You're My Missing String [GYTE ARAH "The Guitar Princess"] Book 3

Chapter 56

CHAPTER 56 : TYRA's POINT OF VIEW

Nagpalipas ako ng ilang minuto sa likod ng halamanan bago pumasok ng bahay.

Ang ingay, ang iingay nila.

Actually, walang pumapansin sa akin pagpasok ko ng bahay, lahat ng atensyon nila ay ay na kay Clarry at Tito Drammy.

Dumeretso na lang ako sa kusina, dinala ko 'yong hipon at kangkong.

"Ang tagal mo naman, kanina pa 'yan hinihintay." Sabi ni Tita Alpa, gusto ko siyang sagutin, gustong-gusto ko, pinigilan ko lang dahil mahirap na.

Alam kong by this time ay may sinabi na sila tungkol sa amin kaya siguro parang hangin lang ako sa paningin nila.

Dgdag pa 'yong narinig ko kanina kay Tita Rainne, all this time akala ko puwede namin siyang takbuhan, akala ko isa siya sa puwedeng tumulong sa amin ni Gwy kapag isiniwalat ko na ang totoo, kapag itinakwil na kami ng mga Musico. Mali, maling mali. Iba kapag pera ang usapan.

Pupuntahan ko sana si Gwy para painumin ng gamot pero– "Saan ka pupunta? Linisin mo 'yong hipon, nagugutom na sila." Sabi ni Tita Alpa at iniwan na ako sa kusina.

Wala akong choice kun'di linisin 'yong hipon. Ilang saglit pa'y bumalik siya sa kusina at tumabi sa akin. "Huwag kang gagawa ng eksena, igalang mo naman ang birthday ng anak ko."

Ngumiti lang ako. "Matagal kong hinintay ang araw na 'to, Tita. Gusto ko kasi kompleto kayo kapag sasabihin ko na lahat ng gusto kong sabihin. Don't worry, aalis naman kami kapag nasabi ko na lahat, LAHAT." Ngumiti ako ulit.

"Sa basurahan kayo pupulutin." Nanlalaki ang mga mata niya sa inis.

"Ikaw din po, kapag pinili ni Tito Drammy si Hanna at ang dalawa niyang anak." Iniwan ko siya sa kusina at hinayaan ang hipon sa mesa.

Pagpasok ko sa kuwarto namin ay saktong pasok din ni Gwy galing sa likod-bahay, naka-jacket siya at may suot na sumbrero.

"Saan ka galing?"

Muntik pa siyang bumangga sa bookshelves dahil sa gulat. "S-Sissy... Ahm, d-doon lang sa tree house, need ko ng hangin e. K-Kanina ka pa?" Tumango ako at naghubad ng suot kong jacket.

"Nasa baba na silang lahat, hindi ka ba magpapakita sa kanila?"

Hinubad niya rin ang suot niyang jacket at ini-hanger.

"Mamaya na, hayaan na muna natin silang magsaya." Inabot ko sa kanya ang gamot niya, "Inumin mo na 'to."

"S-Sissy, itutulog mo ba talaga 'yong plano? Masisira ang pamilya natin."

"Dati na 'tong sira Gwy, at ano'ng kinakatakot mo? Mawawalan tayo ng pamilya? Matagal na tayong walang pamilya. Tayong dalawa na lang Gwy, tayo lang. Tuwing naaalala ko ang mga nangyari kay Mama, ako 'yong naaawa, ako 'yong nasasaktan."

"Pero Sissy, matagal na 'yon."

"Matagal na o hindi, pinabayaan pa rin nila si Mama. Kung naipagamot sana siya noon, kung naipa-opera sana ang puso niya e 'di sana kasama natin sila ni Papa hanggang ngayon, hindi sana tayo nakikisiksik sa kanila para lang may matawag na pamilya."

Napa-upo na lang ako sa kama. "Inumin mo na 'to, sasagutin ko lang 'tong tawag." Sabi ko kay Gwy at nagpunta sa may bintana para sagutin ang tawag ni Tito Chordie.

"Hello po, Tito?"

"Tyra, si Mike 'to." Tiningnan ko ang cellphone ko, number naman 'to ni Tito Chordie.

"Magkasama na kayo? Naitakas ka na niya?"

"Oo, malapit na kami sa bahay ninyo."

"Ano?" Napalakas ang boses ko kaya napatingin sa akin si Gwy.