ما كنها الإ قمر تخاطفها السحايب

بارت 44

-
« في بيت ابو هزاع »
نور وميلان وعساف مقابلين بعضهم وكل خوفهم على هزاع الي من الظهر برا البيت نور عضت شفتها السفلية بغضب وعصبية على ابوها : مو طبيعي بابا ليه يسويي كذا فيه ليه يجبره ومالقى غير عنود السحتتتت ذي والخبيثه والتستس ؟؟؟؟؟
عساف تنهد وهو يمسح على لحيته : الله يعينه هزاع اهم شي بس نعرف انه بخير
نور مسكت راسها بصداع : انا مغبونه والله مغبونه على هزاع واريج هم يبون بعضهم وابوي بيزوجه على كيفه
عساف رفع حاجبه بعدم فهم : مين اريج ذي بعد
ميلان ناظرت نور ورجعت ناظرت عساف: خلينا نقوله كذا ولا كذا الكل بيعرف
نور جلست : قولي
ميلان اخذت نفس وهي تتكلم : عساف هزاع يحب اخت سطام وسراج اريج وهي تحبه اثنينهم يحبون بعضهم وصدمه ان بابا قرر يزوج هزاع لعنود
عساف وسع عيونه بذهول من الي سمعه : ميلان نور انتو عارفين وش تتكلمون عنه ؟
نور : وهذي الحقيقه يا عساف والحين الله يكون في عونهم هم الاثنين
ميلان تاففت : وماما الله يرحمها ما كانت حاطه عينها الا على عنود الخبيثه هزاع طيب وحنون مايستحق ذي والله مايستحقها
عساف رفع جواله واتصل على رقم هزاع وتنهد بضيق من سمع : الجهاز مغلق عاود الاتصال مره اخرى
ناظرو له ميلان ونور وناظرلهم : مايرد
تاففت نور اخذت جوالها ودخلت الواتس قروب البنات وهي ترسل : بنات
لفت ميلان من شافت رسالة نور عقدت حاجبينها : وش ؟
نور عضت شفتها : ابي البنات يجون كلهم الحين وبعلمهم السالفه
شهقت ميلان : تخسين اريج حرام عليك !
نور بحده : كذا ولا كذا بتعرف لازم تعرفف والكل يعرف !
ميلان : تكفين حرام اريج صغيره ومابتتحمل الخبر ذا والله بتنهار
نور بترجي : ميلان حبيبتي لازم تعرف على الاقل تكلم هزاع
عساف تنهد واعتدل بوقفته : اجل دام البنات بيجون انا ماشي
ميلان : تمام بحفظ الله وتكفى يا عساف دور هزاع
هز راسه بمعنى " تمام " ومشى برا البيت
عند نور ردو عليها البنات كلهم لكن اختلفت ردودهم بين : ( هلا - لبيه ) ردت عليهم وكتبت : تقدرون تجون بيتنا الحين ضروري بسرعه
ترف : بسم الله شصاير
غزل : تم بنجي اساسا طفشانين
ديم : واضح في سالفه قويه
نور : اي مهمة مره وبتنصدمون برضو
جود : بنت يمه فضول فيني وشنهي بسرعه قولي هنا
نور سجلت فويس لهم وهي تقول : حبيبتي جود ماينفع نتكلم هنا ضروري تجون الحين تعالو مشي مو من بعد البيت خطوتين ترا
ردت لينا : يلا بنجي الحين ترا بجي ببجامة
نور : يابنت اخلصي بس انتي وياها انا وميلان نتظركم
قفلت جوالها ولفت على ميلان الي مسنده ظهرها بتعب : شفيك ميلان
ميلان تاففت : بعد كم يوم بدخل بالشهر الثالث واحس الشهور تمشي بسرعه وبطني بدا يكبر وظهري بدا يوجعني
نور مسحت على بطنها بخفيف : الله يقومك بسلامة وتقر عيوننا ب تميم
ابتسمت ميلان : اللهم امين يارب
~ بعد عشر دقايق وصلو البنات كلهم ودخلوا الصاله وهم يجلسون ويناظرون ملامح نور وميلان الغريبه جود عقدت جاجبينها ب استغراب : بنات شفيكم كذا لا تخوفينا ؟
ترف : صادقه جود انطقو بشي
نور ناظرت اريج الي كانت ملامحها فيها ذبول وتعب وارهاق وعارفه ان نفسيتها ماش تكلمت بصعوبة : يبنات اليوم صار شي صدمه !
