ما كنها الإ قمر تخاطفها السحايب

بارت 13

بعد خمس ساعات وصلو الجد جهار وابو غيث وهزاع وانفتحت البوابة وهم يناظرون المزرعة ب انبهار من تغيرها وكبرها نزلوا البنات وهم يركضون يشوفون غيث الي كان يلعب ب جامح اقتربوا وهم يصرخون والي تصور والي تعززز ميلان ابتسمت على شكل غيث لا شعوريا كان شكله ملفت وهو يلعب بجامح الي لونه اسود مايل للحرير ناظرت لها جود وعرفت سبب ابتسامة ميلان وبهمس : صدقيني بتحبينه ياميلان
الجد جهار من وراء ابتسم على غيث : بشويش ياللواء غيث بشويش
بدا جامح يطلع اصوات الصهيل وبصراخ : ابشررر يالغالي
ابو غيث : ودكن يا بنات تركبون الخيول ؟
صرخوا نور وجود ولينا وترف بصوت واحد : ايوااااااات
طلع هزاع وهو يناظر نور : نور تبين بروحتس ولا معي؟
نور نقزت بسرعه : معك معك وانا اخوك
طلع عبدالعزيز وهو يناظر جود وضحك : ان ودتس ياام لسان تركبين تعالي
جود تخصرت: بس انا قدامك مالي دخل؟
عبدالعزيز: يلا اخلصي ياورعه
ابو غيث طلع ومعه خيل لـ ترف ولينا : ودكم فيه يا لينا وترف ولا ماودكم
ترف ولينا بصوت واحد : الااااااااا نبيييهههههههههه
بدو البنات يركبون ويصورون الا ميلان ابتعدت عنهم بضيق وحزن بسبب محد ذكرها ان تركب الخيل ناظرلها الجد وعرف ابتسامة الضيق الي انرسمت على وجه ميلان اقترب لها : وشفيتس وانا جدتس؟
ميلان ناظرت له : ابد مافيني شي
الجد جهار عرف وهو يرفع صوته وينادي غيث : ياغيث ياغيث
وقف غيث وهو يناظر جده ويناظر ميلان الي منزله راسها شمقها بنظره غير معروفه مااهتمت ميلان وجلست تناظر جدها وش بيقول لغيث
الجهد جهار ابتسم : غيث ركب حرمتك معك كلهم ركبوا الا ميلان
وسع عيونه بذهول وصدمه : وش ؟؟؟؟
ميلان ناظرت لجدها بصدمه وهمس له : ماابي اركب جدي؟
الجد جهار : اقول روحي اركبي اخلصي يابنتي تونسي
غيث مسك اعصابه بالقوه وقف جامح بدون نفس نطق : اخلصي تعالي
ميلا بخوف وترجي لجدها : ياجدي تكفى والله اخاف
الجد جهار ضحك : عشان خاطري تكفين يابنتي اركبي وانبسطي
بعد محاولات استسلمت ميلان وهي تتقدم لناحية غيث و جامح وبدت ترتجف كيف بتكون مع غيث وبصوت هادي وكره: كيف بركب يعني ؟
تافف بنفاذ صبر وهو يمسك يدها صرخت ميلان بخوف وهي تركب : وجع شفيك انت !!! بشويش
مارد عليها ومسكها من خصرها النحيل توترت ميلان بخوف ورجفة من حست بقربه لها وظهرها على صدر غيث وريحة عطره ودخانه وهي تبتعد عنه بشويش وخرت يده بالقوة غيث ابتسم وهو يعاندها مسك خصرها وهو يقربها لصدره وبهمس باذنها : لا تخافين انا اكرهتك ضعف كرهك لي يابنت عمي بس بذا اللحظه مجبورين عشان جدي
ميلان نزلت دمعها لا شعوريا وبداخلها : معقوله انا عبئ ورموني عليه ؟
مسك خصرها وهو يشده عليه لاجل لا تطيح وبدا يلعب بالمزرعة طلع بجامح لورا المستودع الي بالمزرعة ميلان بصوت مرتجف وبكي : وخررررررررر نزلني معاد بركب معك
رفع حاجبه ب استغراب وقف جامح وهو ينصدم ان ميلان جالسه تبكي نزلت بسرعه وهي تبكي وقف غيث بصدمة من بكاء ميلان المفاجئ نزل وراها بضبط وهو يمشي وراها ومسكهااا بالقوة واخذها للمستودع وبعصبيه رمها على جدار وبصراخ: شفيكككك نازله تبكييين وش سويت لك
ميلان بصراخ : اناا اكرهككك واكرهه قربك واكره اسمك واكره كلشي فيك اكرهكم كلكممم والله
غيث بحده بنفس نبرة الكره : ولا انا احبك ياميلان انا وياك انجبرنا على بعضنا بس حطيها في مخك وعقلك مستحيل اطول معك فتره وبطلقك صدقيني فاهمممه !!!!
ميلان وهي تدفه بقوه : وخررررر وخررررر الله ياخذك وخررر
ابتسم بخبث غيث وهو يمرر اصابعه حول وجها الصغير واقترب من شفايفها عضت شفته السفلية وهو ينحي بقوة ويقبلها باقوى ماعنده
تبردت عروق دم ميلان وهي تضربه على صدره : وخررر ياحقير كيف تسويها كيفففففففف !!!!
غيث ابتعد عنها وهو يتنفس بسرعه رفع يده وصفقها لا شعوريا كف
وقف الدم عند ميلان وارتجفت وهي تنهار بقوه وصرخت باقوى ماعندها: طلقنييي طلقنييي اكرهككك طلعت من المستودع ركض وهي تغطي وجهها وتنهار غيث الي رص على اسنانه بقوه واخذ الدخان وهو ينفث بقوه صرخ باقوى من عنده : يالله يالله وششش سويتتتتت انااا وششش سويتتتتتتتتت