(Zawgyi code)
"ကလေးမလေးနာမည်က ဘယ်သူ... အက်ဖီ?"
"ဟေမာန်တဲ့ မာမီ... အက်ဖီကတော့ တခါတလေ မိမာန်လို့ခေါ်တယ်"
အဲဒီနာမည်ကို အက်ဖီလွယ်လင့်တကူရွတ်ဆိုလိုက်တာမျိုးတော့ မဟုတ်ပါဘူး။
အဲဒီနာမည်ကို ရွတ်ဆိုမိလိုက်တိုင်း ရင်ထဲမှာ လှိုက်ခနဲ လှိုက်ခနဲဖြစ်နေသေးတာ အက်ဖီ မငြင်းသာပါ။
"သူလေးက အက်ဖီ့ကိုရည်းစားစကားပြောတာလားဟင်... အသက်က ၅ နှစ်ဆိုတာရော သေချာရဲ့လား အက်ဖီရယ်"
"မာမီရယ်... ခုခေတ်ကလေးတွေ ဘယ်လောက်အတတ်လွန်နေကြလဲဆိုတာ မာမီလည်း သိသားနဲ့... နောက်ပြီး ကောင်မလေးက အသက် ၅ နှစ်ဆိုတာ သေချာပါတယ် မာမီရဲ့"
"ဟဲ့... အက်ဖီ... ကောင်မလေးက ညည်းက ဆရာမထက်ပိုပြီး ခင်တွယ်နေတာနော်... ချစ်သူတော်မယ်ဆိုတဲ့စကားက ဒါ တော်ရုံမဟုတ်ဘူးနော် အက်ဖီ?"
"အို... မာမီကလည်း ဘာတွေ အတွေးပိုနေတာလဲ။ မိမာန်လေးက အက်ဖီ့ကို အရမ်းတွယ်တာသွားတော့ သူ့စိတ်ထဲ သဘောကျရာကနေ ချစ်တဲ့စိတ်ဖြစ်သွားတာပါ။ ဒါပေမဲ့ ကလေးက ငယ်သေးတယ်လေ။ အသက်ရွယ်ကြီးရင့်လာရင်း သူ တဖြည်းဖြည်းနားလည်သွားမှာပါ။ နောက်ပြီး အက်ဖီလည်း ကလေးနဲ့ ချစ်သူတော်တယ်ဆိုပြီး မဖွယ်မရာတွေ လုပ်မှာမှ မဟုတ်တာ။ ကိုယ်မွေး ကိုယ့်သမီးလေးလောက်ရှိတဲ့ကိစ္စ..."
"အေးပါဟယ်... မာမီက သူ့အမေတွေဘာတွေသိပြီး ပြဿနာဖြစ်မှာစိုးလို့ပါ..."
"အဲဒါတော့ မပူပါနဲ့နော်။ သူတောင်းဆိုတာကို အက်ဖီက လက်ခံလိုက်တယ်ဆိုတာကလည်း ကောင်မလေးက တဇွတ်ထိုး မတတ်ပ,လေး မာမီရဲ့။ တော်ကြာ အက်ဖီက ငြင်းလိုက်လို့ဆိုပြီး အရင်လို ပြန်ဆိုးသွမ်းသွားမှာစိုးလို့ပါ။ စိတ်ချပါနော်။ အက်ဖီကြောင့် ကလေးသေးသေးလေးရဲ့ ရင်ထဲ အနာဒဏ်ရာမရစေရပါဘူး... အက်ဖီ ထိန်းထိန်းသိမ်းသိမ်းနေပါတယ် မာမီရယ်။ နောက်ပြီး သူ့တောင်းဆိုတာကိုလက်ခံလိုက်တယ်ဆိုတာကလည်း အက်ဖီက စိတ်ရင်းစေတနာနဲ့ပါနော်။ အက်ဖီ ကိုယ့်လိပ်ပြာကိုယ်လုံတယ် မာမီ"
"အေးပါဟယ်... ဒါဆိုရင်လည်း ပြီးတာပါပဲ...အက်ဖီ... ညည်းပို့ပေးထားတဲ့ပုံထဲက ကလေးမလေးမို့လား ဟေမာန်လေးကလေ..."
"အွန်း... ဟုတ်တယ်လေ မာမီ... ဘာဖြစ်လို့လဲဟင်?"
"ကလေးမလေးက ဆံပင်ခွေခွေလေးတွေနဲ့ အရုပ်မလေးကျနေတာပဲ။ အက်ဖီ ညည်းငယ်ငယ်တုန်းကလည်း အဲဒီပုံစံလေးပဲ သိလား... လမ်းသွားတဲ့လူတိုင်းက အရုပ်မလေး... အရုပ်မလေးဆိုပြီး ၀ိုင်းငေးကြတာ"
"အာ... မာမီရယ်... ငယ်ငယ်က အကြောင်းတွေထားပါတော့။ ဒါနဲ့ ဒယ်ဒီနေကောင်းတယ်ဟုတ်..."
"ကောင်းပါတယ်အေ။ ဒါပေမဲ့ ဆေးတော့ ကူနေရတာပေါ့။ မာမီတို့ကို စိတ်မပူနဲ့ သမီး။ မာမီတို့ အားလုံးအဆင်ပြေတယ်... ဒါနဲ့ သမီး ဘယ်တော့လောက် ဒီကိုပြန်လာဖို့ စိတ်ကူးထားလဲ? ဒီတစ်ခါလာမယ့် ခရစ်စမတ်မှာ ပြန်လာမယ်မို့လား..."
