ما كنها الإ قمر تخاطفها السحايب

بارت 40

-
• الساعة 11:30 بليل في بيت الجده ليلى تحديداً :
عند البنات مشغلين الفلم ويتابعون بحماس فجاة طفى اللابتوب وصرخت غزل بعصبيه : لاااااااااااااااااااا لاااااا مو وقته !!!!!
جود : يليل ابوك يالقهرررر وين الشاحن بنات !
ديم : فوق بشقة عمي ابو سراج انقزي انتي واريج جيبوه
كشرت اريج بوجهها : اقول طيري ماني جايبته ياحبيبتي
جود تاففت : انا عادي اجيبه بس اخاف احد موجود !
اريج هزت راسها بمعنى " لا " : لا مافي احد بابا واخواني بمجلس اصعدي وادخلي غرفتي وجيبيه على الدرج حقي
جود قامت وهي تاخذ جوالها معها : يلا بقوم اسمعو لا تاكلون الورق عنب كله بقو لي
نور اخذت حبه ورق عنب وهي تاكلها : اممم لذيذ بخلصه عليك
جود رفعت حاجبها وكشت على نور : يابزر زوجناك اعقلي طيب
نور : لعنبا ذا الوجه انتي الي اعقلي فارقي جيبي الشحن بسرعه
ميلان الي كانت مسنده ظهرها وغافيه ضحكت لينا على شكل ميلان : يروحي نامت !
ترف بهمس : مابعرف كيف البزره ذي بتصير ام قريب
نور مسحت على وجه ميلان بخفه: والله حتى انا مااعرف كيف كبرت وصارت ام
لينا : اتصل على غيث ياخذها واضح تعبانه
نور : ايوا اتصلي
اخذت لينا جوالها وهي تتصل على غيث وسرعان مارد عليها : هلا
لينا : غيث وينك فيه ؟
غيث : عند العيال ليه وشصاير ميلان فيها شي ؟
ابتسم لينا : ميلان نايمه والافضل تاخذها ترتاح بنومتها بيتكم
غيث قام من عند العيال : يلا جيبيها لي
قفلت لينا جوالها ونقزت تجيب عباية ميلان وشنطتها وسرعان ماجت  لفت على ميلان وهي تردفها بهدوء : ميلان ميلان
فزت ميلان بخوف وتعب : في شي
البنات بصوت واحد : بسمالله عليك بسمالله عليك
لينا مسحت على وجهها : قومي ارجعي البيت ونامي وارتاحي مو زين لك تنامين كذا
ميلان وهي فعلا غلبها النعاس اخذت عبايتها ولبستها وقامت بمساعدة لينا : يلا بنات سلام