ်ခမ်းများအပါအဝင်သူ၏ကိုယ်ပေါ်မှအစိတ်အပိုင်းတိုင်းတုန်ယင်နေသည်ကိုခံစားနေရ၏။

ရုန်ယီသည် တစ်သက်လုံးတွင် နမ်းသည့်အတွေ့အကြုံအနည်းငယ်ရှိပြီး အချိန်တိုင်းတူညီသည့်လူတစ်ယောက်နှင့်သာဖြစ်ခဲ့သည်။ ထိုသူကတောင့်တင်းပြီးမလှုပ်ရှားလာသည့်အခါ သူရှုံးနိမ့်မှုကိုစတင်ခံစားလာရသည်။

သူအနည်းငယ်ယောက်ယက်ခတ်နေပြီး နောက်ပြန်ဆုတ်ချင်သည်၊ သို့သော် နီးကပ်လာသည့်ရနံ့ဖျော့ဖျော့လေး၏ဆွဲဆောင်မှုကိုခံလိုက်ရသည်။

မည်သို့ပင်ဖြစ်စေ တစ်ဖက်တည်းမှစတင်ခဲ့လျှင် အနမ်းကမည်မျှပင်နက်ရှိုင်းပါစေ ပျော်စရာမကောင်းနိုင်တော့ပေ။

၎င်းက ရုန်ယီအလိုရှိသည့်အရာမျိုးမဟုတ်။

သူနမ်းနေသည်ကိုရပ်လိုက်ရန် တွန့်ဆုတ်နေသည့်အချိန်တွင်အလွန်တရာဝမ်းနည်းရ၏ သူယခုလုပ်နေသည်နှင့်မော့ယွီဖေးသူ့ကိုယခုလေးတင်လုပ်ခဲ့သည်က ကွာခြားမှုရှိပါသလား။

မော့ယွီဖေးကထိုနေရာတွင် ရပ်နေသေးလားသူမသိ။ သူ၏ယခုအာရုံအားလုံးကို ချန်းခယ့်ယောင်အပေါ်တွင်ထားရှိပြီး မည်သည့်အရာ၊ မည်သူကိုမှဂရုမစိုက်နိုင်တော့။

သူသာထွက်မသွားသေးခဲ့လျှင် ရုန်ယီနမ်းနေသည့်လူက မလှုပ်ရှားနိုင်ဖြစ်နေခြင်း သို့မဟုတ် နောက်ပိုင်းမှခုခံမည်ကိုတွေ့ရနိုင်သည်။ ရုန်ယီသည်သူ့ကို ဘယ်အရာကစိတ်ဒုက္ခပိုရောက်အောင်လုပ်နေမှန်းမသိတော့ချေ။

စိတ်အလိုလိုက်ပြုမူခြင်းက မလိုလားအပ်သည့်အကျိုးဆက်များကိုဖြစ်လာစေလိမ့်မည်။

သူသည်အမြန်ရပ်တန့်ပြီး အနှီယစ်မူးဖွယ်အပူချိန်နှင့်နူးညံ့သိမ်မွေ့မှုများမွ စွန့်ခွာခြင်းကပိုကောင်းမှန်းတွေးမိသည်။ ထိုအတိုင်း သူ၏မိမိကိုယ်မိမိတန်ဖိုးထားမှုကိုဆက်လက်ထိန်းသိမ်းထားနိုင်ပြီး အစောပိုင်းတည်းကအမှန်ကိုမြင်နိုင်စွမ်းခဲ့မည်။