ما كنها الإ قمر تخاطفها السحايب

بارت 35

-
اريج : هزاع بيتزوج وحده من بعيد ؟
ديم ضحكت وهي تضمها : الورعه ذي وتقول ماتحبه وهي تغار
غزل : غبيه اكيد قالها بمزح ؟ بسالك ذا الي عافس ام نفسيتك المخيسه ذي
اريج كشرت : انكتمي لو انك مكاني بتنقهرين
غزل تمددت بتنهيد : آلحمدالله لا ابي الحب ولا ابي قرب الحب يع
ديم ابتسمت : بالعكس الحب حلو مع شخص يستحقك ويحبك ويصونك وياخذك بالحلال مو حب خرابيط ويلعب عليك بعدين يرميك
اريج بخوف : بنات تحسوني بزر على الحب توني صغيره؟
غزل حست ان اريج خافت : لا تفكرين كذا ياخي وش صغيره عادي العمر مجرد رقم
اريج : بس يا غزل الي بيني وبين هزاع يروع دهر لو انه متزوج كان عنده بنتي كبري
ديم مسكت يدها : يابنتي عادي واستوعبي الحب مايعرف عمر ؟
اريج تاففت : مدري بس صدق اتمنى انساه ومااتعلق ويخيب ظني بعدين
ابتسمت غزل وهي تبي تغير من نفسيت اريج : يلا يلا قوموا وش نلبس بما ان العزيمه عندنا ؟
اريج نقزت وهي تفتح دولابها على جهة الفستانين ميلت شفايفها بحيره : شوفو وش البس ؟
قامت ديم وهي تدور على فستان وجذبها فستان لونه الابيض ماسك  من الجسم ومخملي واكمامه الطويله اخذته وهي تناظر وغزل تناظر فيه : واووووووو البسي ذا وارفعي شعرك والبسي حلق طويل شوي ذهبي وميكب سموكي خفيف وروج نود اففففف هنا انهاررررررر وابرزي شامة خدك
ابتسمت اريج وهي تتمقل بالفستان : ذا متى عندي ؟
غزل : اعتمديه مع بوت مرتفع لون بيجي كذا تكفين بيطلع موت
اريج : وش بتلبسون انتو ؟
غزل : بلبس تنوره قصيره وهاينوك اسود بس
ديم : وانا بلبس جامسوت شتوي
غزل : طيب يلا كل وحده تروح تتجهز ونلتقي المغرب
طلعو غزل وديم من غرفة اريج وكل وحده راحت تتجهز

-
« عند بيت ابو غيث »
جالسين بصاله يتقهون قهوة العصرية بتواجد ابو غيث وام غيث و عبدالعزيز وهتان لينا وجود جالسين وبحضنهم لابتوب لينا ويختارون وش يطلبون من بوتيكات رن جوال ام غيث لفت ام غيث واخذت جوالها وهي ترد وكان المتصل ( ام سراج ) ابتسمت وردت عليها : يمرحبا
ام سراج : مرحبابتس شلونتس ام غيث ؟
ام غيث : بخير انتي شلونتس وشخبار العيال وعمتي
ام سراج : بخير دامتس بخير مالي بالطويله عمتي اليوم عندها عشاء على سلامة جود وجمعة بعد الي صار وانتي خابره وعشان كذا حياكم الله الليله تشرفونا في بيتنا
ابتسمت ام غيث : ابشري تم
قفلت ام غيث الجوال ولفت وهي تشوف لينا و جود مركزين عليها
جود : وشفيه
ضحكت ام غيث : بسمالله انتن معي ولا مع لابتوب ؟
لينا ضحكت : كلهم يا ماما بس وشفيه
ام غيث : ابد تجهزو عمتكم ليلى مسويه عشاء بسلامة جود
جود ابتسمت : يحلوها جده ليلى تجننن
لينا : صادقه قسم انها عسل
لفو على نزلة ميلان وغيث ابتسمت ام غيث لهم تنحنح غيث : السلام
جلس وجلست جنبه ميلان ردو عليهم : وعليكم السلام
ام غيث لفت على ميلان : ميلان تجهزي اليوم بنروح لبيت عمه ليلى
ميلان عقدت حاجبينها ب استغراب : ليه وشفيه ؟
جود : ايوا في مسوين عشاء على سلامتي
ميلان ضحكت من تذكرت جود وسطام : ايوا خلاص تمام
ام غيث : لا تلبسين ضيق ماهب زين لك ؟
ابتسمت ميلان : لا عادي ياعمه ارتاح فيهم
ام غيث : يابنتي انتي باول حملك مايصير لازم تنتبهين لنفسك ولي بطنك !
ابتسم غيث وتكلم وهو يناظرلها : والله عاد يمه حيلك فيها عجزت عنها
ناظرت له بحده وبهمس : شفيك لا تزيد
كتمت ضحكتها لينا وهي ترفع الجوال وتصورهم وهمست لجود : تناسقهم غريب بس حلو
جود رفعت صوتها : ميلان ورعك خليه يطلع عليك تكفين
خزها غيث : وش قلتي ؟ هاه عيدي ماسمعت
بلعت ريقها بخوف : لا لا اقول يارب يطلع زي اخوي !
ضحكت ميلان وهي تشبك يدها بـ يد غيث ناظرها وناظر كيف ماسكه يده ابتسم وشد عليها : الله يعين عيال دام انتي عمتهم!
هتان : من الحين عيالك ماعندهم عقل دام هالمجنونه عمتهم الصغيره
عبدالعزيز: اقول انت وياه اهجدو مو علي جوجو
ضحكت جود على دافع عبدالعزيز لها : يالبيه بس عزوزي
هتان ضحك : اوهه عزوزي ومافي هتوني ؟
لينا تاففت بصداع : اقول بنحش منكم انا واروح اكمل مسلسلي فوق
قامت وهي تركض لفوق ام غيث رفعت صوتها : لاتجلسين كثير على مسلسلك المغرب بنروح لهم ترا
غيث ناظر لـ ميلان ونطق وهو يناظر عيونها : بروح انا
عقدت حاجبينها : وين؟
غيث : عندي كم شغله بخلصها وبعدها بجي اتجهز نروح لبيت العمه ليلى
ابتسمت ميلان : حافظك الله
قام وهو يقبلها على راسها وناظر لامه : انتبهي لها يمه تكفين
ابتسمت : يوه يا رهيف ياغيث ابشري تراهي بنتي قبل لا تصير حرمك
ابتسمت ميلان بضحكه خفيفه : يروحي عمه تسلمين ماتقصرين !