ما كنها الإ قمر تخاطفها السحايب

بارت 29

- لا استبيج القراءة دون لايك وكومنت !

-
« يـوم جـديـد لاستعداد طلعتهم للمخيم »
في بـيت ابو غيـث بصالة جالسين ام غيث و ابو غيث يصرخ بعصبية : ياعيال اخلصووووو لا امشي واخليكم
ام غيث تهديه : يارجال اهدا تو الناس
لف لها ابو غيث بحده : وشهو تو الناس المخيم حلاته نلحقه بنهار ولا مابه طعم
لينا وجود نزلو وهم يتاففون جود وهي حاطه السماعه على كتفها : بابا وشفيه ترا صدق تو الناس
ابو غيث مسك نفسه بنفاذ صبر : اقول وين الرابضين ذول ناديهم
جاء عبدالعزيز وهو يفرك عيونه بنعاس ولابسه ثوبه وراه هتان الي شوشته منفوشه ضحكت ام غيث على اشكالهم : يويلي علامكم كذا
هتان بتثاوب : يمه ما نمنا شي الغبي ذا حط لنا افلام حنا والعيال ل 9 الصباح
ابو غيث بحده : امشو بس النهار راح وحنا للحينه بالبيوت
لينا : ميلان وغيث
نزل غيث ومعه ميلان تكلم غيث : هذانا جايين
ابو غيث : يمال العله ياغيث وراك نايم ذا الوقت وانت تدري انه بنمشي المخيم بدري
غيث حك راسه باحراج : يبه والله راحت علي نوم ولا ميلان تعبت وهي تقومني لكن انا تعيجزت
جود شهقت : ميلان انتي سهرانه ولا وش
ميلان ابتسم : لا بس من صعدت منكم نمت علطول وصحيت الصبح اضبط اغراضنا
ام غيث : يلا يلا مشينا بس