Extra 3
နောက်ဆုံးတော့ကျိုးလီ ချစ်မိသွားပြီ -3
"မင်း ရည်းစားရသွားပြီဆိုရင်လည်း ငါ့ကို အချိန်မီ အသိပေးခဲ့ဦး"
သူက ပြောသည်။
“မဟုတ်ဘူး သူက ငါ့ရဲ့ဘော့စ်”
ကျိုးလီက အလျင်အမြန် ရှင်းပြသည်။
လျို့ယွမ်က တခဏအကြာတွင် အစက်ခြောက်စက်(......) ပြန်ပို့လာသည်။
အချိန်တခဏခန့် ပြန်စဉ်းစားကြည့်ပြီးနောက်တွင် ကျိူးလီသည် သူ၏ရှင်းပြချက်မှာ မရေမရာ ဖြစ်နေကြောင်း သဘောပေါက်သွား၏။
သူသည် မည်သို့ သေသေချာချာ ရှင်းပြရမည်မှန်း မ သိသောကြောင့် ၎င်းကို အလေးပေး ပြောဆိုရန် နောက်ထပ် အာမေဋိတ် အမှတ်အသား အနည်းငယ်ကိုသာ အသုံးပြုနိုင်ခဲ့သည်။
"ငါတို့က တကယ် ရိုးရိုးသားသားပဲ!!!"
"ဒါဆို ငါ့ကို ဖုန်းခေါ်ဖို့ ဘာကိစ္စ အဆင်မပြေတာလဲ"
ကျိုးလီ ဆွံ့အသွား၏။
စကားတစ်ခွန်းမှ မပြောဘဲ တိတ်ဆိတ်စွာဖြင့် ကားမောင်းနေသော လီရှောင်းရန်ကို သူ တစ်ချက် ကြည့်လိုက်မိသည်။ အမှန်မှာ ထင်ထားသလောက်လည်း အဆင်မပြေသည်တော့ မဟုတ်ပေ။ ဤကဲ့သို့ စိတ်မသက်မသာဖြစ်စရာ တိတ်ဆိတ်မှုနှင့် နှိုင်းယှဥ်ကြည့်ပါက အချိန်ဖြုန်းနိုင်ရန် ဖုန်းခေါ်ခြင်းက ပို၍ ကောင်းပေလိမ့်မည်။
သူ ဖုန်းနံပါတ်ကို ခေါ်ဆိုလိုက်သည်နှင့် လျို့ယွမ်က ချက်ချင်း ကိုင်သည်။
"မင်း ဘာတွေ ဒီလောက် အစိုးရိမ်လွန်နေတာလဲ။ အတင်း ပြောချင်ရုံပဲလား ဒါမှမဟုတ် စုံထောက် လုပ်ချင်နေတာလား"
ကျိုးလီက မေးလိုက်သည်။
"မင်း အခု ဘယ်မှာလဲ"
"...မင်းတို့ ခုနက ညစာစားခဲ့တဲ့ နေရာမှာ"
လျို့ယွမ်က ပြောသည်။
"အယ်... တိုက်ဆိုင်လိုက်တာ။ မင်းလည်း အဲဒီမှာ ညစာစားနေတာလား"
YOU ARE READING
Mr.Rong's ချစ်မှုရေးရာ ဒိုင်ယာရီ
Fan Fiktionမင်္ဂလာ ညချမ်းပါရှင် အသစ်လေးတွေ လာကြေညာတာပါ ရှင့် ???? BL အတိုလေးနှစ်ပုဒ် PICK ထားပါတယ် အပိုင်းသိပ်မများတာလေးတွေပါ ဖတ်ပေးကြပါဦးနော် ... အားလုံးပဲ ကျန်းမာ ဘေးကင်း ဝင်ငွေတိုးကြပါစေ... ပုံအောက်မှာ Description ပါတယ်နော် ...
