كل الهوئ في عيناك

البارت 95

دخل عبدالقادر وأبتسم بعتب وهو يشوف فاطمه قبل أيهم و تسولف له وهو يضحك من ضحكها قرب لهم صفق أيهم وصرخ بفرح ورفع يدينه لفت فاطمه وأبتسمت قالت: عبدالقادر.أبتسم ونزل الورد ومسك يدها وقفها وضمها وارتخى عليها شدت عليه ومسحت شعره قالت: تعبت اليوم.أخذ نفس وقال: راحتي هنا.أبتسمت قرب أيهم وتمسك برجول عبدالقادر وبكى من ما أنتبه له  ولا أعطه أهتمام ضحكت فاطمه وقالت: يابابا.ضحك عبدالقادر وبعد عنها شال أيهم وباس خده قرب فمه أيهم وعض خد عبدالقادر  بزعل ضحك وقال: يابابا . جلس وأيهم بحضنه أبتسمت فاطمه وشالت الورد شمت ريحتهم وقالت: ينعش يعطي حياه.ناظرها عبدالقادر وقال: والله ماينعش ويعطي حياه غيرتس.حمرت ملامحها وضحكت قالت: عبدالقادر.أبتسم جلست وقالت:جاء راجح وفيِ وعندهم اليله جمعه.هز راسه وقال: اعرف ارسال لي ماتدرين ليش.هزت راسها بنفي وقالت: لا.صغرت عيونها وقالت: أنت ماتعرف.ضحك وقال: والله مااعرف.أبتسمت وتمدد على الكنبه وحط أيهم على صدره ناظرتهم وكيف أيهم مسترخي وهادي معه قالت: نعصد فوق تنامون.ناظرها عبدالقادر بنعاس وتعب قال: أبي حضنتس وأيهم يبي  بعد لكن انا اولى لان أيهم معتس من صباح .ضحكت: مشكلتك يازوجي دلوع مو بس أنا.ضحك وأخذت أيهم وصعدت وصعد معهم وقف ينتظرها  تخلص من أيهم لفت وقالت بعدم تصديق: من جدك عبدالقادر.أبتسم وقال: لا من جدتي.ضحكت وقالت: تستهبل.ضحك وقال: خلصي.قرب لها وناظر أيهم ومسك يدها قال: خلاص معه نانا ويشرب تعالي لي.ابتسمت وقالت: المفروض اجهز لليله تدري.هز راسه بنفي وتممدت وتمدد وحضنها وحط راسه على صدرها أبتسمت وعضت شفتها ورفعت نفسها وباست خده رفع وجهه لها وقال: مهلوك لاتهلكني.ضحكت وقالت: خلاص نام.

بعد ساعات أيهم على بطن عبدالقادر  وفاطمه واقفه  عند الستاره ضحكت لايهم وقالت: شوف ياماما كيف بسهوله يقوم بابا .صرخت بكل صوته وقالت: يمه عبدالقادر.فز من نومه وركضت تمسك أيهم قبل يطيح ناظرها بخوف وصدمه قال: وش فيكم وش صار فيتس شي صار شي من دخل. ناظرته وضحكت وأيهم يصرخ مثلها ويضحك قالت من بين ضحكها : شكلك حلو.عض شفته وناظرها ضحكت ورفعت كتوفها قالت: حاولت تقوم واتفقت أنا وأيهمي نلعب شوي معك.قال بحده: تعالي.ضحكت وقالت: حياتي.قام وركضت برا قالت: غسل وصل وتعال أحنا تحت جاهزين. قال عبدالقادر:يا بنتي لاتركضين. نزل بعد دقائق قال: يلا.أبتسمت قالت: مساء الخير زوجي العزيز.ناظرها وضحكت فاطمه وقالت: ترا مروقها.هز راسه وقال: ترا منفس.قربت وحاوطت عنقه أخفى أبتسمه وناظرها قالت: افا تنفس وانا موجوده.ضحك وقال: اي بسم الله عليتس مسويها فعاليات ومروقها وحركات أنتبهي لابكره يجي اخ لايهم.