ما كنها الإ قمر تخاطفها السحايب

بارت 8

ابتسمت اريج للبنات وجلسو عندهم ترف بـ ابتسامه : كيفكم ؟
غزل : تمام وانتي كيفك؟
ترف : بخير
نور ضحكت : خير بنات وشفيكم مستحيات كذا اقول فلوها شدعوه
اريج ضحكت : صدق يعني عاد نفلها؟
لينا : ايوا عادي شدعوه وبعدين عادي اسالكم وش اساميكم وكم اعماركم واضح صغار؟
غزل ابتسمت : انا غزل وعمري 20
لينا صرخت : نسمنسمسمم في وحده كبري اخيرا
نور شمقتها بطرف عين : خير انا وين رحت
لينا ضحكت وهي تقبص خدود نور : شوفو غارت
جود وتعدل جلستها : اي وانتي وانتي وش اساميكم
ديم : انا ديم اخت غزل عمري 17
اريج ابتسمت: اشك اني البزر بينكم اريج عمري 16
ترف : يالبيه يالبزر صعنونه
شهقت اريج : يالله شفتو بدينا وش صعنونه
غزل : الحين دوركم عرفونا عليكم وحده ورا الثانية
ترف اعتدلت بجلستها : احم انا عمتهم كلهم اسمي ترف عمري 24
شهد : وانا شهد عمري 23
لينا ضحكت : وانا لينا عمري 20
نور : وانا نور عمري 20
ميلان ابتسمت وبانت غمازاتها التفتو لها البنات وتنحو بوجهها رفعت حاجبها ب استغراب وتكلمت بصوت الانثوي الناعم المميز : انا ميلان عمري 17 بسمالله بنات شفيكم
اريج وديم وغزل وسعت عيونهم بذهول وفهاوه من سمعو صوت ميلان انقلبت موازينهم
غزل تخدرت : ياويل حالي ويلاه على هالصوت والغمازات والعيون والشعر والخشم والجسم والشامه
ديم ضحكت : لا تلومينا الي يشوفك ويشوف غمازاتك بيصير العن ترا
غزل بذوبان وهي تناظر لـ ميلان : الحين ذا الجمال كله لك ليه انتي انانيه خير
اردفتها اريج بضحك : وجع اسكتي يا قليلة الادب
وسعت عيونها ميلان بذهول : وش هههههههههههه
جود : محد يلومكم يا بنات ترا ذا الحين مو حاطه ميكب اوفر بس ماسكرا وروج وكذا طالعه اخيه بس لا تشوفونها بكذا ميكب فخم والله بتجيكم سكته قلبيه
اريج : بنات جد جد مشاءالله عليكم كلكم جميلات تبارك الرحمن انصدمت الصدق ماتوقعت احد بذا الجمال كل وحده تقول الزين عندي
ترف ابتسمت : حبيبتي انتي تسلمين على الكلام الحلو
ميلان : اممم بنات وشرايك نطلع برا نجلس
جود : اي اي امشو بصور
طلعوا البنات من الخيمه وجلسو برا يسولفون ويضحكون

~ بالجـهة الاخرى عند قسم الرجال جهار بصدر المجلس وهو يرحب بـ فارس وعيال اخوه ابتسم جهار وبصوت جهوري : يامرحبا بفارس واخوانه
ابتسم فارس بـ ابتسامة كره  لـ جهار : مرحبا بك ياخال !
استغربوا الرجال الي بالمجلس ما عدا سراج ونيار وفارس
رفع حاجبه جهار بـ استغراب من كلمة خال الي طلعت من فارس : خال؟
اعتدل بوقفته فارس وهو يناظر غيث ويرجع نظره للجد جهار
رفع حاجبه غيث واعتدل بوقفته : فارس وين رايح !