မာမီ့မေးခွန်းကို အက်ဖီ စိတ်မောသက်ပြင်းတစ်ခုနဲ့ တုန့်ပြန်မိတယ်။
အင်းပေါ့လေ... အက်ဖီတောင် အိမ်ပြန်မရောက်တာ ၃ နှစ်ရှိနေပြီပဲ။ မာမီတို့ လွမ်းလောက်ပြီပေါ့။
"ပြန်လာမှာပါ မာမီ။ အက်ဖီ့စိတ်တွေ အဆင်ပြေတဲ့တစ်နေ့ ပြန်လာမှာပါ..."
မာမီကလည်း အက်ဖီ့စိတ်အခြေအနေကို သိနေတဲ့အတွက် အတင်းတော့ ခေါ်ယူတာမျိုးမရှိခဲ့ပါဘူး။
ဒါ့ကြောင့်လည်း ခရစ်စမတ်ပိတ်ရက်တိုင်း အက်ဖီ ဒီတောင်ပေါ်မြို့လေးမှာပဲ သောင်တင်နေတာပေါ့။
ဘာပဲဖြစ်ဖြစ် အက်ဖီလည်း စိတ်ဒဏ်ရာတွေရှိနေပြီး၊ မသွက်မလက်ပုံစံမျိုးနဲ့ အိမ်မပြန်ချင်ဘူးလေ။
စာသင်ချိန်ရှိသေးတာမို့ မာမီနဲ့ ဖုန်းကိုခပ်သွက်သွက်ပြောပြီး ချလိုက်ရတယ်။
အက်ဖီ ကျောင်းသွားဖို့ တံခါးဖွင့်တော့ ဟေမာန်လေးက ရောက်နှင့်နေပြီ။
"ပြီးပြီလား ချယ်...လာ သမီးနဲ့အတူ ကျောင်းကိုသွားမယ်"
"အေး.... သွားတာပေါ့။ ဒါပေမယ့်မိမာန်... ညည်းနောက်နေ့တွေ ကျုပ်ကိုလာမစောင့်နဲ့။ ကျောင်းနောက်ကျမှာစိုးလို့"
"ကျောင်းနောက်မကျစေ့ချင်ရင် ချယ်က သွက်သွက်လုပ်ပေါ့။ မရဘူး သမီးကတော့ စောင့်မှာပဲ... ကဲ... လာ"
"ဟဲ့... အော်...ဖြည်းဖြည်းဆွဲပါဟယ်..."
ဟေမာန်လေးက အက်ဖီ့လက်ကို ပိုင်ဆိုးပိုင်နင်းလေး ဆွဲပြီး ကျောင်းသို့သွားတယ်လေ။
အံမယ်... ကောင်မလေးက ကျောင်းထဲမှာ လမ်းလျှောက်တော့ မြေကြီးနဲ့ ခြေထောက်က သိပ်မထိချင်ဘူး။
ဒါပေမဲ့ ထူးဆန်းတာက ခါတိုင်းကျောင်းလာရင် ဆူပုတ်နေတတ်တဲ့ သင်းကလေးက ဒီနေ့တော့ ပြုံးလို့ ဖြီးလို့။
တွေ့တဲ့လူတိုင်းကိုတောင် လိုက်ပြီး နှုတ်ဆက်နေသေးတာ။
ဒါကိုကြည့်ပြီး အက်ဖီရင်ထဲ ပီတိဖြစ်ရသေးတယ်။
စာသင်ချိန်ဆိုလည်း ဟေမာန်ဟာ သိသိသာသာ စာတွေလိုက်လုပ်တာ။
ကျောင်းခန်းထဲမှာလည်း မဆော့တော့။
နေ့လည် ထမင်းစားချိန်ကျရင်တော့ ထမင်းဗူးလေး ၂ ဗူးနဲ့ အက်ဖီ့ဆရာမနားနေခန်းကိုရောက်လာတတ်သေးတာ။
သူနဲ့အတူတူ ထမင်းစားရမယ်တဲ့လေ။
"အက်ဖီက ဒီလိုဆိုတော့လည်း ဘယ်ဆိုးလို့လဲ။ တကယ့် လူဆိုးမလေးကိုမှ လိမ္မာသွားအောင် ဆုံးမနိုင်တယ် ကြည့်ဦး..."
"ဒီနှစ် ဆုပေးပွဲမှာ အက်ဖီ့ကိုတော့ အတော်ဆုံးဆရာမဆုပေးသင့်နေပြီနော်..."
"အေးဟယ်... ဆရာ/ဆရာမတိုင်းလက်လန်တဲ့ ပြဿနာခဲလေးကို လူကောင်းလေးလုပ်နိုင်တာ။ စိတ်ချ။ တကယ်လို့ အက်ဖီ့ကို ဆုပေးဖို့ တီချယ်ကြီးက ရီကွန်းမန်းတောင်းရင်တော့ ငါတို့ ထိပ်ဆုံးက ပေးပေးမယ်သိလား အက်ဖီ"
ဆရာ/ဆရာမတွေအကြား အက်ဖီဟာ ဟေမာန်လေးကြောင့် သိသိသာသာ နာမည်ကောင်းရခဲ့တယ်လေ။
ဒါကလည်း တဦးမေတ္တာ၊ တစ်ဦးစေတနာလို့ အက်ဖီမှတ်ယူထားမိပါတယ်။
ဘာပဲဖြစ်ဖြစ် ဟေမာန်လေးနဲ့ ခင်မင်ခွင့်ရတာဟာ အက်ဖီ့အတွက် ပျင်းရိနေတဲ့ နေ့ရက်တွေ ကုန်ဆုံးခဲ့ရတယ်ဆိုတာတော့ ၀န်ခံရမှာပဲ။
ညနေကျောင်းဆင်းချိန်ဆိုလည်း ရောက်ရောက်လာတတ်သေးတဲ့ ဟေမာန်နဲ့လေးနဲ့ မြို့လေးမှာရှိတဲ့လူတွေအကြောင်း ထိုင်ပြောရင်း အချိန်က ကုန်မှန်းမသိကုန်ခဲ့ရတာလေ။
-------------------------------------
ဒီနေ့က အက်ဖီ အိမ်ပြန်ဖို့ လမ်းတစ်ဝက်ရောက်နေမှ စာသင်ခန်းထဲမှာ အက်ဖီ့ဖတ်လက်စ စာအုပ်လေးကျန်ခဲ့လို့ ပြန်ယူမိတာ။
အက်ဖီ ကျောင်းကိုပြန်ရောက်တော့ ကျောင်းထဲမှာ ကျောင်းသား ကျောင်းသူတွေတောင် မရှိတော့ဘူး။
အက်ဖီကိုယ်တိုင်က ကြောက်တတ်တဲ့လူဆိုတော့ အလျှင်အမြန်ပဲ စာသင်ခန်းထဲသွား၊ စာအုပ်လေးကိုရှာတုန်းမှာပဲ ၀ုန်းခနဲ ပွင့်လာတဲ့ တံခါးသံ။
"ဟေမာန်ရေ... မပြန်သေးဘူးလား?"