ناظرته بغيض بعدت  وضربت صدره أخذت شنطتها وقالت: خذ أيهمي واغراضه.ضحك عبدالقادر وقال: روقت وأنتِ نفستي.قالت بسخريه: هههههههههههه‍ مو منفسه من قال.هز راسه وأخذ أيهم واغراضه طلعوا وقف عند كوفي لف لايهم وقال: أنت مع الاسف ما يخدمك.ضحك أيهم ومد يده وسحب شماغه ضحكت فاطمه عصب وقال: ولد.لف وضبط شماغه وفاطمه تضحك قالت: حياتي أيهمي وش هالرد.ناظرها بطرف عينه وضحكت وقالت: أمانه اضحك قادري.صد عنه يخفي ابتسمه بوسط غضبه على أيهم لفت لايهم وقالت: يالله ياأيهمي قادري اليوم دلوع.عض شفته من نطقها ولقالت بياء تملك نزل وركب ومد لها حليب شوكولاته اثنين وسعت عيونها وناظرته أبتسم وقال: الله يقدرني وأحسن تربيتكم  يابنتي وولدي.ناظرته وحطتهم بجنب كوب قهوته وصدت  ناظرها وعض شفته من لمح الزعل قال: لتس.مد كوب قهوة مااخذتها نزل الكوب وميل شفايفه وقال بهمس: استاهل.أبتسم علي من شافهم ولفوا لهم قال عزيز: هلا هلا أخر ناس.أبتسم عبدالقادر ونزل أيهم أخذت أيهم ودخلت حاوط كتوفها ميلت شفايفها سلموا عليهم أخذ عزيز أيهم ورفعه فوق وهو يضحك ويصرخ قالت فاطمه: عمو عزيزان لايرجع من هالحركه.كان بيتكلم عزيز لكن أستفرغ عليه أيهم وقال بقرف: ياولد.أخذت أيهم وقالت: رجاء لا احد يسوي هالحركه فيه.ناظرها عبدالقادر وكيف جوها أختلف منه قالت ام عبدالقادر: الله يديهك ياعزيز الحين غيرون حتى لابسه.أخذت فاطمه وأخذت ملابسه بكى أيهم قالت: اششش يابابا.دخل عبدالقادر معها قال راجح: وش فيه.قال عبدالقادر: مافيه شي.ناظرهم وفاطمه تلبس أيهم وتغسل وجهه تمسك فيها أخذت نفس ولفت لعبدالقادر وقالت: خذ بسوي له نانا.ميل شفايفه وأخذه وطلعوا للجلسه وأيهم يبكي وعبدالقادر يحاول يهديده قالت روان : فاطمه وين لاتاخذ أيهم .قالت أم رنيم: يعزتي لك. قال عبدالقادر: انا أبوه.خذت نفس وهي سمعها كلامهم وناظرتهم اتجاة له واخذت أيهم قالت: فيِ بدخل الغرفه اللي تحت بينام أيهم.قال راجح: البيت بيتك.قامت فيِ وقالت: بروح معتس. وقامت فجر واخذت اغراض أيهم ناظرتهم فجر وفيِ وهي تنيم أيهم بهدوء وقالت فيِ: بسم الله عليه.باست خده فاطمه وقالت: طلعنا لانزعج أيهم.قالت فجر: واذ صاحى كيف.قالت فاطمه: بخلي طرف الباب مفتوح وبشيك عليه كل شوي.طلعوا مسك يدها احمد وزايد قال: تعالي بنطلع.قالت فاطمه: اي والله.طلعوا قال زايد: وش فيتس.هزت راسها بنفي