لينا عصبت : ياااااهوووو عاد وشش صاير لا تخوفينا كذا شفيك عمي فيه شي
نور تاففت وهي تمسك راسها : مو بابا هزاع
فزت بخوف وبشكل ملحوظ للبنات ارتجف قلبها بوجع من سمعت اسمه لاحظوها البنات جود مسكت يدها وشدت عليها محاولة اهدي
غزل : طيب وشفيه ؟
نور : يبنات بابا بيخطب لهزاع بكره ؟
شهقو البنات بصدمه ووسعوا عيونهم بذهول ديم رفعت حاجبها : وش الي يخطب ؟ من هزاع اصبري مافهمت
ترف : وشتقولين
بلعت ريقها بغصه وهي تشد على يد جود بقوه جود حست بشدتها وهي تربت على ظهرها ورجعت نور تكمل وعيونها على اريج وقلبها يوجعها اخذت نفس بصعوبه : بابا قال ان امكم قبل لا تتوفى كانت تبي تزوج هزاع لبنت خالكم عنود لكن قضاء الله وقدر
تحجرت دموع بعيون اريج وماسكه عبرتها بضيق لفت وجهها للجهة الثانية تمنع نفسها من البكاء قدامهم ناظرو لها البنات بضيق وحزن ديم ماتحملت وبحده : وو هزاااع وشرايه بالموضوع ليكون عجبه
ميلان : ديم هزاع صرخ وانفعل من الظهر طالع ولا نعرف عنه شي
لينا بعصبية : عميييي وش جالس يسوييييي كلناااا عارفين ان هزاع واريييج يحبون بعضهمممم كلنا عارفيييين ليه يسوي كذا ليييه
نور ماتحملت وركضت ضمت اريج بضيق ارتمت اريج بحضن نور وهي تنهار وشهقاتها الي كانت توجع البنات نور الي نزلت دمعتها :ليه يا بابا ليه بتفرقهم ليه
البنات كانو جالسين بصمت وضيق وهم يناظرون منظر اريج وبكاءها فزت وهي تمسح دموعها : الله يوفقه معاها ويهنيهم يارب انا وشدخلني ابكي عليه
غزل بعصبية : وش الي وش دخلكككك انتي تحبينه وهو يحبك انتم تبون بعضكممممم يا اريج
اريج صرخت : وششش اسويييي ماتسمعين خواته وش يقولون ياا غزل بيتزوج بنت خاله الي اقرب له تعبتتتت والله تعبت ليتني ماحبيته ليتني ماانعجبت ولا تعلقت تكفون برجع بيتنا ابي ارجع بيتنا قامت
اخذت جوالها وفزو البنات وراها وهي تركض برا البيت والبنات كانو يلحقونها وينادونها لكن ماتسمع لهم وهي تمشي وقفت من شافت سياره جايه لناحيتها صرخت من الخوف والبنات كانو يناظرون لها بخوف ويصرخون ب اسمها وقف هزاع وهو لاف شماغ عليه من نزل من السياره وهو يصرخ : ياغبيييه ياااا مجنونه بتذبحين نفسك
فزت من سمعت صوته هي تعرف صوته كثير وتقدر تميزه بين مليون رجال وانهارت دموعها وهي تشوفه يقترب منها وصرخت : هزاع وخررر وخررر
انصفق وتبردت عروق دم هزاع من سمع اسمه منها : مين انتي ؟
اريج ضحكت بسخرية وبين دموعها : طبيعي بتنساني دامك بتعرس الحين !
بلع ريقه بخوف وهو يسحبها بشويش له وشاف عيونها المغورقه دموع عرف ان عيون اريج اي اريج قدامه ناظر عيونها الي كانت حمره من البكي وارتجف قلبه من منظرها ويشوف اتجاها وهي خارجه من بيتهم عرف انها عرفت بالموضوع نطق بصوته المبحوح : اريج
مسكت قلبها بوجع من مناداته لها ماردت عليه ماتحمل وسحبها لسيارته وركبها كان كل شي تحت اناظر البنات ركبها وحرك بسرعه
ديم بخوف : يمه اخذها اخذها
نور : اهدي يابنت اكيد بيتفاهمون ما بيصير شي
غزل : خايفه احد يقفطهم والله سطام مايترك هزاع حي والله
ميلان وهي تدخلهم : ادخلو هزاع رجال واخوي ادخلو بسرعه وضعنا بشارع كذا غلط دخلوا البنات وكلهم على اعصابهم بين خوف وبين توتر على اريج