လှည့်မကြည့်ပဲ ပြောမိရင်းမှ အသံထွက်မလာလို့ ကြည့်လိုက်တော့ တံခါးပေါက်ဝမှာရပ်နေတာ အက်ဖီရည်ရွယ်တဲ့ ဟေမာန်မဟုတ်။
"ဟင်... တီချယ်..."
ဟုတ်ပါတယ်... တီချယ်ပါ။
အက်ဖီ အရူးအမူးကို စွဲလန်းချစ်ခဲ့ရတဲ့ တီချယ်ဟေမာန်ပါ။
တီချယ်ဟာ ဖျော့တော့တဲ့ မျက်ဝန်းတွေနဲ့ အက်ဖီ့ကိုရပ်ကြည့်နေရင်း မျက်ဝန်းတွေ စိုစွတ်လာတယ်။
"ပိန်သွားလိုက်တာ အက်ဖီရယ်..."
အက်ဖီဟာ တီချယ့်ကိုမြင်ပြီး အသက်ပျောက်မတတ်ရပ် ကြောင်ရပ်နေစဉ်မှာပဲ တီချယ်ဟာ အက်ဖီ့ဆီ တစ်လှမ်းချင်းစီ လှမ်းလာတယ်လေ။
တီချယ် အနားသို့တိုးကပ်လာတာနဲ့အမျှ အက်ဖီ နှလုံးသားဟာလည်း ပိုပိုပြီး ဗြောင်းဆန်းလာတော့တာပေါ့။
ခံစားချက်တွေကို အချိန်ကုစားပေးတယ်ဆိုတဲ့စကားဟာ အက်ဖီ့အတွက်တော့ သိပ်ကိုမှားယွင်းနေတယ်ဆိုတာ အက်ဖီနားလိုက်ပါပြီ။
တီချယ်ဟာ အက်ဖီနဲ့အနီးစပ်ဆုံးရောက်မှ ခြေလှမ်းတွေရပ်သွားပြီး အက်ဖီပါးလေးတစ်ဖက်ကို မြတ်မြတ်နိုးနိုးနဲ့လှမ်းကိုင်တယ်။
အို... တီချယ့်လက်တွေက အေးစက်လွန်းလှပါဘိ။
"ပိန်သွားပေမယ့် ရင့်ကျက်သွားပါတယ်..."
"အသည်းကွဲခြင်းဟာ လူတွေကို ရင့်ကျက်စေတယ် တီချယ်..."
"အဲဒါဆို တို့လည်း ရင့်ကျက်ခဲ့ရပြီပေါ့ အက်ဖီရယ်... တို့ မင်းကို အရမ်းလွမ်းနေတာ..."
"တီချယ်နဲ့အက်ဖီ့အကြားမှာ လွမ်းတယ်ဆိုတဲ့စကားလုံးကို သုံးနှုန်းခွင့်ရှိလို့လား..."
"တို့ဆီမင်းပို့လိုက်တဲ့စာရောက်တယ်..."
"စာကြောင့် ရောက်လာတယ်ဆိုပါတော့ တီချယ်...ဒါဆို အဲဒီစာထဲမှာ ဘာတွေကများတီချယ့်ကို နားမလည်စေတာလဲ?"
"တို့အကုန်လုံး နားလည်ခဲ့ပြီးပါပြီ အက်ဖီ..."
ဝေ့၀ိုင်းနေတဲ့ တီချယ့်မျက်ရည်ပေါက်လေးတွေ ခုန်ဆင်းလာတယ်။
ထိုမျက်ရည်တွေဟာ အက်ဖီ့ကို အခုမှပြန်တွေ့ရလို့ အလွမ်းပြေကျလာတယ်ဆိုတာ အက်ဖီကောင်းကောင်းမှ သိပါလေစ။
အက်ဖီဟာ တီချယ့်လက်တွေကို ရုန်းဖယ်ချင်မိတယ်။
ဒါပေမဲ့ စိတ်ကသာခိုင်းစေတာ။
လူကတော့ တုတ်တုတ်တောင် မလှုတ်နိုင်။
မှော်တုတ်နဲ့ ငြိမ်စမ်းဆိုပြီး ပြုစားခံရသလား မှတ်ရတယ်။
"တီချယ်..."
"ရှင်..."
"ဘာလာလုပ်တာလဲဟင်?"
"ဒီတောင်ပေါ်မြို့မှာ တို့အသိ ဘယ်သူမှ မရှိတာ မင်းသိလောက်ပါတယ် အက်ဖီရယ်... တို့ ဒီကိုလာတယ်ဆိုတာ မင်းဆီကို လာတာ သက်သက်ပါ..."
"ဘာလို့လဲဟင်?"
"ဘာကိုလဲ?"
