ما كنها الإ قمر تخاطفها السحايب

بارت 38

~ فـي الفندق عند نور وفارس وصلوا الفندق ودخلت نور ودخل وراها فارس ارتعش قلبها وهي تناظر الغرفة والورد المنثور والهدايا نزلت عبايتها بتوتر اقترب فارس لها وهو يحاوطها من ظهرها لخصرها ابتسمت بحُب وهي تشد على يدينه الي محاوطه خصرها وهمس باذنها : " ‏ ‏من طيب حظي جابتك الأقدار لي ومن عرفتك وانا احبك كل يوم اكثر " والله انك نعمه يا نور لي عز الله اني احبك صدق ومولي
حبً مع الدم يجري في شرايييني يانور نشيب ونكبر سوا ياحلال وحب فارس أحيا بقربك طول عمري وأبقى في ظلك سعيد وتبقين انتي في حياتي .. أجمل أيام العمر انتي غيمتي البيضاء ، انتي زوجتي و حبيبتي وحلالي ونور حياتي وكلشي بدنيا احبك يا نور
دمعت نور وهي تسمع كلام فارس ومشاعره وحُب لها لفت وهي تضمه وانهارت دموعها وهي تتكلم : احبك فارس انت ملجأي بعد بابا واخواني انت بحياتي شي كبير انت زوجي وحبيبي و ابو عيالي
ابتسم فارس وهو يضمها ويشدها له مسح على شعرها وهو يبتعد بشويش عنها مسك يدها ويقبلها بهدوء توردت ملامحها بخجل وبانت غمازتها اليمين اسرت قلبه بـ ابتسامتها ناظرها بعيونه ابتسم وهو يخفف توترها وخجلها : يلا روحي غيري فستانك على مااطلب لنا عشاء
ابتسمت نور وهي تهز راسها بمعنى " حاضر " مسكت فستانها وهي تدخل دورة المياه رمت الفستان بصعوبه واخذت شنطتها وطلعت قميص نوم ناعم باللون الذهبي مفتوح من الفخذ ومن الصدر مسحت الميكب واكتفت بروج ومسكرا انتهت اخر لمساتها كريم ترطيب وعطرها المميز والمثير وشعرها تركته مفتوح اخذت جوالها وهي تطلع برا عند فارس ~ فارس الي نزل الاكل وقف وهو يناظرها ب قميص النوم الي كان شبه جريئ وشكلها وريحة عطرها داهمته بلع ريقها وهو يمسك يدها ويجلسها جنبه استنشق ريحة عطرها وهو يتكلم : يلا سمي بالله
اخذت نور الاكل وبدت تاكل لانها جوعانه ومو ماكله شي من امس
~ بعد خمس دقايق انتهى فارس ونور من الاكل وكلهم غسلو يدينهم ارتبكت نور وهي تقترب من السرير جلست على طرفه طلع فارس وهو متوتر بلع ريقه وهو يقترب لها جلس جنبها ومسكها من خصرها بيده لفت له وهي تناظره بخجل ركز فارس نظراته حول عنقها و شفايفها مسك عنقها وهو يقترب من شفايفها ويبتدي خطوته بتقبليه لها ارتخت نور بين يدينه وهي تحاوط رقبته شالها وهو يسدحها بشويش واعتلاها وو ..

