ما كنها الإ قمر تخاطفها السحايب

بارت 48

-
بعد صلاة العصر انطلقو ا كلهم متجهين لمزرعة الجد جهار الي في الديرة غزل وعساف بسيارة وزياد و ترف بسيارة وابو غيث وبناته ومعهم ميلان وغيث والجدة ليلى مع الجدة شمه والجد جهار و فارس ونور ابو نيار وام نيار وعبدالله وديم بسيارة ابو سراج  وام سراج وسراج وسطام واريج بسيارة وابو هزاع وهزاع بسيارة
« سيارة ابو هزاع »
ابو هزاع تكلم : رح لبيت اهل زوجتك بسرعه ؟
لف عليه هزاع معقد حاجبينه باستغراب : ليه ؟
هزاع : حرمتك تروح معنا هي وامها وابوها يلا غير الطريق !
هزاع بحده رص على اسنانه : يبه هذي الطلعة عائلية كيف تبين اجيبها معنا ؟
ابو هزاع طارت عيونه بعصبية : انا قلت كلمه رح لبيتهم وانا بكلم ابوي استاذن منه
تافف وهو يغير اتجاه لاتجاه بيت خاله مشاري وبقلبه كره وحقد وقرف على العنود وبيت خواله بالاكمل انصل ابو هزاع على الجد جهار وسرعان مارد عليه : الو
ابو هزاع : يبه ماعليك امر اذا تسمح نجيب حرم هزاع وامها وابوها معنا ؟
الجد جهار تنهد : الطلعة عائلية ولكن ماابي اردك جبهم
قفل ابو هزاع الجو والتفت على هزاع الي وقف قدام بيت خاله مشاري ومسند ظهره ناظر له ابوه وتافف بعصبية واتصل على مشاري ورد عليه : الو مرحبا ابو سامي
مشاري : يهلا بالنسايب يا مرحبتين
ابو هزاع : مالك بالطويله يا ابو سامي اليوم ماشين لمزرعة الوالد بالديرة خابرها انت وقلت وعزمت الا تجي انت وحرمتك وحرم هزاع وهذاني عند البيت تجهزو وجيبو اغراضكم ب انتظاركم ولا ابي رفض
مشاري : يمال العافية اي والله ابشر ما عاش الي يدرك يا ابو هزاع بقوم اقولهم يتجهزون ونازلين لكم مو مطولين
قفل ابو هزاع الجوال وناظر ملامح هزاع المعفوسه والمحتده بالعصبية
• داخل بيت مشاري ركض يقول لام سامي : يامره يامره قومي تجهزي بسرعه وحطي ملابس لك ولي ولنايف بشناط
ام سامي ناظرته ب استغراب : على وين بسم الله يا رجال شفيك
مشاري : ابو هزاع ينتظرنا تحت ومعه هزاع اهله طالعين لمزرعتهم الي في الديرة ويبون نجي معهم امشي نغير جو وابو هزاع مايبي رفض
فزت ام سامي بفرحه : ابشر خمس دقايق ونخلص ركضت ام سامي لبنتها العنود وشافتها تتجهز ناظرت لها وهي تلهث : اشوا انك جاهزه خذي شنطه وحطي لك كم ملابس وميكب وحوستك
ناظرت لها العنود ب استغراب : ليهزوشفيه وين بنروح
ام سامي : هزاع ينتظرنا تحت ومعه هزاع اهله طالعين لمزرعتهم الي في الديرة ويبون نجي معهم امشي نغير جو وابو هزاع مايبي رفض
فزت العنود بفرحه وخبث على افكارها الي تترسم بمخيلتها : تم تم جاهزه بس احط اغراضي وبدت العنود تحط اغراضها من ملابس ضيقه فستانين ضيقة وقصيرة وبلوفرات قصيرة مره وميكبها وكل ما يخصها باقل من خمس دقايق وعدلت ميكبها وتكثف رموشها بالماسكارا ورشت من عطرها الجريئ واخذت شنطتها وطلعت تنتظر امها طلعو منى وغلا ونادية وسامي و شاهين غلا تخصرت : وين رايحين
العنود وهي تناظرهم بدلع ماصخ تكلمت  : زوجي حبيبي يبيني اجي مع اهله لمزرعة في الديرة انا وامي وابوي ونايف بس
نايف صرخ ومعه ايباد بفرحه : واووو في غنم وفي خيول هناك
ابو سامي شال نايف : اي في كلشي يا ولدي بتنبسط يا ان مزرعتهم يطرد فيها الخير رفع صوته يا مره وينك فيه اعجلي تاخرنا عليهم
طلعت ام سامي ومعها شنطتين شنطه لها ولنايف وشنطه لابو سامي لفت لعيالها وبناتها : انتبهو من الغاز والنار فاهمين
هزو روسهم بتمام وطلعو برا البيت نزلو لابو هزاع وهزاع
ناظرت له بتمتع : اخ حلو والله حلو مزيون اويلي بس
ام سامي ضحكت : يا بنت اثقلي مو كذا طيب
العنود : اوخ يا ماما يجننن يجنننن صدق ( بالله كل تبن مالت عليك يا السحت )
ركب ابو سامي وام سامي جنبه ونايف بينهم وركبت العنود داهمته ريحة عطرها الثقيل قفل خشمه بقرف وحومت كبد وهو يناظرها من المنظرة ويناظر ميكبها الي اوفر تافف ب استغفرالله لف على ام سامي وهي تسلم عليه : شلونك يا هزاع
هزاع رد بدون نفس : بخير
نايف ابتسم على سيارة هزاع وبذهول : واووو سيارتك كبيره مشاء الله
ابتسم هزاع على براءة نايف : اي شايف كيف كبيره تبي افتح لك الي فوق
هز راسه نايف بفرحه : ايوا ايوا
ابو سامي عطى نايف ولده نظره  : اجلس ياولد اجلس لا تتعبث
ابو هزاع ضحك : اتركه عادي وش تبين
نايف تافف بملل وبفضول سال : في اولاد هناك ولا مافي اولاد
ابو هزاع : لا والله مافي اولاد للاسف بس في غنم وفي حصان وفي غزال وفي حمام وفي جمل وفي كل شي بتنبسط
نايف ببراءة يتكلم بلغة الاطفال المعروفة : واووو احب الغنم مره احبهم يلا عمو هزاع ممكن تسرع عشان اشوف الغنمات
ضحكو كلهم على طريقة كلام نايف وبراءته الحلوه اللطيفه