"ဘာလို့လဲလို့... ဒီလောက်အချိန်တွေကြာပြီးမှ အက်ဖီ့ဆီ ဘာလို့ရောက်လာတာလဲလို့ မေးတာပါ။ ဘာလဲ တီချယ်ရယ်။ အရင်တစ်ခါက အလဲလဲအကွဲကွဲဖြစ်အောင်လုပ်ခဲ့ပြီးလို့ အားမရလို့... အခုထပ်လာပြီး နှိပ်စက်ပြန်တာလား?"
"အက်ဖီရယ်..."
ဝမ်းပန်းတနည်းနဲ့ပြောရင်း အသားတွေဆတ်ဆတ်တုန်ခါ နာကျင်လာတဲ့ အက်ဖီ့ကို တီချယ် သနားမိရုံမှအပ ဘာမှလည်း မချော့မြူနိုင်။
မင်းနာကျင်ခဲ့ရသလို တို့လည်းနာကျင်ရပါတယ်ဆိုတဲ့စကားလုံးက လည်မျိုထဲမှာတင် တစ်ဆို့နေလျက်။
ရင့်ကျက်လှပါပြီ၊ ဆရာမတစ်ယောက်အဖြစ် စာတွေတောင် သင်ကြားပေးနေပါပြီဆိုပေမယ့်... တီချယ့်ကြောင့် ဖြစ်ပေါ်တဲ့ ခံစားချက်တွေက အက်ဖီ့ကို အငိုသန်တဲ့ကလေးလေးတစ်ယောက်နှယ် ပြန်လည်ပြုစားနိုင်ပြန်ပြီ။
"ဒီလို နှစ်ရှည်လများ ကွေကွင်းသွားအောင် ဖန်တီးလိုက်တာ ဘယ်သူလဲ တီချယ်။ မသွားပါနဲ့ မသွားပါနဲ့ တားနေတုန်းက ထွက်သွားတာလည်း တီချယ်ပဲ။ အခု အရာရာတည်ငြိမ်လုနီးနီးမှ ပြန်ရောက်လာတာလဲ တီချယ်ပဲ... တီချယ် အက်ဖီ့ကို အဲဒီလောက်တောင် မုန်းတာလားဟင်..."
"ပြောပါ အက်ဖီ။ တို့က အမှားကိုကျူးလွန်ခဲ့သူ၊ မင်းနဲ့ဝေးရာကိုပြေးခဲ့မိသူဆိုတော့ မင်းပြောပါ။ မင်းပြောသမျှ တို့ခံပါ့မယ်။ ဒါပေမဲ့ တစ်ခုပါပဲ။ တို့ကိုတော့ မနှင်ထုတ်ပါနဲ့နော်..."
"တီချယ်... တီချယ်... အက်ဖီ့ကိုထားရစ်ခဲ့တာ ၄ နှစ်ကြီးများတောင်နော်... အခုမှ ရုတ်တရက်ရောက်လာပြီး တို့ကို နှင်မထုတ်ပါနဲ့ဆိုတာကတော့ တီချယ် အတ္တကြီးလွန်းရာ ရောက်မနေဘူးလားဟင်?"
"တို့သိပါတယ်။ တို့နားလည်ပါတယ် အက်ဖီ။ မင်းဘယ်လောက်ထိ နာကျင်ထိခိုက်ခဲ့ရမလဲဆိုတာ တို့သိနေခဲ့ပါတယ်။ တို့လည်း အခုရောက်လာတယ်ဆိုတာက အက်ဖီ့ဆီက တုန့်ပြန်မှုကို ချက်ချင်းရမယ်ဆိုတဲ့ ပိုင်နိုင်လှတဲ့မျှော်လင့်ချက် မရှိပါဘူး။ တို့ မင်းဆီပြန်လာတယ်ဆိုတာက မင်းကိုတွေ့ချင်ရုံပါ။ တကယ်လို့ မင်းက ခွင့်ပြုလို့ မင်းဘ၀ထဲပြန်လည်ဝင်ခွင့်ရမယ်ဆိုရင်တော့ ဒါဟာ တို့အတွက် ဆုလဒ်တစ်ခုပေါ့နော်။ ဒါပေမဲ့ တို့ အဲဒီဆုလဒ်ကို လွယ်လင့်တကူ ပြန်ရလိမ့်မယ်လို့ မမျှော်လင့်ရဲပါဘူး အက်ဖီရယ်။ ဒါပေမယ့် တို့ကို ဒုတိယတစ်ကြိမ် ပြန်လည်ကြိုးစားခွင့်ပေးပါနော်။ တို့လည်း နားလည်ပါတယ်။ တို့ကို မင်းချစ်ခဲ့တာ ပေါ့သေးသေးမှ မဟုတ်တာ။ တို့က တို့ကိုချစ်ရမယ်၊ တို့ကလွဲပြီးဘယ်သူ့မှ ချစ်စရာမလိုဘူးလို့ ချည်နှောင်ခဲ့တာ မဟုတ်တာတောင် မင်းဟာ တို့မှတို့ ချစ်နေခဲ့ပေးတာဟာ တော်ရုံခံစားချက်မှ မဟုတ်တာ အက်ဖီ။ တို့သိပါတယ်။ ဘာပဲဖြစ်ဖြစ်... မင်းအရမ်းချစ်ခဲ့ဖူးတဲ့ မိန်းမတစ်ယောက်ကို မင်း ဒုတိယအကြိမ်ကြိုးစားခွင့်လေးတော့ ပေးပါနော်။ တို့တောင်းပန်ပါတယ်။ ဒါဟာ တောင်းပန်နေတာပါ။ ဒါဟာ ဟိုးအရင်က မင်းသိခဲ့တဲ့ တီချယ်ဟေမာန်လို့ အမိန့်တွေပေးနေတာ မဟုတ်ရပါဘူး"
တီချယ်လည်း ဖြစ်ချင်တာတွေ တစ်ရပ်စပ်ပြောပြီးတဲ့နောက်မှာ အက်ဖီမျက်လွှာတွေကျကုန်တယ်။
ဒုတိယအကြိမ်ပြန်လည်ပျောက်ကွယ်သွားမှာကိုကြောက်နေလို့သာ တီချယ့်ကို အက်ဖီ လက်ကမ်းမကြိုဆိုရဲတာပါ။
ဒါပေမဲ့ အခွင့်အရေးမပေးဘူးလို့ အပြတ်သားငြင်းပစ်ဖို့ကျပြန်တော့လည်း အက်ဖီ့မှာ အဲဒီလောက် သတ္တိက မရှိပြန်။
အက်ဖီဟာ တီချယ့်ကိုဘယ်လောက်ထိ ရူးရူးမူးမူး တမ်းတခဲ့မိတယ်ဆိုတာ အက်ဖီသာလျှင်အသိဆုံးပဲမို့လား။
"နော် အက်ဖီ...တို့ကို ကြိုးစားခွင့်ပြုပါ..."