-
في قاعة الزواج انتهو الحضور من العشاء وطلعوا من القاعة جلست اريج وجود بتعب عند لينا الي كانت منسدحه بتعب ترف جلست عندهم : يمه تعبت والله ماخليت رقصه مارقصتها
ضحكت غزل بغمزه : صورتك تبين تشوفين وترسلينه لزياد؟
طارت عيون ترف : اح ملعونه هاتي هاتي بشوف
غزل : بكره برسله تكفين مالي خلق تعبانه ؟
ترف كشرت : توك تبين توريني
غزل ضحكت : امزح يلا برسله يا جحود
اريج مسكت بطنها : بنات جوعانه البوفيه فيه اكل
جود وهي تناظرلها : ايوا فيه تكفين حتنا جوعانه واشتهيت معكرونه بشاميل اتوقع فيه
اريج : شرايك تقومين وتشوفين اذا في خذي جوالك عشان اجيك
خزتها جود : يلا يلا بقوم المفروض انتي تقومين ماهي انا
اريج : يوه اخلصي بس
قامت جود وهي تمسك فستانها وجوالها وماشية للبوفية وهي ماشيه دخلت البوفيه وما كانت منتبه لشخص الي كان ينزل صياني الذبايح الي بقت حق العاملات وقف من حس بالانثى الي قدامه ارتعش جسمه وهو يناظرها من فوق لتحت يناظر لشعرها الكستاني وعيونها العسلية وشفايفها وطولها ونحفها وقصرها وفستانها الاحمر الجريئ وروجها وعقدها بلع ريقه عرفها عرف الانسانه الي انقذها ماقدر مايصد حاول كثير انه يصد لكن عيونه وقلبه معها مع الانسانه الي قدامها كانت غير عن المره الي شافها بالمستشفى جود عصبت وهي تشهق : يا ولد عيب غض البصر خير ؟؟
سطام بلع ريقه ووعى على نفسه وهو يتكلم : انتي جود ؟
جود تخصرت : اي نعم ؟ من انت
سطام ابتسم على عصبيتها : معك سطام عرفتيني
شهقت من طارت عيونها وارتبكت بتوتر : هاه انت سطام ؟
ابتسم سطام من سمع اسمه من عندها : ايه سطام الي انقذك
جود : طيب يا البطل سطام وشعندك جاي قاعة الحريم
ضحك سطام : يا انسة جود مثل ماانتي شايفه جاي انزل الصياني
ناظرت الصيان وناظرت له ب احراج : اي تمام بس ممكن تطلع لاني باكل جوعانه
سطام ضحك على حركتها : بالعافيه طالع انا
جود توترت : تمام يعطيك العافية
طلع سطام واتجهت جود تركض حول الاكل اخذت جوالها وهي تتصل على اريج : بنت تعالي ابلعي في اكل
اريج بتسرع : يمه يلا جايه احس بيغمي علي من كثر مااني جوعانه
قامت اريج وهي تتجه للبوفيه استوقفها صوت الجده شمه وهي تنادي اريج : اريج يابنتي اريج
لفت لها اريج ب استغراب : هلا جده ؟
الجده شمه : بنيتي شوفي واحد من العيال ترك اغراضي عند الباب جيبيهم
تاففت اريج بداخلها : مو وقتك ياجده ابي اكل صحت على نفسها وهي تنطق : ابشري يلا بجيبهم اتجهت اريج للباب وهي تناظر الباب لمده دقيقه : ابلش وين الاغراض طلعت بشويش واجتاحها الهوى البارد ابتسمت وهي ترفع جوالها وتصور الاجواء القصر برا ~ هزاع الي كان يسمع حلطمتها وابتسم لما اقترب لها بهدوء وقف بمكانه وهو يشوف فستانها وشعرها وميكبها ابتسم وهو يتامل شعرها الي يلاعبه الهوى البارد تنحنح وهو وده مايصد عنها لكن عاداته وتقاليده ماتسمح له فزت اريج وهي تشهق : مين ؟؟؟ وقفت وهي تتنفس بصعوبة و بتوتر وارتباك من شافت هزاع بثوبه الشتوي وشماغه وجاكيته الي مفصل كتوفه العريضة بلعت ريقها وهي تكبح نفسها ودموعها الي تحرجت بعيونها ناظرلها هزاع وركز عيونه على عيونها لاحظ صدرها ينزل ويصعد من التوتر لا شعورياً مسك يدها وهو يسحبها اترجف صوت اريج وهي تترجاه بصوت مرتجف : هزاع
ابتسم من سمع اسمه منها واقترب وهو يرجعها على الجدار ومسك خصرها بيده اليمين ويده اليسار رفع خصلات شعرها وراء اذنه ابتسم وهو يناظر عيونها : لبيه امريني
ارتجفت شفايف اريج بخوف بتوتر من هزاع لاحظ رجفتها : تكلمي ابي اسمع صوتك
لفت اريج وجهها لجهة الثانية ونزلت دمعتها لا شعورياً وسع عيونه بذهول من دموعها : تبكين ؟ ليه
اريج لفت عليه بجراءة وركزت عيونها بعيونه بثبات رفعت حاجبها : شتبي مني اتركني وابعد عني انت بتتزوج قريب كيف تسمح لنفسك تمسك وحده قبل لا تملك على وحده ؟
كتم ضحكته هزاع وعرف انها للحين شايله بقلبها على كلامه : مين قالك اني بعرس قريب ؟
اريج : ما يحتاج احد يقول كلنا ندري بشيء ذا وبعدين وخر يدك عني
ابتسم وهو يعاندها ويشد على خصرها تفرعنت نظراتها بين نحرها وثغرها بلع ريقه بصعوبه اريج حست بنظراته وهي ترفع فستانها بخوف بصوت مرتجف : وخررر ابعد
هزاع ابتسم وهو يهمس باذنها لاجل ياكد لها مشاعره لها : لا تصدقين اي احد يقولك كلام تمام
كشرت بوجهه وهي تبعد يده بقوه عنها وتركض داخل بخوف ورعب ضحك هزاع على ركضتها ومسح لحيته بخفوت : ليتك تعرفين الي في قلبي يا اريج