فارس حس ان لازم يصارح الجد تكلم بصوت عالي : انا ولد اختك يا خالي جهاررررررررررر ولد اختك ليلىىىىى
تبردت عروق دم جهار وعلامات العدم معرفة على غيث و هزاع وعساف و عبدالعزيز و سطام و عبدالله و بهاج
سراج رص على اسنانه بغضب بسبب تهور عمه فارس وهمس لـ نيار : انا مو قايل لك بيسويها !
نيار بغضب : الله يستر
غيث ناظر لـ فارس بحده وعصبيه : وش تقول انت؟؟؟؟ هاه وش تقول ! فارسسسس انت في راسك شر اكسره
فارس بصراخ اعتلى المخيم وياشر على جهار الي كان متبلد فيه مكان ولا قادر يتكلم : لاااااا ماني كاسره اي انا ولد اخته ولد اخته ليلى الي ظلمها وطردها وطعنهااا بشرفهااااا واتهمها بالباطل ها يا خالي جهارررر
نزلت دمعت جهار نزل راسه وبهمس : بعد هالسنين جت اختي
قرب فارس عند جهار وبحده وعصبية : ناظررررر لي يا خالي جهار ناظر لي
فزو احفاد جهار كلهم وهم يركضون يبعدون فارس عن الجد جهار غيث مسك فارس من ياقته ودفه باقوى ماعنده سراج رفع صوته على سراج : هيييي انت وخررررر يدك فاهم
غيث : هذي اخر الهقوه فيك يااااااا فارس اخر الهقوه !!!!؟؟
عساف وهزاع يناظرون بعض ومو عارفين وش الي حاصل
جهار قام على حيله ارتكى على عصاته وطلع يدخل قسم الحريم غيث يركض ورا جده : يا جدي اسمعني يا جدي جهار
جهار دخل المخيم بقوة ودخل غيث تلاشت عصبية غيث من لمح ميلان غمازاتها شعرها وفستانها المخملي وشامتها بلع ريقه بتوتر وتبلدت حركة اقدامه عض شفته السفلية وهو يناظر ولا يقدر يزيح نظره عنها تنحنح بعد ما البنات صرخواااا من الفجعة الي صارت لهم ميلان ارتعشى جسمها خوف من شافت غيث بـ بالثوب الشتوي بلعت ريقها وركضت ورا عمتها ~ صرخ جهارررر : يا ليلى ، فزوو الحريم كلهم وفزت ليلى قربت ودموعها تنزل لا شعورياً شافت اخوها بعد سنين طويلة طاحت على رجلها وركض لها جهار وهو يضمها : يا ريحة امي وابوي سامحيني ظلمتس وطعنتس سامحيني طالبتس طلبه تسامحيني طلبتس
ليلى بدموع : مسامحتك يا جهار انت اخوي اخوي
تحت انظار البنات والجده شمه البنات كانو يبكون بصوت واضح
الجده شمه ابتسمت بين دموعها وبهمس : سبحان الله الي جمعكم لبعضكم
ابتعدت ليلى عن جهار : كيف صحتك ياخوي وكيف حياتك بشرني عنك
ترف قربت لهم بعصبية ودموع : يبه وش تقول الحين ذي عمتي انا عندي عمه؟؟؟! وانا دايما اقول ليت عندي عمام وبعد السنين ذي تطلع عندي عمه !!!!!!!! ليه يا يبه ليه تسوب كذا
مسكتها امها ( الجده شمه ) : ترف ياامتس اهدي السالفه ماهي كذااا
ترف بصراخ : وشششش ماهييي كذا وشششش
جهار نزل راسه وبهمس : سامحيني يابنتي سامحيني خبيت عنتس عمتس طول هالسنين
مسحت دمعته جهار وهو يجلس على الكرسي ومسك يد اخته : نحمدالله شوفتس ورجعتس انا بخير دخل فارس و سراج بغضب : خالي جهاررررر خالي جهارررررررررر ، انصدموا من شافوو جهار ماسك يد ليلى
فارس قرب لجهار متجاهل البنات الموجودين تكلم بحده وصوت عالي : اسمعني يا خالي انا باخذ اهلي الحين ابيك تعتذر لامي قدام الكل الي سويته فيها مو هين ابوي مات بسببك بسبب قهره على ظلمك لامي انتتتتتتتتتتت دمرت حياة امي يا جهار
ليلى بترجي لـ ولدها : فارس ياامك سامحت اخوي اكسر الشر
جهار تكلم بصوت ندم وحسره : نادولي العيال كلهم يجون هنا والبنات تغطو وتعالو هنا الكل يكون متواجد ~ فعلا البنات بدو يتغطون ويجلسون والعيال دخلو بعد ماتنحنحو وجلسو الجد جهار ونظرات الندم على ملامح وجه : اسمعوني هذي اختي ليلى التوأم انا ظلمت اختي ظلم كبير ويشهد الله علي اني ندمان والندم متعبين ولا قادر انام واكل وانا ظالم اعز الناس اختي اطلب السماح والاعتذار منتس يااختي
ليلى ابتسمت بين دموعها : وانا مسامحتك ياخوي
فارس وهو باقي دمه يغلي من القهر اعتدل بوقفته : يلا مشينا !
