ما كنها الإ قمر تخاطفها السحايب

بارت 18

- لا استبيح القراءة دون لايك و كومنت !

عـند البنات جالسين حلو شبة النار وسوالف وضحك نزلت راسها بضيق وحطت يدها على خدها: الله يهديه غيث وش يعني لو جلست شوي معنا
جود ابتسمت : ماعليه يانور عادي ترا البيت قدام البيت يعني لو اشتقتي لاختك تعالي لنا عاد صاحيين للفجر
نور ضحكت : تم
غزل شمقتهم بنظره : اقول مو لانكم بنات عم وبيوتكم عند بعضكم تقهرونا هاه؟
ترف وهي تضم غزل : ماعليك حبيبتي لا تنسين انتم وانا بيوتنا قدام بعضنا وبنفلها اكثر منهم
اريج صفرت بفرحه : كفووو كفوووو ترووفه
شهقت لينا وهي تاخذ المخده وتهبدها على اريج وبصراخ : وجع توجعك دلع ترف ذا مايقوله غير بنات أخوانها
جود ناظرت عمتها ترف بطرف عين : اقول تروفه الشوف في ناس تحتك فيك وانتي مبسوطه لا تنسينا بس !
ترف شهقت بخفه : يوه يا غيرتكم انتووووو مجانين وشلون انساكم
ضحكو البنات على طريقة كلام ترف ، نور ناظرت للبنات بحماس وهي تعدل جلستها : بنات تدرون ايش بالي ؟
اقتربو لها البنات بعدم فهم واختلفت ردودهم بين : ( وش , اخلصي عندك شي )
ضحكت نور بخبث وهي تناظر شباك مجلس العيال : وشرايكم نسوي فيهم دقه خفيفه !
ضحك جود بالمعنى الموافقة : احيه والله في خاطري كذا نخرشهم خرشه ونطير عقولهم
لينا بخوف : خير لا تكفون اهجدو مالنا خلق هواش
ناظرت لها غزل بطرف عين : اقول اعترفي انك خايفه ؟
لينا تافتت : ايوا خايفه والله بيفصلون علينا ذول ماتعرفينهم ؟
اريج : اتركي عنك الخوف ذا صدقيني ماافي ارعب من سراج ونيار و سطام وطز ماني خايفه منهم
ضحكت نور : هيهيهي بلاك ماتعرفين هزاع يمسك الحي يتركه ميت
غزل : ايه ايه حطو معهم عمي فارس والله يروع يمسكنا كلنا ويصفقنا
ترف : يخسون اقول نور هاتي خطتك ؟؟؟
بدت نور تسرد لهم على الخطه الي ناوينها على العيال