ဆွေးကြည့်နေရင်း လျှောက်လမ်းလေးဘေးမှ မြက်ခင်းပြင်ဆီအကြည့်ရောက်သွား၏။ အမှိုက်များပြန့်ကျဲလျက် သဲအထပ်ထပ်ဖုံးလွှမ်းနေလို့ အစိမ်းရောင်အပင်လေးတစ်ပင်တောင်မရှိတော့တဲ့ဒီနေရာမှာတစ်ချိန်က
"ဆွေးရေ...မိုးမိုးရေ...ပန်ပန်ရေ...ရန်ငြိမ်းရေ..."
အသံကြားရာတံခါးဝမှ မြတ်သောပန်းဆီ မြက်ခင်းစိမ်းမှာပြေးဆော့နေသော ငါးနှစ်အရွယ်ကလေး လေးယောက်ကြည့်လာကြ၏။ လက်လေးယှက်ကာခေါ်လိုက်တော့ သူ့ထက်ငါအရင် ယိုင်တိုင်တိုင်နဲ့ ကြက်ပေါက်လေးများလို ပြေးလာကြသူများ
"မမ..."
"အဲ့ဒါငါ့မမ"
"ဟုတ်ဖူး ငါ့မမ"
"တွားဟာ ငါ့မမပါချို"
ကလေးအရေအတွက်သိပ်မရှိတဲ့ဂေဟာလေးရဲ့ အရွယ်တူလေးသုံးယောက်နဲ့ ထိုအထဲမှာဆွေးကအငယ်ဆုံးမို့လေးနှစ်သာရှိသေးသည်။ အဆော့သန်တဲ့အရွယ်လေးတွေမို့ အဆိုးလေးတွေဖြစ်နေပြီး မြတ်သောပန်းမှ အချိန်ပြည့်လိုက်ဂရုစိုက်ပေးနေရတဲ့ အဓိကလူသားလေးတွေ။
"ကဲ..ကဲ..ကဲ ဒီမမက အားလုံးရဲ့မမပါလို့ပြောထားတာကို ရန်ဖြစ်နေကြပြန်ပြီ။ မနေ့ကပြောထားတဲ့ ဝက်ကလေးသုံးကောင်နဲ့မြေခွေးကြီးအကြောင်းကိုသိတယ်မှတ်လား"
"ဟုတ်"၄
"ဒါဆို စည်းစည်းလုံးလုံးနဲ့တူတူနေရမယ်လေ။ ပြီးတော့...မြက်ပင်လေးတွေပေါ်မပြေးဖို့ မမပြောထားတယ်မှတ်လား"
"ဘာရို့ရဲမမရဲ့"
"ဆွေးရယ်...ဆွေးတို့ပြေးတော့ မြက်ပင်လေးတွေကိုခြေထောက်လေးတွေနဲ့နင်းမိမှာလေ။ အဲ့အခါကျရင် မြက်ပင်လေးတွေက နာလို့အော်ငိုနေမှာ။ ဒီလိုဆို ဆွေးတို့ကလူဆိုးလေးတွေဖြစ်ကုန်ပြီပေါ့"
"ဒါဆိုမမ...အပင်လေးတွေကလည်း သမီးတို့လိုစကားပြောတာပေါ့နော်"
"ဒါပေါ့ကလေးတို့ရဲ့....ဒါပေမယ့် သူတို့ပြောတာတွေကို မမတို့ကမကြားနိုင်တော့ မသိဘဲဖျက်ဆီးမိရင် သူတို့လေးတွေနာနေမှာပေါ့ကွဲ့"
"ဒါဆို ပန်းလေးတွေရောလားဟင်မမ"
"ပန်းလေးတွေကိုတော့ ခူးလို့ရတယ်။ ပန်းလေးတွေပွင့်တဲ့အပင်ကိုတော့ မဖျက်ဆီးရဘူးနော်...ပန်းလေးနဲ့ အသီးလေးတွေဆိုတာ အပင်လေးတွေ မမတို့ကိုပေးတဲ့လက်ဆောင်လေ"
YOU ARE READING
Mastermind (Uni+Zaw)
Randomအချစ်ဆိုတာကိုယုံရအောင် ငါအရူးမဟုတ်ဘူး။ ငါအတွက်အချစ်ဆိုတာမရှိဘူး(တိုင်းမဟာမင်း) မတွေ့ကြတော့ဖို့ရည်ရွယ်ထားပေမယ့် တွေ့ဖို့ဖြစ်လာခဲ့ရင် လက်တုံ့ပြန်မိမလားမသိဘူး(ဆွေးမြတ်ပိုင်ရှင်) ငါ့အနားမှာမင်းနေလို့ အရှုံးမရှိစေရဘူးဆွေး။ ဘာလို့ဆို ငါမင်းကိုနောက်တစ်ခါမဆ...