جهار : حالف يا ولد الغالية ماتمشون
غيث وهو يمسك فارس: لا تكسر كلمة جدي وانت عارف يا فارس وش اسوي بالي يكسر كلمة جدي !
فارس: يبوي وخر بس سراج نيار سطام عبدالله بهاج يلا نادو البنات وامشو
جود بهمس لـ ميلان : وجع شفيه ذا ينافخ خلاص تسامحو وشيبي اكثر
ميلان وقلبها يرتعشى بخوف : بسمالله جود خفت وربي شوفيني ارجف مو طبيعي الوضع يخوف كذا
ليلى ماحبت تطولها وقامت : باذن الله بزورك ياخوي
جهار ولا بيده يسوي شي : لا هدا الوضع تعالي
غزل بزعل : بنات متى بنشوفكم افففففف
نور : ماعليك بتجون لنا قريب اساسا اليوم راجعين لبيوتنا
~ مشت ليلى واحفادها و ولدها فارس ~
ميلان بهمس للبنات : بنات مو مصدقه الي صار كيف كذا جدي يسوي
جود : صادقه حتى انا ماتوقعت كل ذا يصير الصدمه ان عمه ترف عندها عمه
ترف كانت في عالم ثاني تماماً  شهد حزنت على عمتها وراحت عند عمتها وهي تضمها : عمه تكفين خلاص لا تتضايقين
ترف ناظرت لشهد : شهد مو مصدقه ان ابوي يسوي كذا
شهد : ولا انا جدي يسوي كذا والله صدمه بس ماعليه
نور الي كانت سرحانه مسكت قلبها وحست بنغزه : اهخ قلبي
لفت لها جود بـ استغراب : وشفيك ؟؟؟
نور بانزعاج من نغزة قلبها : جود ماعرف حسيت بنغزه قويه بقلبي توجع
جود توترت بلعت ريقها بخوف وهي عارفه ايش معنى نغزة قلب : تعوذي من ابليس واشربي مويه اهدي يمكن من الي صار قدامنا !!
~ دخل ابو غيث و ابو هزاع والعيال طلعو كلهم بسيارتهم ينتظرون
ابو غيث : اسمعوني يا بنات عشان كلنا نتوزع على سيارات الترتيب كذلك انا معي ام غيث و عبدالعزيز و سيارة غيث ميلان و جود ولينا
وترف ونور و ابوي مع هزاع
ابو هزاع : وانا معي عساف و شهد وام هزاع
ابو غيث : تم خلاص كذا توزعنا يلا تجهزو ننتظركم برا
ميلان ارتعشى قلبها بخوف من عرفت انها بتركب مع غيث ومامعها خواتها وبس نور ولينا شدت على يدها بغضب واخذت عبايتها وهي تلبسها وهي تفكر كيف بتتحمل الطريق الطويل وهي مع غيث !