"အဲဒါဆို တီချယ်က အခု အက်ဖီ့ကို ယုံခဲ့ပြီပေါ့။ တီချယ့်အပေါ်ထားခဲ့တဲ့ ခံစားချက်တွေဟာ အစားထိုးတာ မဟုတ်ဘူးဆိုတာ တီချယ် သိခဲ့ပြီပေါ့..."
ရှက်ရွံ့စွာ၊ အားနာစွာနဲ့ပဲ တီချယ် ဦးခေါင်းကိုလေးလံစွာ ညိတ်ပြမိတယ်။
အက်ဖီလည်း စိတ်မောသက်ပြင်းနက်နက်တစ်ခုကို ဟူးခနဲ မြည်သံဆွဲကာ ချလိုက်ရင်း အကြည့်ကို ဟိုးအဝေးက ချယ်ရီပင်တွေဆီ လွှဲပစ်လိုက်တယ်။
တောင်ပေါ်မြို့လေးတို့ ထုံးစံအတိုင်း ညနေခင်းစောင်းတာနဲ့ ကျောင်းအပြင်မှာ အမှောင်ထုက ကြီးစိုးဖို့ တကဲကဲဖြစ်နေပြီ။
နေမင်းရဲ့အလင်းရောက် လျော့ပါးသွားတာနဲ့တပြိုင်နက် အအေးဓါတ်ကလည်း ပတ်ဝန်းကျင်မှာ သိသိသာသာပိုကဲလာပြီ။
အသက်ရှူနေတဲ့ အက်ဖီ့နှုတ်ခမ်းဖျားနဲ့ တီချယ့်နှုတ်ခမ်းဖျားများဆီမှ ဆေးလိပ်မီးခိုးငွေ့လို အပူငွေ့လေးတွေပင် သိသိသာသာ ထွက်လာခဲ့ရပြီလေ။
"အခု တီချယ် ဘယ်မှာတည်းမှာလဲ? နေရာရှာပြီးပြီလား။ ညဥ့်နက်တော့မယ်..."
မငြင်းဖယ်ဘူးဆိုတဲ့ အရိပ်ယောင်တွေ့သွားတော့ တီချယ်ပျော်တာမှ အရမ်းပဲ။
မျက်ရည်ပေါက်တွေ တသီသီကျလာပြီး ပြုံးလျက် အရှက်တရားတွေ၊ မဖြစ်သင့်မှုတွေ ခဏဘေးဖယ်ပြီး အက်ဖီ့ကို သိုင်းကာဖက်ပစ်လိုက်မိတယ်။
အက်ဖီလက်နှစ်ဖက်လုံးကို အတုတ်ခံပြီး ဖက်လိုက်မိသလိုဖြစ်လို့ အက်ဖီဟာ ငြင်းလည်း မငြင်းပယ်နိုင်သလို၊ တီချယ့်ကို တုန့်ပြန်ပြီးလည်း မဖက်နိုင်ခဲ့။
သိပ်ကိုလွမ်းဆွတ်နေရတဲ့ ရင်ခွင်လေးနှစ်ခု အခုမှ နီးကပ်ခွင့်ရသွားတဲ့တခဏ အရာရာတိတ်ဆိတ်ငြိမ်သက်ကုန်တယ်။
ထိုစာသင်ခန်းလေးအတွင်း တီချယ်နဲ့ အက်ဖီတို့ရဲ့ အသက်ရှူသံ ခပ်မျှင်းမျှင်းလေးမှအပ တကယ့်ကို အရာရာတိတ်ဆိတ်လွန်းနေတယ်။
"တို့ကိုအခုလို ဒုတိယအကြိမ် အခွင့်အရေးပေးတဲ့အတွက် အတိုင်းမသိ ကျေးဇူးတင်ပါတယ် အက်ဖီရယ်..."
တကယ်တော့ တီချယ်ဖက်ထားတာကို အက်ဖီ တွန်းဖယ်သင့်တာ။
နှစ်ရှည်လများ စိတ်ဒုက္ခတွေပေးနေတဲ့ ထိုမိန်းမ။
ဒါပေမဲ့ အက်ဖီကိုယ်တိုင်ကိုယ်က သိသိသာသာကြီး ပျော်ဝင်နေတာ။
တွန်းဖယ်ဖို့မပြောနဲ့။
တီချယ် ပြန်လွှတ်လိုက်မှာကိုတောင် စိုးရီမ်မိနေသလိုလို။
တီချယ်လည်း တကယ့်ကို လွမ်းဆွတ်နေမှုကြီးရပ်တံ့သွားအောင် ရည်ရွယ်ပြီး ဖက်မိနေတာလားမသိ။
မိနစ်တွေ အတော်ကြာသွားသည့်တိုင်အောင် ပြန်မလွှတ်သေး။
"အဟမ်း..."
