يـوم جديد بالمخيم الساعة 7:00 المغرب مجتمعين يتقهون البنات والرجال طلباً من الجد جهار البنات لابسين النقابات وكلهم جالسين حول شبة النار ميلان الي كانت في عالم ثاني ابتسمت وهي تقرا اخر تغريدات هتان وحست نفسها ان بدت تنعجب فيه ابتسم لا شعورياً ابتسامة برزت غمازاتها وعيونها من ورا النقاب من قرت اخر تغريدة له : " والله إني " استاحش الدنيا بدونك "وهالتلميح
كفيل أنه يبيّن لك الشوق اللي تعدا حدوده وفاض ؟ "
بنفسها : اهخ يحلوه وجع ميلان وش يحلوه استحي على وجهك تراه ولد عمك افففف كانت متجاهله نظرات غيث لها
~ غيث الي كان يناظر لميلان وملامح عيونها باين له انها جالسه تضحك رص اسنانه بقوه وشبه غضب لكن تجاهلها تماماً بعدم اهتمام
الجد جهار ابتسم : الا يعيال ماتبون تفرحوني فيكم ؟
ضحك هزاع : ياجدي زوج ذا الشايب وفكنا منه!
شمقه غيث بطرف عين : بتدخل 30 تراك يعني حتى انت شايب
عبدالعزيز: انا اقول ياجد زوجهم وفكنا منهم كلهم وعساف دخلوه واسطه وزوجوه معهم
عساف بنظرة تكبر : هذا الي ناقص مع ذول اتزوج تبي الدكتور عساف يتزوج مع هزاع وغيث
غيث مسك يده بغضب واعتدل جلسته بهيبته وبهمس ل هزاع : اقول هزاع اخوك وده ينحط مكان الحطب ذا؟
ضحكت الجده شمه من سمعت كلام غيث وغمزت لابو غيث : اقول حازم ياوليدي مو ناوي تزوج غيث ونفرح فيه كبر والشيب طلع براسه
ضحكو البنات من كلمة جدتهم شمه " الشيب طلع براسه "
ضحك غيث وبانت غمازاته : اذا عنتدس بنت الحلال يا جده زوجيني ياها
الجده شمه : بنت عمك ابو هزاع ميلان
كحت ميلان بصدمه وبردت عروق دمها من كلمة جدتها لا شعورياً ناظرت غيث بنظرة غضب عكس غيث الي ابتسم ابتسامة خبث لف لعمه ابو هزاع : هاه ياعم وشرايك؟
ابو هزاع ابتسم : ولد اخوي وش تبيني اقول خذها لك لو تبيها الحين
ميلان ضربت علبة الموية بغضب وعصبية وراحت تدخل الخيمة
البنات حسو ان فعلا ميلان انحرجت وانضغطت وراحو وراها
عساف رص على اسنانه بقهر من حركة غيث وابوه وبهمس : مو كذا يبه احرجت اختي ، هزاع عصب وراح هو وعساف ورا اختهم ميلان الي واضح انها كانت بتبكي ، غيث الي كان يناظر عيونها ونظرة الكره له واضحه على عيونها تنهد بضيق توتر واعتدل بجلسته : استاذنكم انا بمشي
ابو غيث : على وين
غيث لف على ابوه : برجع اتجهز ويبه اليوم رفيقي واهله جايين المخيم عازمهم
الجد جهار بـ استغراب : ومين رفيقك
غيث : فارس زميل عمل و صديق واخو وانا ابي اعزمه هالليلة هو اهله المخيم والعشاء جهزته
ام غيث : حياهم الله الساعة المباركه ومنه اتعرف على امه
الجد جهار : ونعم فيه الي تامر فيه يوليدي نسويه
غيث : عساكم على القوة يلا انا ماشي
ام غيث : حافظك الله ياوليدي
طلع غيث من المخيم واتجه لشقته
~~~~~~
عـنـد الـبنات كانو حول ميلان الي غورقت عيونها دموع وبعصبية : مابيه مابيه وش بابا يقول خذها لو الحين ماني لعبه عشان يبيعني كذا وششش شايفنييي وش يخسى ذا ياخذني
ترف تهديها : يابنت اهدي اكيد انهم يمزحون مو صدق بعدين لو صدق كان فعلا ابوي تكلم لكن لا يمزح غيث
لينا ضحكت : ميلان منجدك انتي؟؟! غيث فكره الزواج نو نو مايبي يتزوج نهائياً وشفيك اهدي يابنت
جود وهي تضحك على شكل ميلان : ياعيوني تكفييين عيونك تجننن وانتي تبكين ابكي ابكي
شهد هبدت جود على راسها : وش يعني تبين اختي تبكي كل شوي يا سلوقيه وبعدين ترا اخوك الحيوان هو الي سوا باختي كذا مالت عليه
نور وهي حاسه بميلان ضمت اختها : محد بياخذك وشفيك وبابا مارح يزوجك وبعدين لو صدق بيزوجك بيقوله تعال جيب الملاك وتعال
ميلان عضت شفايفها بخوف ورجولها تهتز ناظرت لها شهد ربت على يدها : ميلان حبيبي اهدي وشفيك هم يمزحون ترا وبعدين وش يجيب غيث لك هو اكبر منك بكثيررر ؟
لينا بضحكه : عاد شقة غيث جاهزه ناقصه انتي هههههههههههههههه!!
وسعت عيونها بذهول وبحده شبه عصبية انفجرت : اسكتيييي بسس اسكتي مااحبه انا احب شخص ثانييي مااحب غيث واكرهه كره العمى لو ماتعرفين !
لحظة صمت للبنات بانت الصدمه على ملامحهم من كلام ميلان
ترف بضحكه عدم تصديق : ايش؟ ايش قلتي انتي تحبين!
بلعت ميلان ريقها بتوتر : لا مااحب امزح؟
جود وشكوكها زادت ناظرت لها بطرف عين : مين الشخص ذا اعترفي ليكون نعرفه بس اهخ صدمه لو نعرفه
ميلان شتت نظرها : اممم امزح مااحب وبعدين انا وين والحب وين مالي خلق للحب وسوالفه البايخه ذي
شهد ابتسمت : اي اي يالكذابه والله انك تحبين بس ماتبي تعترفين
ميلان بتافف : اوف خلاص ابعدو عني !
جود بهمس لـ لينا : وشفيها ذي ؟
لينا بخوف : بنت اخاف صدق غيث يتزوج ميلان تكفين ميلان صغيره وذا اخوك عصبيه ودفش اخاف على ميلان من غيث
جود : بنت وشدعوه اخونا مو كذا بس احس عادي واذا تزوجو
أنت تقرأ
ما كنها الإ قمر تخاطفها السحايب
General Fictionلما يكون البطل رتبة لواء بالجيش وحياته بين الابل و الخيول ودوامه عصبي عمره 31 والبطله دلوعه ابوها وامها صغيره واخر عنقود عمرها 18 وتسوي الي تبيه وحياتهم جداً غنية من اشهر العائلات رجال الاعمال وغيرها بعد وفاة امها وابوها واختها الكبيره غصبها اخوها...