• بعد خمس دقايق ركبوا البنات بسيارات وحركوا تنحنح غيث ورفع حاجبه ب استغراب من شاف وحده مع خواته : مين ذي ؟
ركبت لينا وجود و ميلان ورا تكلمت لينا : غيث معنا ميلان بنت عمي
ميلان ارتجفت يدها بتوتر وخوف تنهد غيث بعد مبالاه بوجود ميلان

~ بعد مرور نص ساعة الطريق ظلم ولا فيه نور بسيارة ابو هزاع شهد وعساف نايمين وام هزاع تسولف مع ابو هزاع ابو هزاع صرخ وهو يشوف سيارة تريله داخله فيهم وهو حاول يتحكم بسيارة فزو شهد وعساف بصراخ ومتمسكين بسيارة : بابا انتبههههههههه انتبببببههه بابا
ام هزاع : ياااااااا عياليييي لاااااا للاااااااااااااااااااااااا
ابووووو هزاععع : تشهدوووووووووووووووووووووو
انقلبت السيارة فيهم لتحت الجسر ~~ فتح عساف عيونه على صوت اسعاف والشرطة فتح عيونه والرؤية مشوشه تماماً نطق بصوت متقطع : ابوي وامي شهد وين شهد ، ماقدر يكمل كلمته الا ويغمى عليه
شرطي1 : قدرت توصل للاقاربهم ؟؟؟؟؟
شرطي 2 : لا للاسف الىى الان
بدوا الاسعاف يفحصونهم قربوا من ابو هزاع وام هزاع ناظرو بعض المسعفين وتنهدو بضيق
المسعف 1 : للاسف توفت
المسعف 2 : للاسف توفى
قرب لشهد الي طايح حجابها عن شعرها والدم حولها ومغطي وجها بدا يفحصها وقرب من قلبها : للاسف توفت ، نزلو الاغطية البيضه على ام هزاع وابو هزاع ونقلو عساف للمستشفى!

~~ بعد مرور ساعة كاملة وصل غيث قدام بيت عمه ابو هزاع رفع حاجبه بـ استغراب لعدم وجود سيارة عمه ميلان حست بشعور غريب وهي ترتجف حست ان صار شي نزلت من السيارة وضمت كفوفها من الهوى البارد قشعر جسدها شدت على عبايتها دقت الباب مره مرتين محد يرد غيث ماقدر يمشي وجلس ينتظر ميلان رجعت لهم وهي تتكلم بصوت منخفض : لينا محد موجود بالبيت ماوصلو للحين ومامعي مفتاح للبيت وش اسوي
لينا : وش وش تسوين امشي معنا للبيت بعدها اتصلي على عمي وخليه يمرك بس الحين امشي معنا ~ ميلان ناظرت لغيث ورجعت ناظرت لـ لينا تنحنح غيث : اركبي وش يجلسك الحالك هنا امشي !
ركبت السيارة وتوجهو لبيت ابو غيث ميلان وهي تدعي ان اهلها مافيهم شي ورجفتها كل مالها تزيد عيونها بدت تمتلي بدموع وتناظر الشارع  ناظر لها غيث وناظر عيونها ولاحظ مسكت نفسها ودموعها رفع حاجبه ب استغراب وبداخله : ابلش الدلوعه ذي شفيها تبي تصيح بعد محد قالها شي ياليل وش اسوي فيها ذالحين
وقف غيث عند بيتهم نزل ونزلو وراه البنات ودخلو داخل استغرب ابو غيث : من ذي
ميلان ابتسمت : عمي انا ميلان
ابوغيث استغرب من وجود بنت اخوه : اهلك ما وصلو ؟
ميلان بوزت شفايفها ورفعت كفوفها : لا ما وصلو
ام غيث : لينا خذي بنت عمك واصعود فوق ارتاحو الين يجي ابوك
هزت لينا راسها بمعنى ( تمام ) واخذت ميلان وصعدو فوق

يتبع + رايكم بالبارتات توقعاتكم للاحداث القادمة لا تنسون تنشرون الرواية 🔥🔥🔥🔥🔥🔥🔥🔥