بـ قسم الـحريم دخلت ميلان ووجها مصفوق جلست على طرف الكنبة وجتها جود الي كانت تناظرها بـ شك من وجه ميلان الي اصفر فجاة قربت منها وبهمس : بنت فيك شي ؟
ميلا الي كانت بعالم ثاني بسرحانها ماانتبهت لوجود جود رفعت جود نظرها بـ استغراب : بنت هي وشفيك ردي !!
ميلان الي صحت على منادات جود لها ناظرت لها ميلان بتوتر : وش؟
جود بـ شك : ساعه اناديك وين وصلتي بعالمك الخيالي ؟ كشرت ميلان وهي تافف : ياخي وش خيالي وش عالم الله يهديك
وسعت عيونها بذهول من رد ميلان لها والواضح ان مالها خلق لاحد : بنت وش صاير شفيك وجهك مصفوق ومنفسه !!!
ميلان وهي تحط يدينها على راسها بتعب : الظاهر برجع البيت !
جود شهقت : يابنت لا خليك تونا بسمالله نبي نسهر
ميلان كشرت لـ جود : بمشي مالي خلق تعبت
جود ناظرت لها وهي تمسح على شعرها : بسمالله عليك وشصار فيك ليكون وحده عطتك عين انا خابرتهم جايين من الديره بس يناظرولك بسمالله بس اجيب لك مويه شي يخفف لك الصداع؟
ابتسمت وهي تميل راسها على كتف جود : ولله اني احبك محزمي بس جد احتاج البيت
جود هزت راسها وهي تناظر لميلان ضمتها : يالبيه بس يابنت العم
قامت ميلان من جود وهي تهمس لها : انا بمشي
هزت راسها جود بمعنى " زين " ميلان اخذت عبايتها وهي تتوجه لامها وتهمس لها : ماما ابي ارجع البيت
ناظرت لهام امها بـ استغراب : شفيك؟ ليه بترجعين البيت
ميلان مسكت راسها بتعب : ماما تعبانه
رفعت ام هزاع يدها على جبين ميلان وهي تتحسس حرارة راسها شهقت : فيك حراره ؟؟
ميلان بخمول وتعب : اي ماما برجع البيت
هزت راسها ام هزاع اخذت جوالها وهي تتصل على هزاع سرعان مارد عليها : الو هزاع يمه؟
هزاع : لبيه يمه
ام هزاع : تعال رجع اختك البيت
رفع حاجبه هزاع بـ استغراب : من؟
ام هزاع : ميلان تعبانه وتبي ترجع البيت وينك فيه انت ؟
هزاع : ابشري خليها تطلع لي وقفل من امه ، لفت ام هزاع لـ بنتها ميلان : هزاع برا اطلعي له تبيني اجي معك؟
ابتسمت ميلان لامها : لا ماما انبسطي انا بنام
هزت راسها ام هزاع بـ " زين " واستودعت بنتها
طلعت ميلان وهي تلبس عبايتها ونقابها وبالها مو معها مع حركة غيث لها وكيف قدر يشوفها ويمتع نظره بشي مو حلاله بهمس : حسبي الله ونعم الوكيل فيه حقيرر وصخ طالعت شكلها بـ المرايا وهي تشوف نقابها الضابط اخذت نفس وهي تطلع برا تنهدت من لمحة هزاع وجنبه غيث احتدت ملامحها بعصبية و بصوت هامس : يلعنه ذا ماغير طالع في وجهي !!
~ عند غيث بعد ماقفل من امه رفع نظره لـ غبث الي جاي صوبه وتبادلو الابتسامه هزاع : هلا والله
غيث بـ ابتسامه : ارحب وينك ليه طلعت من المجلس؟
هزاع وهو يمد لـ غيث دخان : امي اتصلت وقالت تبيني ارجع اختي ميلان
توتر غيث وهو يشرق وعيونه احتدت من سمع اسم " ميلان " كشر بقرف وعصبية
ربت هزاع على ظهر غيث : يرجال شفيك
غيث بتلعثم قدام هزاع : ابد وشفيها اختك عسى ماشر؟
هزاع : مدري قالت تعبانه لف هزاع وهو يسمع خطوات كعب وعرف انها ميلان رفع راسه وهو ياشر لها بمعنى تعالي ، ناظر لها غيث بتمتع وهي لابسه العبايه والنقاب وكيف طالعه عيونها فاتنه بالنقاب تنحنح من استوعب على نفسه وعلى نظرات الكره الي صارت على عيون ميلان تنهد وهو يكشر بوجهه ويبتعد عنهم ، هزاع فتح لاخته باب سياره وركبوا هزاع بـ استغراب : وشفيك
هزت راسها ميلان وهي مرجعه راسها على الشباك وبصوت تعبان : مافيني شي !
هزاع ماعجبه صوته ورجع سالها : ليكون عن سالفه الفصل والمدرسه
هزت راسها ميلان بتسليك : اي
هز راسه هزاع بمعنى " تمام " وحرك من بيت جده ، ميلان الي دخلت بعالم ثاني تماماً بالها عند موقفها الي صار مع غيث بداخلها : انا كيف سمحت له يشوفني ويمسكني كيففف ؟؟ حقيير انا يسوي فيني كذا والله اكرهه اكرههه ماابي اشوف وجهه سربوت منقرفه كيف مسك يديني اهخ ليتني صفقته كف علمته كيف يمسكني مره ثانيه اهخ ودي اتكلم ودي اقول بس مااقدر ، اخذت نفس وهي تحاول ماتفكر بشي وتنهد بضيق ونزلت راسها وهي تفتح جوالها وتشوف رسايل من بنات عمامها وشهد اختها تنهدت وهي تقفل الجوال وتتركه سندت راسها على المقعد
أنت تقرأ
ما كنها الإ قمر تخاطفها السحايب
General Fictionلما يكون البطل رتبة لواء بالجيش وحياته بين الابل و الخيول ودوامه عصبي عمره 31 والبطله دلوعه ابوها وامها صغيره واخر عنقود عمرها 18 وتسوي الي تبيه وحياتهم جداً غنية من اشهر العائلات رجال الاعمال وغيرها بعد وفاة امها وابوها واختها الكبيره غصبها اخوها...