အတော်ကြာအောင် ဖက်ထားပြီးမှ တီချယ်ဟာ အက်ဖီ့ကိုလွှတ်လိုက်ရင်း သွသူ ရှက်ကိုးရှက်ကမ်းနဲ့ ချောင်းဟန့်တယ်။
ပြီးတော့ အက်ဖီ့ကိုနှုတ်တောင်မဆက်ပဲ ကျောခိုင်းလိုက်တယ်။
ဒါပေမဲ့ တီချယ်တို့ ထုံးစံအတိုင်း လျှောက်ထွက်မသွားသေးဘူး။
ငြိမ်သက်လို့။
အက်ဖီလည်း တီချယ့်ကျောပြင်လေးကို မက်မောတမ်းတစွာငေးကြည့်မိနေတယ်။
ဘာပဲဖြစ်ဖြစ် တီချယ် အခုလိုလိုက်လာတာကို အက်ဖီ အငုံ့စိတ်လေးထဲက အတိုင်းမသိပျော်နေမိတာ။
၎ နှစ်တောင် ပစ်ထားရက်လေခြင်းဆိုပြီး တီချယ့်နှုတ်ခမ်းတွေကို အားရပါးရ နမ်းပစ်ချင်တာ။
ဒါပေမဲ့ သိပ်လည်း မလုပ်ရဲ။
တီချယ့်ဆို အက်ဖီဟာ ငယ်ကြောက်။
ခုလို အဖက်ခံရတာနဲ့တင် သိန်းသောင်းချီဆုပေါက်သလို ကံကောင်းလှနေပြီ။
"တို့ သွားတော့မယ် အက်ဖီ။ ဒါပေမယ့် တို့ မနက်ဖန် မင်းဆီပြန်လာဦးမှာပါ..."
ကျောခိုင်းရင်းနဲ့ပဲပြောတယ်။
ပြီးတော့ ကျောင်းခန်းဝအထိလျှောက်သွားတယ်။
အဲဒီတော့မှ အက်ဖီလှမ်းတွေ့လိုက်တာ တီချယ့် လက်တွန်းခရီးဆောင်အိတ်လေ။
တီချယ်ဟာ ထိုခရီးဆောင်အိတ်လေးကို တွန်းရင်း ကျောင်းဆောင်နဲ့ဝေးရာဆီလျှောက်သွားနေပြီ။
ဒါကို အက်ဖီ ပြတင်းပေါက်နားလေးအထိ ခပ်သုတ်သုတ်လေးလာပြီး မျှော်ကြည့်မိနေတုန်း။
ဒုတိယအကြိမ်ကြိုးစားခွင့်ကို တီချယ်က တောင်းခံတာလား၊ အက်ဖီက ပြန်ရသွားတာလားဆိုတာတောင် အက်ဖီ့မှာ မသဲကွဲနိုင်တော့။
ကောင်းကင်ကိုမော့ကြည့်မိတော့ မြူမှုံလေးတွေ ကျဆင်းနေပြီ။ မှောင်လုလုလည်းဖြစ်နေပြီ။
ရာသီဥထုက ကျောင်းဆောင်အပြင်ဖက်မှာ သိသိသာသာပိုပြီး အေးစက်လို့နေပြီ။
တီချယ်တစ်ယောက် မြို့ထဲက ဟိုတယ်လေးဆီမှာ အခန်းမှ ရပါလေစဆိုပြီး စိုးရီမ်စိတ်တွေနဲ့ အက်ဖီ အိမ်ပြန်လမ်းတို့ သိပ်မဖြောင့်။
နောက်လှည့်ကြည့်၊ လှည့်ကြည့်နဲ့လုပ်နေမိပေမယ့်လည်း တီချယ်ဟာ အက်ဖီနေတဲ့အိမ်ခန်းလေးကိုမှ မသိပဲ။
ဘယ်လိုလုပ်ပြီး အိမ်အထိလိုက်လာမလဲလို့တွေးကာ ကိုယ့်အဖြစ်ကို ပြုံးမိသေးတယ်။
အခုမှ အက်ဖီသတိထားမိတာ။
အက်ဖီ အခုလေးတင် ပြုံးတာ၊ ရယ်တာ လွယ်သွားလိုက်တာ။
အရင်ရက်တွေကဆို တော်ရုံ မပြုံး၊ မရယ်တတ်တဲ့ အက်ဖီ။
အော် အချစ်ကလည်း အင်အားကြီးမားလှလေစွ။
အပြန်လမ်းမှာ သိသိသာသာ အအေးပိုကဲနေလို့ နှာဖျားကထွက်တဲ့လေပူတွေတောင် မီးခိုးငွေ့တွေလိုဖြစ်နေပေမယ့် အက်ဖီ့တကိုယ်လုံး ပူနွေးလို့။
ရှိန်းတိမ်းတိမ်းနဲ့ ခြေလှမ်းတွေကလည်းသွက်လို့။
ဘာပဲဖြစ်ဖြစ် ကိုယ်သိပ်ချစ်ရတဲ့အမျိုးသမီးနဲ့ တစ်မြို့ထဲအတူတူနေနေ ရတာပါလားဆိုတဲ့အတွေးနဲ့ အက်ဖီသိပ်ကို ကျေနပ်နွေးထွေးနေပြီ။
အရင်ရက်တွေကဆို လမ်းလျှောက်ရင် ဆီးနှင်းတွေနဲ့ ချော်ကျမှာစိုးလို့ ငိုက်စိုက်စိုက်၊ ခပ်သွက်သွက်လျှောက်တတ်လေ့ရှိတဲ့ အက်ဖီဟာ ဒီနေ့တော့ လျှောက်လာတဲ့ လမ်းရဲ့ဘေးပတ်ဝန်းကျင်ကို တကူးတကန့် သတိထားပြီး ကြည့်ငေးတတ်နေပြီ။
ဆီးနှင်းတွေကြား ခွေးအိမ်လေးထဲငြိမ်ငြိမ်လေး နေနေတဲ့ အမွှေးပွခွေးလေးကိုကြည့်ပြီးလည်း ပြုံးမိသေးတယ်။
ခြံစည်းရိုးတွေနဲ့ အိမ်လေးတစ်အိမ်လုံး မီးတွေလင်းထိန်နေအောင် အလှဆင်ထားတဲ့ တိုက်ပုလေးကိုငေးကြည့်ပြီးလည်း ပြုံးမိတယ်။
အိမ်တစ်အိမ်ရဲ့မီးခိုးတိုင်မှာ တငွေ့ငွေ့ထွက်နေတဲ့ မီးခိုးငွေ့လေးတွေကို ငေးကြည့်ရင်းလည်း ပြုံးမိသေးတယ်။
လမ်းလျှောက်လာပြီး အိမ်ကိုရောက်လို့ ရောက်မှန်းတောင် မသိခဲ့ရ။
"ဟင်... ဟေမာန်..."
