ما كنها الإ قمر تخاطفها السحايب

بارت 34

-
جالسين بنات سوالف وضحك بينما اريج ساكته وهاديه لفت عليها لينا : بسمالله اريج ساكته غريب شعندك ؟
اريج تنهدت : مافي شي بس صدعت ؟
ترف : اجيب لك بندول
اريج : لا اصلاً برجع البيت الحين
جود : ياهووو توو الناس وين الي قالو بيسهرون ؟
نور خطرت بالها فكره : بنات وشرايكم نروح البقاله ؟؟؟
ديم : تم انا ابي مره بخاطري مشروبات بارده واسكريم ابي ابي
نور : خلاص بكلم هزاع يودينا
فزت اريج : اجل ماني رايحه ؟
ناظرولها بعدم فهم نور : ليه انشاءالله
اريج بتوهق وبلعت ريقها : هاه خلاص بجي اف امشو نكلمه
نور : يلا قوموا قوموا دامنا لابسين
قاموا البنات وتوجهوا لجلسة العيال لفو لهم العيال فارس ناظر نور لكن نور ناظرته بتجاهل وعمداً رص على اسنانه بحده وقهر ناظرو لهم هزاع : هاه وش عندكم ؟
نور تكلمت وهي تتجاهل نظرات فارس الي عليها : ياحبيبي ياخوي نبي نروح البقالة تودينا
هزاع : مالي خلق
نور بخبث كتمت ضحكتها : اي بس اريج ذبحتنا من اليوم تبي كودرد وحلاو حامض
اريج ناظرت لنور بصدمه وقرصتها من ظهرها وبهمس : الله يلعنك صدق ياحيوانه متى تكلمت
ابتسم هزاع : امشو ؟
ترف ناظرت لـ اريج ورجعت ناظرت لـ هزاع : غريبه ليه فز هذا بعد
نور ضحكت : عمه انتي يمكن تعرسين قريب بس بالفهاوه ذي ماضنتي ؟
ترف ضربتها على كتفها : وجع خير انطقي
اريج بتسرع : اقول امشو بس امشو
ديم : الحين سيارة هزاع تكفينا ترانا نروع شكثرنا
لينا ضحكت : والله صادقه مالنا الا وحده تجلس وراء هزاع ناظر لهم : امشو يلا مشو وراه وقفو عند السياره وركبوا قدام ترف والي وراء نور لينا جود غزل و ديم ناظرت نور لاريج : اركبي وراء خلي هزاع يفتح لك
اريج تخصرت : خير بس ماركب وحده تقوم منكم وتركب وراء !
نور : مافي ياخي شوفينا متحاشرين وبعدين انتي الصغيره اركبي وره تكفين
اريج بتافف راحت وراء وهي تحاول تفتح الباب لكن ماقدرت بتردد وخوف لكن دعست على ترددها وراحت لجهة هزاع ناظر لها وركز بعيونها وعرفها قادر ان يميز عيونها الغير عن الكل والشامه الي تحت عينه ابتسم وتكلمت وهي مقصره صوتها : هزاع لو سمحت ؟
فز قلب هزاع من سمع صوتها الناعم الانثوي وسمع اسمه منها : لبيه
ابتسمت لا شعوريا على كلمة ( لبيه ) وفهمت لثواني معدوده وبنفسها : ياخفيف شفيك ! صحت على نفسها من منادات هزاع : بغيتي شي
اريج بتلعثم وهي تحاول ما تناظر له ب ارتباك وتوتر : ايوا شسمه افتح لي الباب الي وراء بركب
ضحك هزاع : امشي و مشت اريج معه ناظرلها وهو يفتح الباب وتكلم : طردوك ؟
اريج : ايوا طردوني العجايز ذول !
ابتسم هزاع : افا انا اعلمك فيه
اريج بعفويه وهي تتكلم معاه : تدري وش تسوي فيهم فحط فيهم انا اقول
ضحك هزاع : بس تراك انتي بتتفحطين معهم بعد
اريج : عادي بس ذول خوفات مايحبون التفحيط
ضحك هزاع وبنص ضحكته تلاشت من تذكر الحساب الي ضافه وبتردد : بسالك يا اريج
اريج : وش اسال ؟
هزاع طلع الحساب وراها : الحساب لك
شهقت اريج وارتعشى جسمها تجمدت عروق دمها وهي تشوف حسابها وبتلعثم وتوتر وارتباك وهي بتركب : ابعد بركب
هزاع مسكها من معصمها وناظرلها : اكلمك؟
اريج : وخر ايوا حقي وش جابه عندك
ابتسم هزاع : عارف ان حقك بس انتي الي ضايفتني !
اريج والدموع تجمعت بعيونها : وخررر خلاص ابعد برجع البيت
انصدم من دموعها وبتوتر : اركبي
ركبت اريج ب احراج وفشله وتوتر وقفل الباب وراها وحرك للبقاله وهو يتسرق بنظراته على اريج الي كانت وراء
نور بهمس للبنات : بالله شايفين كيف طولو بسوالف
ديم : انتي وش عندك تلمحين وليه خليتي هزاع يودينا ؟ كان يمدي نقول لفارس ولـ هتان ولا ايواحد من العيال عادي ؟
نور ضحكت: ياخي انتي غبيه صدق يعني واضحه اريج واضح انها قلبها رهيف على هزاع وانا اسوي بينهم لقاءات
غزل ضحكت : حسبيالله على عدوك يالجنيه كيف فكرتي فيها
اريج بدون لا تستوعب وبعفويه وبصوت شبه عالي : وش تحشون فيه ؟
غزل : بسمالله انتي تسمعين
اريج ناظرت لهم بطرف عين : ايه اسمعك وش شايفيني هاه اكيد تحشون فيني
لينا : ياحبيبتي هو صدق فيك بس مانبي نقولك ؟
اريج عصبت بزعل : لا والله اذلفو زين مره ثانيه لا تقولون تعالي معنا
كتم ضحكته هزاع على عصبية اريج وتكلم : شفيكم عليها؟
اريج دق قلبها وهي تسمعه يدافع عنها وابتسمت له
نور بغمزه : وشدخلك انت
هزاع بحده لنور : وراك ماتهجدين انتي ؟