ما كنها الإ قمر تخاطفها السحايب

بارت 10

فـي بـيت هـزاع واخـوانه  منسدح بشقته وفاتح جواله على فلم رن جواله واعتدل بجلسه رفع الجوال شاف عمه ابو غيث رفع حاجبه ب استغراب ورد عليه : وعليكم السلام ارحب ياعم
ابو غيث : تبقى وتحيى الاخبا والعلم !
هزاع : بخير نحمدالله انت بشرنا كيف صحتك كيف علومك بشرنا عنك
ابو غيث : بخير الحمدالله الا يا هزاع انت فاضي؟
هزاع زاد استغرابه : اي فاضي سم امر ياعم؟
ابو غيث : اسمعني وانا عمك انا جاي اخطب اختك ميلان ل غيث ولا ودي اخلي واحد من برا يجي ياخذ بنتنا ولد عمها اولى بها وبيصونها
بلع ريقه بتوتر هزاع : بس ياعم انت تعرف وفاة امي و ابوي واختي اثرت فينا بالمره وخصوصا ً خواتي وعساف ولا ودي اضغط عليها وغيث رجال يستاهل ونعم الرجال لكن انا بكلمها اليوم ولعل وعسى تسمعني
ابو غيث : ياوليدي هزاع اغصب ميلان توافق يرضيك واحد غريب بكر يجي ياخذها ؟؟؟؟؟؟ ترضاها ويكرها حياتها ويبعدها عنكم ؟
هزاع اقتنع بكلام عمه : لا مايرضيني واعتبر تم تعال بكره ياعم وجيب الملاك والله يتكب فيه الخير
ابتسم براحه ابو غيث : ابشر يلا سلام
قفل هزاع الجوال وطلع من شقته متجهه لغرفة ميلان دق الباب
زفر واخذ نفس بهدوء : ميلان صاحيه؟ ، ميلان فتحت له بدون رد بدون كلام دخل هزاع وجلس على طرف سريرها عض شفايفه بقهر على حال ميلان وكيف وجها ذبلان ولا فيه روح ناظر بعيونها وفيها الف كلام : ميلان ابي اقولك شي تسمعيني؟
ميلان هزت راسها بمعنى ( اي ) هزاع : ميلان مثل ما انتي عارفه انتي كبرتي وخلاص باقي لك ترم وتتخرجين من الثانوي وانا ودي اشوفك عروسه انتي واختك نور بس تعرفين نور رفضت الي جوها لكن الحين عمي ابو غيث خطبك ل غيث وانا عطيتهم كلمه وبكره بيجون الملاك والكل بيحضر وتجهزي من ذالحين !
وسعت عيونها بذهول وصدمه من الي سمعته تكلم لاول مره بعد شهر ضحكت بعدم فهم وتصديق وقفت : وش تقول؟؟؟ هزاع انت زوجتني كذااااا فجاة بعتنيي صرخت ميلان باقوى ماعندها : بعتني يا اخوي بعتني وتبي تزوجنيييييييييييي واحد اكرههه واذا ولدد عمي ليه تزوجنيييي ليه تزوجنييي مانييي موافقه فاهم زواج ماني متزوجه وصلك العلم يا هزاع
مسك معصمها بقوه وضغط عليها وبصراخ : زواج وخلاص بتتزوجين  ولد عمي غيثث فاهمه وتجهزي الكل بيجي بكره ترااا جربي تسوين شي لاجل ترفضينه والله لا تندمين يا ميلان خلاصصصص اعتقونيييي وتزوجواااا عيشوووو حياتكم امي وابوي وشهد مايرجعون لنا خلاصص ماتوووو اندفنووووو تحت ترابببب فاهمييين ترك معصمها ودفها ضمت ميلان نفسها وهي تبكي بقهره وغبنه وبصراخ : بابا وينك اخوي زوجني وانا صغيره تعال يا بابا شوف وش يصير بحياتنا وينك يا ماما ارجعي تكفيييين ارجعي ، نور ركضت من سمعت صراخ ميلان دخلت الغرفة حصلت ميلان ضامه نفسها بقوه وتبكي بشكل هيستيري اخذت ميلان وهي تهزها وميلان تتكلم بلغة مو مفهومه : ميلان شصاير وشفيك وشفيه هزاعععع معصب تكلمييييي !!!!!!!
ميلان ارتمت بحضن نور وانهارت بكي مالها غير حضن اختها يحتويها : نورررررر هزاع بيزوجني ولدد عمييي غيثث باعنييي وزوجنيييي وبكره عقد القران ماابي مابييي تونيييي صغيره ماابي اتزوج ، نور وسعت عيونها بذهول من الي سمعته نزلت دمعتها وهي تشد على اختها : هزاع يسوي كذا ليه ليه تغير ليه بيزوجك ليه يستهبل ذاااا عساف وينه ليه ماوقفه ليه اهخ يا بابا وماما وشهد وينكم تجون تشوفون حال بناتكم من بعدكم بيزوجون ميلان غصباً عنها
ضمت اختها بقوة وهي تمسح على ظهرها تنهدت من حست ان ميلان غفت قومتها وحطتها على السرير قفلت النور ناظرت لاختها تنهدت بحزن سرعان مانزلت دمعه حاره على خدها : ليتكم مارحتو وخليتونا بهالدنيا الموحشه تعالو شوفو كيف صغيرتكم ودلوعتكم بيزوجونها واحد كبر اخوها الكبير الله يسامحك يا هزاع اهخ ياعيوني عليك ياختي