ترف بـ ابتسامة : الله يديم علينا هالجمعه الحلوه يارب
ام غيث وهي تردف لينا : اللهم امين اقول لينا ماهوو كذا تسوين القهوه تعبت وانا اعلمتس !
تاففت لينا بوزت شفايفها : ماما صعبه وش اسوي يعني
ضحكت ترف وهي تضرب كتف لينا بخفه : من الرفاله يابنت اخوي
لينا تالمت : اقول الرفاله ماهي لبنت حازم اهخ لو مو انك عمتي كانت صفقتك هنا
ضحكت ترف بقوه : يا ورعه كف يطيرك ترا
لينا وهي تاشر لها بمعن "روحي " ضحكت ترف لفو على ام هزاع الي تنادي على ميلان بصوت عالي : ياا ميلان يابنت تعالي ميلان
لينا ابتسمت : عمه وش تبين انا عندك ميلان جالسه تسمع اغاني والله ماتسمعك ذالحين
ابتسمت ام هزاع وبتهديد : هصبري انا اعلمتس فيها ، استغربت لينا وابتسمت لمرت عمها وراحت لامها تساعدها ،
قربت ام هزاع بشويش عند راس ميلان وهبدتها على راسها وبحده : يا سربوته اناديك وراك ماسمعتي
ميلان بتالم : اهههه ماماااا عورتيني شفيك وشتبين ماما مو كذا قطعتي اندماجي اههه يا ماما
ام هزاع بحده رفعت كموم شالها : لا والله لاهي انتي ولا خواتس يساعدنييييي وين بناتي هاه مالت عليك قومي قدامي ضبط الاكل بصحون ، تاففت ميلان بوزت شفايفها بزعل بتحلطم : كله انا كله نور وشهد مايسوون شي كلشي على راسي يليل
ام هزاع قرصته من زندها النحيل : وراتس ماتكفين تحلطم وتمشي وانتي ساكته هذا
دخلت داخل المطبخ وهي مبوزه شفايفها ضحكت لينا بقوه على شكل ميلان : اقول وشفيك كذا داخله تتحلطمين !
ميلان شمقتها بعصبية وحده : ماتعرفين تنكتمين ؟
ترف بضحكه : ياوك ابعدو عنها معصبه
ام غيث ضحكت على شكل ميلان وتكلمت بهدوء : اقول عاد الا ميلان حدكم عليها
ميلان : تشوفين ياعمه بنتك واخت زوجك كيف يسوون علي
ام غيث بضحك وغمزه : اقول مو على زوجة ولدي اسكتوووووو
ميلان وهي تشرب الموية شرقت بصدمة وسعت عيونها بذهول : هاه؟
لينا و ترف ناظرو بعض ورجعو ناظرو لوجه لميلان المصدوم ضحكو بقوة : هههههههههههههههههههههههه
ام غيث ابتسمت وهي تمسك خشم ميلان لاجل الشرقة تروح
ام هزاع انرسمت على ثغره ابتسامة : صادقه يا نوره؟
ام غيث : اي والله اني صادقه
لينا بفرحه وضحك : هههههههههههه اقدر اقول لها زوجة اخوي من ذالحين
ميلان انصفق وجهها وتجمدت عروق دمها وطلعت تجري برا
ترف ولينا طاحو بالارض وضحكووو ترف : يمه ذبحتني الغبيه وجهها انصفق اهخ بموت
لينا والنفس انقطع عندها من الضحك : مقدررررر انكتمت اهخ يا ماما
~ عند ميلان من طلعت من المطبخ وهي وجها مصفوق جلست على طرف الكرسي قدام اختها شهد ، شهد رفعت حاجبها بـ استغراب : ميلان شفيك !
ميلان وهي تمسك قلبها : يمه شهد عمتي ام غيث صدمتني بشي !
ضحكت شهد بخفه : بوش اصدمتك قولي ؟
ميلان وهي تتنفس بسرعه وعدلت جلستها : تخيلي قالت زوجة ولدي ؟؟؟؟
شهد ابتسمت : توقعين لمن ولدها ياخي احس تمزح ؟؟؟
ميلان بقلبها: يمكن تقصد هتان ؟ ، شهد وهي تصفق بـ اصبعها : بنت وشفيك سرحتي ، ميلان صحت على نفسها وبتلعثم : توقعين تقصد هتان؟
ضحكت شهد بخفوت ورفعت جاجبها بخبث : وليه هتان هاه ؟ ليه مو غيث ؟! ولا عبدالعزيز
ميلان وسعت عيونها بذهول وبكذب : وعع مابي ولا واحد فيهم
شهد : طيب طيب ... ، جت نور ومعها جود وجلسو معهم نور رفعت حاجبها وغمزت وانرسمت على ثغرها ابتسامة مكر لخطتها : بنات وشرايكم ؟ ناخذ دبابات ؟
شهقت جود بحماس : اح تم تم معك معك ابي دباب
ميلان بخوف : لا لا انا مابي اخاف
شهد ربعت يدينها : انا ماعندي مشكلة لكن عمتي تكون موجوده !
جت لهم من وراهم ترف وهي ماسكه القهوه : وش عمتك تكون موجوده وشفيه وشعندكم بعد
شهد وهي تاشر على البنات : عمه ذول بياخذون الدبابات الي عند العيال
هزت راسها وابتسمت : تم تبوني اروح لهم اقولهم
فزو البنات بفرحه وراحو يضمون ترف : ايوا تكفيين
ضحكت ترف رفعت نظرتها بخبث : حبو راسي وقولو مين عمتكم
نور : اقول عمه اخلصي عاد !!!
جود حبت راس ترف : انتي عمتنا ترف عمتنا يلا بس جيبي لنا دبابات
ضحكت ترف وهي تمشي بتعالي وفخر : يلا ابشرو رايحه اجيبها لكم بس اعرفو قيمتي يا بنات اخواني
ميلان بصراخ : العمه البطله كفووو كفوووووو
نور وهي تصفر : عاشت بنت جهارررر
ضحكت لينا من ناظرت ميلان وتذكرت موقفها : اهخ بنات فاتكم فاتكم
ميلان وهي تناظرها وتغمز لها بتوعد وتاشر لها " يويلك يا لينا "
لينا طنشتها : يا بنات تخيلو انا وعمه جالسين نطقطق على ميلان وماما قالت حدكم على زوجة ولدي والغبيه ذي شرقت بالمويه وهربت
هههههههههههههههه ، البنات ماتو ضحك جود : مااتخيل واحد من اخواني ياخذ ميلان الدلوعه ذي واخواني اعرفهم يكرهون الدلع
كشرت ميلان وهي تكش على جود شمقت لها : مالت عليك وعلى اخوانك من زينهم
أنت تقرأ
ما كنها الإ قمر تخاطفها السحايب
General Fictionلما يكون البطل رتبة لواء بالجيش وحياته بين الابل و الخيول ودوامه عصبي عمره 31 والبطله دلوعه ابوها وامها صغيره واخر عنقود عمرها 18 وتسوي الي تبيه وحياتهم جداً غنية من اشهر العائلات رجال الاعمال وغيرها بعد وفاة امها وابوها واختها الكبيره غصبها اخوها...