فاطمه وزايد وأحمد جلسين بالارض بعيد عن جلستهم وحوالين بعض ويسالفون مع بعض قالت فاطمه: قالت لعبدالقادر ابي قهوه تخيلوا وش جاب.أحمد وزايد: وش. ضحكت فاطمه وقالت: جاب حليب  شوكولاته اثنين وجاب لنفسه v60 قال لكم والله يقدرني وأحسن تربيتكم.ضحكوا أحمد وزايد قالت فاطمه بزعل: مره مره زعلت  منه أبي تساعدوني او عطوني أفكار.قال زايد: نامي عندنا.قال أحمد:  لا تنظرين عبدالقادر ولاتردين عليه بموت .ناظرتهم بتفكير ضحك احمد قالت: لاتضحك مره قهرني وزعلني  بشوف أيهمي. قام زايد وقال: قوموا.قاموا واتجهو لهم ناظرهم عبدالقادر وقال لايهم: ماما جات.أبتسمت فاطمه لايهم لمتجه لها فتحت يدينها قالت: حياتي.رفع نقبها قالت فاطمه وهي تشيل يده: لالا ياماما.جلست وأيهم بحضنه ناظرها عبدالقادر وهي حاسها بناظرتها قال: تو صحى.ماردت عليه رفع حاجبه  ابتسم راجح وقال: اعز يوم علي من كل  نواحيه وسبب هالجمعه الله يديمه علينا باذن الله أن بصير أبو حمد.صرخوا بفرح وباركوا لهم قالت ام حمد: الله يدم هالاخبار .الكل: أمين.قال  ناصر: أم أيهم.ناظرته فاطمه وقالت: سم.قال ناصر: متى ودك نشتغل على  المناقصه. قالت فاطمه: اذ معك الاوراق الحين.قال ناصر: معي نسخه بدي اف.قالت فاطمه: حلو تعال الجلسه ثانيه.قام ناصر ناظرها عبدالقادر ينتظر منها ناظرها او كلمه أبتسمت بأنتصار وهي واثقه أن عبدالقادر بيقوم معها قامت وأيهم معها قام معهم عبدالقادر كانت تشرح لناصر وناصر يشرح لها ولهم وقت فقدت صوت أيهم وحركاته ناظرت حوالينها قامت وقالت: أيهمي ياماما.أنتبه عبدالقادر وقام معها بلعت ريقها وأتجاة لجلستهم وقالت: أحد شاف أيهم.الكل: لا. قالت : وين زايد.قال أحمد: طلع  .ناظرت عبدالقادر من أفكارها وأحتماته وقال بصوت عالي: أيهم.لارد ناظرت راجح  وفيِ وقالت بخوف: المسبح مفتوح.ناظرها عبدالقادر وناظروا بعض قال راجح: اي.ركضوا للمسبح وفقت بصدمه وهي تشوف أيهم على حافة المسبح بردت أعضام عبدالقادر وركض وشال أيهم وهو يرجف ضحك أيهم من الماء اللي يلمس رجوله وبكى أول ماشاله عبدالقادر اول ماسمعت بكه جلست بالارض وهي ترجف طلعوا من المسبح علي زايد وزيد ناظرهم عبدالقادر وناظر فاطمه وبلع ريقه وهو يشوف عيونها بالمسبح قال: فاطمه.كانت مثبتها عيونها بالمسبح وهي صامتها أتجاه لها عبدالقادر أخذت روان أيهم بلع ريقه راجح وقال : يمكن  صدمه.ناظره عبدالقادر وهز راسه بنفي وضمها قال: أيهم بخير والله بخير. قال راجح : شيل النقاب.رفع نقابها وقف زايد وهو يشوف حالتها بلع ريقه ومسك وجهها عبدالقادر  وقال : أيهم بخير روان هاتي.مدت أيهم لها والكل منصدم منها وهي ثابتها حطها بحضنها بكى أيهم ناظرت أيهم صرخت وبكت وهي تضمها عض شفته بقهر عزيز سحب عبدالقادر أيهم منها لاتخقنه ومدها لروان وقال: تعوذي من أبليس وأيهم بخير الحمدلله.شهقت وضمها عبدالقادر ناظرت علي وزايد وزيد وقالت وهي ترجف: كلهم كلهم نفس شي حتى أنت زايد ليه ليه.