အရမ်းကို ချမ်းစီးနေတဲ့ ညမှာ အိမ်ရှေ့မှာ ငုတ်တုတ်လေးထိုင်စောင့်နေတဲ့ ဟေမာန်လေးကိုမြင်ပြီး အက်ဖီ အံ့အားသင့်သွားရတယ်။
"ဟေမာန်... ညည်း ဒီနေ့ အိမ်မလာတော့ဘူးလုိ့ ပြောသွားတယ်လေ... ညနေကျောင်းဆင်းတုန်းက"
"အင်း သိတယ်လေ။ ဒါပေမဲ့ သမီး ချယ့်ကို သတိရလို့။ ဖုန်းဆက်တာလည်း မကိုင်လို့။ စိတ်ပူပြီးရောက်လာတာ။ ချယ်ဘယ်တွေသွားနေတာလဲဟင်?"
"နေပါဦး ဟေမာန်ရယ်... နောက်မှ မေးခွန်းတွေမေးပါတော့။ လောလောဆယ် လာ... ကျမ တံခါးဖွင့်လိုက်မယ်။ အိမ်ထဲဝင်တော့။ အပြင်မှာ ချမ်းရချမ်းနဲ့။ ရောက်နေတာကြာပြီလား။ ပြစမ်းပါဦး ညည်းလက်တွေ။ အမယ်လေး အေးစက်နေတာပဲ... လာလာ... ညည်းမာမာသိလို့ကတော့ ရင်ကျိုးမယ်"
"မာမာပဲလိုက်ပို့ပေးတာပါနော်..."
"ကဲပါ မယ်တော်ရယ်... ဟုတ်ပါပြီ"
အက်ဖီဟာ တံခါးကိုခပ်သွက်သွက်လေးဖွင့်ပြီး ဟေမာန့်ကို အိမ်လေးထဲဝင်စေလိုက်တယ်။
ပြီးတော့ အလျှင်အမြန်ပဲ မီးလင်းဖိုထဲ ထင်းတွေထည့်ပြီးမီးမွှေးရသေးတယ်လေ။
"ကဲ ချယ်... ဘယ်တွေသွားနေတာလဲ။ ပြန်လာတာ နောက်ကျလိုက်တာ...."
"အသိတစ်ယောက် လာလည်လို့ပါအေ"
"လာပြန်ပြီလား ချယ့်အသိက..."
"ဟဲ့ ဟေမာန်... ညည်း တီချယ့်ကို သစ်ခေါင်းထွက်များ မှတ်နေလား။ ကျမမှာလည်း အသိတွေဘာတွေရှိတာပေါ့..."
"ဟိုတစ်ခါ ဦးလေးကြီးပဲလား?"
"ထက်ယံမဟုတ်ပါဘူးအေ... အခုက နောက်တစ်ယောက်..."
"အိုး ... ချယ့်အသိတွေကလည်း ကုန်ကို မကုန်နိုင်ဘူး..."
"ကဲ... ညည်းစာမေးပွဲနီးနေပြီ။ စာမကျက်တော့ဘူးလားပြော..."
"ကျက်မှာလေ။ စိတ်ပူနေလို့။ ဖုန်းကိုဘာလို့ မကိုင်တာလဲ..."
"ဖုန်းအသံပိတ်ပြီး အိတ်ထဲထည့်ထားမိလို့ပါအေ။ ကဲ ... အချမ်းပြေသွားအောင် ချောကလက်ပူပူလေးသောက်လိုက်။ တီချယ်ဖျော်ပေးမယ်..."
တီချယ်နဲ့ဆုံခဲ့ရလို့ ကိုယ့်ဘာသာကိုယ် မကြည်နူးအားသေး။
မယ်တော်ချောလေးကို အရင်ဆုံး ပြုစုရေသေးတယ်လေ။
အက်ဖီဖျော်ပေးတဲ့ ချောကလက်ပူပူလေးကို သောက်ပြီးနောက် ဟေမာန်လည်း သိသိသာသာ အချမ်းလျော့သွားတယ်။
နှစ်ထည်တည်းရှိတဲ့ စောင်ထဲမှ တစ်ထည်ကိုယူပြီး ကောင်မလေးကို ပတ်ပေးထားရသေးတယ်။
စာမေးပွဲက နီးနေပြီဆိုတော့ ကောင်မလေး ဖျားသွားလို့မဖြစ်။
"ချယ့်အသိက ဘယ်သူလဲလို့.... ယောက်ျားလား မ်ိန်းမလား?"
