"ကိုယ့်အတွက်မဟုတ်တဲ့လူတစ်ယောက်ကို စွဲလန်းပြီးချစ်မိတာ အကြီးမားဆုံးအခက်ခဲတစ်ခုပဲ။ နှလုံးသားနဲ့ရင်းပြီးပေးဆပ်ခဲ့တဲ့အတွက် အများကြီးမဟုတ်ရင်တောင် ကြည်နူးဖွယ်ရာတုံ့ပြန်မှုလေးတစ်ခုကိုတော့ သူတို့မျှော်လင့်မိတတ်ကြတယ်"
"ကျွန်တော့်အမလည်းဒီလိုဘဲ...အနားမှာရှိနေရုံလေးနဲ့ကျေနပ်နေမိတာတောင် အဲ့အချိန်တိုလေးအတွင်းကို ခါးသီးမှုနဲ့ဥပေက္ခာတွေပေးခဲ့တဲ့သူ။ တစ်ချိန်လုံးသူနာကျင်နေတာတောင် အဲ့လူအတွက်ဘာမဆိုလုပ်ပေးခဲ့တယ်။ သစ္စာမရှိတဲ့သူ၊ရိုင်းစိုင်းတဲ့သူ၊ကိုယ့်အပေါ်အနိုင်ကျင့်တဲ့သူဖြစ်နေတာတောင်...သူဆက်ချစ်ဖို့ကိုပဲရွေးခဲ့တာ"
"အဲ့အချစ်ကိုပဲခုတုံးလုပ်ပြီး...မမရဲ့ဘဝကိုဖျက်စီးခဲ့တယ်လေ။ တားဆီးနေတဲ့ကြားကနေ မမကိုယ်ဝန်ရခဲ့တယ်ဆိုတာသိတော့...အဲ့ကိုယ်ဝန်ကိုဖျက်ချခိုင်းတယ်"
"ရှင်...ရက်စက်လိုက်တာ။ ဘယ်လောက်တောင်လူမဆန်တဲ့သူလဲ"
အံကြိတ်ပြောရင်း ကိုယ့်ထက်အရင်မျက်ရည်တွေစီးကျနေသူ။ ဆွေးအရိပ်အကဲတစ်ချက်ကြည့်ရင်း ဆက်ပြောဖို့လုပ်လိုက်၏။
"မမကလည်း...တေးလိုနှင်းဆီဖြူလေးတွေသိပ်သဘောကျတာ။ ကျွန်တော်သူ့အတွက် အဲ့ပန်းလေးတွေယူသွားပေးနေကြလေ။ အဲ့လူကိုချစ်မိတာကလွဲရင်...မမကဖြူစင်ရိုးသားပြီး စိတ်ကောင်းရှိတဲ့သူတစ်ယောက်။ အဲ့တာကြောင့် သူ့ဘဝထဲဝင်လာတဲ့ အပြစ်မရှိတဲ့ကလေးကို သူမရက်စက်နိုင်ခဲ့ဘူး"
ကိုယ့်စကားတိုင်းမှာ တဖြည်းဖြည်းကျယ်လောင်လာတဲ့ ရှိုက်သံနဲ့ ငိုကြွေးသံ။ အသည်းထန်ငိုကြွေးချချင်စိတ်ကို မနည်းထိန်းထားပုံ။
"တစ်နေ့...ကျွန်တော်မမဆီကိုပန်းလေးပေးဖို့သွားတော့ အိမ်မှာမမရှိမနေခဲ့ဘူး။ နောက်တော့ တံတားအောက်က ချောင်းစပ်မှာ ကိုယ်တိုင်အဆုံးစီရင်သွားတဲ့ မမအလောင်းကိုကျွန်တော်တွေ့ခဲ့ရတယ်။ ကျွန်တော်ရူးမတတ်ဘဲတေးရယ်"
"ဘယ်လောက်ရက်စက်လဲဆို...သူတို့ဖိအားပေးတာခံခဲ့ရတဲ့မမက သူမသေခင် သူကလေးကိုသူကိုယ်တိုင်အရင်သတ်ခဲ့ရတယ်။ အဲ့အချိန်သူဘယ်လောက် ရင်တွေကွဲနေရမလဲ"
YOU ARE READING
Mastermind (Uni+Zaw)
Randomအချစ်ဆိုတာကိုယုံရအောင် ငါအရူးမဟုတ်ဘူး။ ငါအတွက်အချစ်ဆိုတာမရှိဘူး(တိုင်းမဟာမင်း) မတွေ့ကြတော့ဖို့ရည်ရွယ်ထားပေမယ့် တွေ့ဖို့ဖြစ်လာခဲ့ရင် လက်တုံ့ပြန်မိမလားမသိဘူး(ဆွေးမြတ်ပိုင်ရှင်) ငါ့အနားမှာမင်းနေလို့ အရှုံးမရှိစေရဘူးဆွေး။ ဘာလို့ဆို ငါမင်းကိုနောက်တစ်ခါမဆ...