هز راسه بنفي زايد: لالا .شهقت وقالت: كلكم أكركهم. قال زايد: والله ماشفته فاطمه.ناظرته وعض شفته زايد وضربت صدر عبدالقادر بقهر وعصبيه وزعل قالت: أنت كله منك كله منك لاتزعليني كله منك عبدالقادر حتى أنت.جلس احمد وقال: فاطمه.ناظرت أحمد ضمها وقالت: بس أيهم بس أيهم لا يضرونه أحمد ليه كلهم يصدموني ليه كذا أحمد احس قلبي يوجعني أه أه.قال احمد بخوف: بسم عليتس.شهقت وقالت: لايروح عبدالقادر لايصير شي لايهم تكفى أحمد هم كل حياتي هم سعادتي احمد تكفى أحمد.غمض عيونه عبدالقادر وضمها قال بحنيه: أبوي أنتِ تكفين أهدي.شدت عليها وهي تعبانه وترجف وتبكي قال عبدالقادر: تكفين أهدي والله أن أيهم بخير أنا زعلتس أسف وأعتذار وحقك علي أنتِ اللي لايصير لتس شي.الكل ساكت ومنصدم من أنهيارها وترجي عبدالقادر لها قالت برجفه وهمس: أبي أيهم وبيتنا وأنت.هز راسه وقال: تم وابشري.لف لروان: أيهم بابا.اخذه وجلسها بجنبها باس أيهم خدها أبتسمت لها قال عبدالقادر: روان لو ماعليك امر هاتي اغراضهم.قالت روان وهي مصدمها: ابشر. جلس زايد بجنبها قال: والله العظيم ماكنت أدري والله ماشفته فاطمه.ناظرت زايد وضمته قالت: الا أنت.شد عليها وقال: والله ماتشوفين الزعل والجرح مني ولا أضر أيهم.قالت فاطمه: أسفه.هز راسه وقال: لو بمكانك بقول نفسك بس الا زايد لا تشكين حتى الشك فيه.باست خده وقالت: أنت نعمه من الله أنت أعظم عوض من الله لي عن كل أخواني.أبتسم وباس خدها وقال: والله أنتِ نعمه من الله وأنتِ أعظم عوض لي من الله عن كل أهلي والناس.أبتسمت اتجاة لهم روان قالت: أغراضكم.هز راسه عبدالقادر وقال: شكرآ.لف لفاطمه مسحت دموعها ولابست نقابها مسك يدها وشال أيهم و شنطته وطلعوا قال ابو راجح: راجح سكر المسبح.هز راسه راجح وقال: ابشر. ورجعوا لجلستهم وقالت ام حمد: أنتم ما شفتوا أيهم.قالوا زايد وزيد: لا.ناظروا علي تنحح وقال: شايفه.ناظروها بصدمه قالت ام عبدالقادر: أنت صاحي لو طاح وغرق.قال ابو راجح: وليه ماطلعته.قال علي: كنت منتبه له لكن لفيت وجوا فاطمه وعبدالقادر وهو تقدم.مسح وجهه عزيز وقال: أنت مريض لو مات وطاح وأنت لف عنه  7اشهر عمره  طفل. اخذ نفس وصد عنهم قال أبو راجح: كل واحد يقفل مسبح بيته أذ تجمعنا في أطفال خلو عندكم مسؤولية.قالت أم رنيم: الله يخلف أنت وش شلون بتربي ولدك.قام علي وقال: كثر الله خيرك راجح ومبروك لكم. هز راسه راجح وطلعوا ضي وعلي دخلوا بيتهم ضمته ضي وقالت: فهمتك علي لكن أنت ماتحس بمسووليه لو طاح وصار له شي طيب أنقذته يمكن رئه عند تعب ويصير له شي مو موت علي.ضمها وقال: خلاص.سكت .