ဒဏ်ရာတွေနဲ့တောင်ယောကျာ်းပီသပြီးချောမောတဲ့ရုပ်ရည် မမနဲ့တေးအပါ မိန်းကလေးတွေကျရှုံးခဲ့ရတဲ့အဓိကအချက်။ ပြုံးခဲတဲ့သူ့ရဲ့ပါးပေါ်က ဆွဲဆောင်မှုရှိတဲ့ပါးချိုင့်တွေနဲ့ ညှို့ယူနိုင်တဲ့မျက်ဝန်းတွေက သူနဲ့စတွေ့တဲ့အချိန်တုန်းက ကိုယ့်အာရုံကိုတောင်ဖမ်းစားနိုင်ခဲ့တဲ့အရာ။ ဒီလိုလူက နတ်ဆိုးဆန်ဆန်ယုတ်မာခဲ့ပြီးမှ လူကောင်းတစ်ယောက်လိုပြန်ပေါ်လာခဲ့တယ်။ ဘာဖြစ်ဖြစ်ခင်ဗျားကိုတော့ခွင့်လွှတ်နိုင်မယ်မထင်ဘူး။
"ဝိုး...သူကအကိုနဲ့အသိလား တော်တော်ချောတဲ့သူပဲ"
"ခင်ဗျား!! လူတကာကိုအလွယ်တကူလိုက်ကိုင်မနေနဲ့"
လှဲနေတဲ့သူရဲ့မျက်နှာကို ထိကြည့်ဖို့ကြိုးစားနေတာကြောင့် တားဆီးလာတဲ့သူ။
"ဖေဖေ"
"အဆင်ပြေလားပန်းလေး လန့်သွားသေးလား"
"ဟင့်အင်း...အဲ့ဦးဦးကရော ဘာဖြစ်မှာလဲဖေဖေ"
"ဦးဦးက ခဏအိပ်နေတာပါ နိုးလာရင်ကောင်းသွားလိမ့်မယ်"
"အကိုကသမီးရှိတာလား...မထင်ရဘူးပဲ အကို့မိန်းမကရော"
"အကို့မိန်းမကမရှိတော့ပါဘူး...အကို့မှာသမီးတစ်ယောက်ထဲရှိတာ"
"ဟုတ်လား...ချစ်စရာလေး ကို့ကို့ဆီလာပါလား"
"ဖေဖေ"
"သွားလိုက်လေပန်းလေး ကိုကိုကသမီးနဲ့နေပေးလိမ့်မယ်"
သမီးအားစိုးရိမ်နေခဲ့တာက ဘာမှမဖြစ်တာသိလိုက်ရပေမယ့် ပူပန်နေမှုကမပျောက်သွားသေး။ ဘာလို့မှန်းမသိ စိတ်ထဲပင်ပန်းနေလို့နေ၏။ ဘယ်အရာမှတွေးချင်စိတ် လှုပ်ရှားချင်စိတ်ရှိမနေဘဲငြိမ်သက်လို့ထိုင်နေရင်း သမီးရှိတဲ့ဘက်ဆီကြည့်တော့ နှစ်ယောက်သားနဲ့ဓာတ်ကျသွားပုံ ပျော်ရွှင်နေတာတွေ့နေရသည်။
"အကို ဒီမှာဆေးနံ့တွေပြင်းတယ် ကျွန်တော်ပန်းလေးကိုအပြင်ခေါ်သွားပေးရမလား"
"မရဘူး!! ခင်ဗျားနဲ့ဆိုကလေးအန္တရာယ်ရှိတယ်"
"ဘာမှဖြစ်ဘူး ပန်းလေးကိုကိုနဲ့ဆော့ချင်တယ်..နော်ဖေဖေ"
YOU ARE READING
Mastermind (Uni+Zaw)
Randomအချစ်ဆိုတာကိုယုံရအောင် ငါအရူးမဟုတ်ဘူး။ ငါအတွက်အချစ်ဆိုတာမရှိဘူး(တိုင်းမဟာမင်း) မတွေ့ကြတော့ဖို့ရည်ရွယ်ထားပေမယ့် တွေ့ဖို့ဖြစ်လာခဲ့ရင် လက်တုံ့ပြန်မိမလားမသိဘူး(ဆွေးမြတ်ပိုင်ရှင်) ငါ့အနားမှာမင်းနေလို့ အရှုံးမရှိစေရဘူးဆွေး။ ဘာလို့ဆို ငါမင်းကိုနောက်တစ်ခါမဆ...
