ما كنها الإ قمر تخاطفها السحايب

البارت 2

بالسيارة الصمت يعم ارجاء السيارة والخوف يعتلي قلوب ميلان وجود
شاد يدينها على عبايتها وهي تدعي لا يقول لـ عساف وهزاع بداخلها وهي متوتره : يارب لا يعلم اخواني يارب بابا بيزعل مني والله ياربي من جود جابت لنا المصيبه ذي صحت على نفسها وهي تمسع جود الي تتكلم بهدوء تام مع غيث
جود رفعت نظرها لـ غيث بهدوء رغم الخوف الي بداخلها نطقت بتوتر : غيث والله هي الغلطانه
لف لها غيث بعصبية وغضب ورجع يناظر بعيون ميلان من المرآيه : لا والله على كيفك غلطانه هاه المعلمه ماتغلط
شهقت جود ووسعت عيونها بذهول : انا بعرف ليه ماتصدقني اقولك هي غلطت ميلان وميلان ساكته ما قالت شي لها وقالت مو متربيات يرضيك هالشي
غيث زاد سرعة سيارته وهو يناظرلهم بعصبية ويتوعد فيهم
ناظرت له ميلان وهي ترتجف وانهارت دموعها بدون صوت من الخوف ونطقت بصوتها الانثوي الهادي المرتجف من البكاء : ممكن تهدي السرعه يا ولد العم؟؟؟
ناظرلها نظره سريعه ومااهتم وزاد سرعته مسكت ميلان شنطتها بقوه وهي خايفه من سرعته وجود الي متشبكه بالباب من سرعة غيث المجنونه تكلمت بـ هدوء : هي غيث وشفيك مسرع هدا!
غيث بعصبية هاديه : انكتمي انتي وياها لا اسمع لكن صوت فاهمه؟؟؟؟
هزت جود براسها بمعنى زين لفت نظرها جود لـ ميلان الي عيونها غورقت دموع وحمرت من البكي وترجف بالخوف شهقت بصمت جود وهي تمسح على يد ميلان وبهمس خافض لها : لا تبكين اهدي عادي
~~ بعد 10 دقايق وصلو بيت ميلان والي هو بيت عمهم حازم ناظر لها غيث من المرايه وهي ينطق بدون نفس : يلا توكلي والعلم بيوصل لـ عمي ذالحين وصل؟
عصبت ميلان وهي تناظر حركاته واسلوبه المستفز وبهمس قدر غيث يسمع كلامها: مريض نفسي شايب صدق
وسع عيونه بذهول من قالت عنه " شايب " ناظرلها : صدقيني كلمة شايب ومريض نفسي مابتركهااا واعديها ويلا طسي
ناظرت له ميلان وكشرت بوجهه ابتسمت بفكره لـ ثانيه اخذت شنطتها وصفقت الباب بقوه وركضت داخل
ثارة عصبية غيث وهو ينزل ركض بقوه وقدر يمسكها من زندها النحيف : وش الحركه الي سويتيها هاه؟؟؟!
ناظرت له بصدمه من مسك يدها وحاولت تبعدها لكنه كان اقوى منها وشد عليها وهي تحاول تدفه وتبعد عنه تكلمت بصوت عالي مالي للعصبيه : وخر ابعد يا مريض يا متخلف انقلع
شد على ضغط زندها وضحك وهو يبتسمم بخبث وسخرية : اذا انا مريض انتي وشتطلعين اجل ؟ قليلة حياء وادب! ام لسان ؟
وسعت عيونها بذهول وهي تحاول تدفه وعيونها الي غورقت دموع وتتكلم بصوت متقطع : الله يلعنك انت منت بولد عمي تخسي تكون ولد عمي ، عصب غيث من كلمة " تخسي تكون ولد عمي " احتدت ملامحه بغضب وهو يدفها ويرفع اصبعه بتهديد : بيوصل لعمي كلشي وصل؟؟
طنشته وهي تدخل بيتهم وتقفل الباب بقوه بوجهه غيث
~ دخل غيث السياره وهو يصفق الباب لفت عليه جود بصراخ وعصبية : يا مجنون ليه تسوي بالبنت كذاااا هاهههه ليه تضربها مالك حق تضربهااا
غيث بعصبية وهو يدف اخته : انطمي ولا اسمع لك كلمه يابزر علميني بعد وش اسوي ووش مااسوي هاه؟؟؟؟؟؟؟
جود وهي تمسك كتفها الي تحسه انخلع بسبب غيث وضربته وبهمس : اشهد انك مو صاحي غيث وربي ان عرف عمي طلال انك مديت يدك على بنته ميلان بيذبحك الا ميلان عنده خط احمررر
غيث بعدم اهتمام وكل قلبه فيه قسوة وكرهه لـ ميلان : بلعنه بنته قليلة ادب
وسعت عيونها بذهول وشهقت : حرام عليك ميلان مو قليلة ادب وربي ماافي اهدى منها
غيث طنشها وهو يطلع علبة الدخان حقته جود وهي تناظر اخوها بعصبية بداخلها : الله يعينك الي بتتزوجك يا غيث