ما كنها الإ قمر تخاطفها السحايب

بارت 31

-
« تسـريع احـداث مر اسبوع كامل بدون خبر عن جود »
الجميع متواجد في بيت ابو غيث يحاولون كلهم يكونون حولهم ومايخلونهم لينا بحاله يرثى لها بين صراخ ونوبات وبكاء واغماء
ام غيث لا نوم ولا اكله ولاشي غيث ما ذاق النوم بسبب تأنيب الضميره
سطام وفارس وزياد كانو متعاونين ومركزين بخطة القبض على عامر وعصابته البنات جالسين فوق بغرفة لينا والحريم تحت
ميلان مسكت راسها بتعب لفت عليها ديم : شفيك؟
ميلان بتعب : مدري والله الوحام ماثر علي اسبوع وانا على ذالحال حتى اني قالبه على غيث لا يدخل الشقه
ديم : يوه الله يعينك ويسهلك حملك وولادتك يارب
ميلان : امين يارب
ترف جابت الاكل وحطته قدام لينا الي تناظر بفراغ ووجها هلكان : يلا لينا كلي !
لينا لا رد تناظر بدون نفس بدون شهيه بدون حركه ناظرولها البنات بحزن على حالها
اريج بهمس لغزل : معقوله ماحصلو خبر واحد على الاقل ؟
غزل : لا والله للحين اهخ بس صدق

-
«  عـنـد مكتب الشرطة سطام غيث فارس و هزاع هتان نيار سراج زياد »
كلهم في المكتب ومنتظرين خبر واحد على الاقل
سطام طلع من المكتب منزل راسه بضيق : للاسف مافي خبر للحين ولا لقينه اثر له
هتان مسك راسه بتعب وتفكير : وينننن اختي وين اخذها ابن الذين ويييينهااا
سراج يهديه : اهدى يا هتان اهدى واجلس
هتان : كيف اهدى يا سراج كيف واختي مانعرف ميته حيه مانعرف
سطام مسك شنبه: ابشرو باختكم وبشنبي لارجعها لكم بخير وعافيه
ربت على كتفه نيار : ماتقصر انشهد انك كفو وخابرينك منزمان
هزاع بتنهيد : باذن الله بنرجعها لكم باذن الله
زياد : انتطروا !!!!!!!!!
غيث ناظر له : وش؟
زياد تذكر شيء : انتو مابحثتو عن الديره الي بالجنوب كان مستقر فيها وقت هروبه !!!!!!؟؟؟؟؟
سطام عقد حاجبينه ورفع حاجبه : بنتحرك لديره اليوم والحين بنمشي !
غيث وفارس وهزاع  تكلموا : وحنا معك
هتان قام  : وانا  بعد بجي
غيث لف عليه : اجلس عند اهلي عبدالعزيز لحاله مايقدر يا هتان
هز راسه هتان : ابشر
سطام اعلن التحرك والاستعداد : يلا يلا استعدو فريق القوات المسلحة فريق الاستخبارات السرية في غرفة الاجتماع
دخل سطام ومعه فارس وغيث وهزاع وخالد ومالك مساعدين سطام
سطام بدء يشرح لهم الخطه : الحين ماعندنا امل نحصل البنت الي في الديره الي كان مستقر فيها وعشان كذا نحتاج تكون العملية دقيقة جداً جداً
خالد : ابشر بس يا سطام الديرة بحثت عنها ومحاطه بالمجرمين والعصابات نحتاج اكبر عدد من القوات الخاصة !
سطام ضرب بـ مكتب الطاوله : استعدوا وبنتحرك ذا الحين يلا يلا
~ بعد مرور عشر دقايق الكل استعد تماماً لانطلاقهم لديرة الي في الجنوب ركبوا السيارة وتحركوا