"တီချယ်ကျောင်တုန်းက စာသင်ပေးခဲ့တဲ့ဆရာမ... မိန်းမပါ ဟေမာန်ရယ်..."
အဲဒီဆရာမနဲ့ ဘယ်တုန်းတည်းက ရင်းနှီးတာလဲ၊ ဘယ်လောက်ရင်းနှီးတာလဲဆိုပြီး ဟေမာန် လျှာရှည်နေသေးတာကို အက်ဖီ့မှာ စိတ်ရှည်လက်ရှည်နဲ့ ဖြေပေးရသေးတယ်လေ။
နောက် ချောကလက်ကုန်သွားတော့ အက်ဖီကိုယ်တိုင်ပဲ ဟေမာန်လေးကို အိမ်အထိ ပြန်လိုက်ပို့ပေးရတယ်။
ဟေမာန်လေး မာမာနဲ့ စကားခဏထိုင်ပြောပြီး ထမင်းစားရဦးမယ်လို့ အကြောင်းပြကာ အိမ်သို့ပြန်လာခဲ့လိုက်ရတယ်။
အက်ဖီ ဒီနေ့ညတော့ တစ်ယောက်တည်း တီချယ်နဲ့ဆုံခဲ့တဲ့ အခိုက်တန့်လေးကို ပြန်တွေးချင်နေတယ်လေ။
အိမ်ပြန်ရောက်တာနဲ့ ရေပူရေအေးစပ်ပြီး ရေချိုးလိုက်တယ်။
ထမင်းတောင် ခါတိုင်းလို သိပ်များများ မစားနိုင်။
ထမင်းစားတုန်းကလည်း ၀ိုင်နဲနဲငှဲ့သောက်ဖြစ်သေးတယ်။
စားသောက်ပြီး ကျောင်းခန်းထဲက တကူးတကန့်သွားယူမိခဲ့တဲ့ စာအုပ်လေးကို ဖတ်ဖို့ မီးလင်းဖိုရှေ့မှာထိုင်မိသွားတယ်။
စာအုပ်ကို ဖွင့်မဖတ်သေးပဲ ထိုင်ငေးကြည့်နေမိတာ အချိန်တော်တော်ကုန်သွားပြန်တယ်။
ဒီစာအုပ်လေး ကျေးဇူးကြောင့်။
မဟုတ်ရင် တီချယ်နဲ့ လွဲချင်လွဲနေဦးမယ်။
အက်ဖီဟာ တီချယ့်အကြောင်းစဉ်းစားမိရင်း သိသိသာသာ ရင်ခုန်သွားရတာ။
တီချယ်ဖက်ထားတုန်းက ရခဲ့တဲ့ တီချယ့်ကိုယ်သင်းနံ့လေးဟာ အက်ဖီနဲ့ သိပ်မစိမ်းသေးတာ ထူးဆန်းစွာ သတိပြုမိတယ်။
အခုလို ပြန်တွေ့လိုက်ရတော့လည်း တီချယ်နဲ့ ဝေးကွာခဲ့တုန်းက ရခဲ့တဲ့ နာကျင်မှုတွေဟာ ဘာမှန်းတောင် သေချာ မမှတ်မိချင်တော့။
ဘာပဲဖြစ်ဖြစ် ကိုယ့်ကိုချော့ဖို့ ဒီအထိသူလိုက်လာတယ်ဆိုတဲ့ စိတ်လေးနဲ့တင် လူက ဘ၀င်လေဟတ်ချင်နေပြီ။
တကယ်လို့ တီချယ်နဲ့ နောက်တစ်ခါ ပြန်တွေ့ရင်တော့ သေချာတယ်။
အက်ဖီ လုံးလုံးကို ပြိုလဲသွားတော့မှာ။
ဒီလိုဖြစ်လို့တော့ မရသေးဘူးလို့လည်း တွေးမိသေးတယ်။
ဘယ်နှယ့်... လူကို စိတ်ဒုက္ခတွေပေးထားတာ ၄ နှစ်ကြီးများတောင်။
ကိုယ်က သူ့ကိုမြင်ပြီး ၂ ခါမြောက်မှာတင် အရာရာမေ့ပြီး လာခဲ့ပါ... ၀ဲကမ်းပါဆို... သိပ် ဈေးပေါသွားမယ်ဆိုပြီး စိတ်တင်းမိတယ်။
ဘာပဲဖြစ်ဖြစ် ဟန်ကိုယ့်ဖို့တော့လုပ်ရဦးမယ်။
တင်းကိုတင်းထားရမယ်လို့လည်းတွေးရင်း ဟင်း မဖြစ်သေးပါဘူးဟု တဒိန်းးဒိန်းခုန်နေတဲ့ ရင်ဘတ်ကို လက်နဲ့ဖိရင် သက်ပြင်းမောတစ်ခုချရသေးတယ်။
တစ်ဆက်တည်း တီချယ် အခန်းမှ ရပါလေစလို့တွေးရင်း စိတ်ပူမိတယ်။
ပူနွေးတဲ့ ပတ်ဝန်းကျင်ကနေ အခုလို အေးစက်တဲ့ တောင်ပေါ်မြို့လေးကို လိုက်လာတဲ့တီချယ် အစစအရာရာ အဆင်မှပြေပါ့မလားလို့ တွေးပူတာက တစ်မျိုး။
အရမ်းအေးတော့ ညစာစားပြီး အစာမကြေဖြစ်မှာလည်း စိုးရိမ်မိသေးတယ်။
ယောင်ယောင်အမ်းအမ်းနဲ့ ချက်ချင်းပဲ အစာကြေဆေးသွားပေးရင်ကောင်းမလားလို့တွေးရင်း မတ်တပ်ထရပ်မိသေးတာ။
နောက်မှ ချက်ချင်းကြီးဆိုတော့လည်း မဖြစ်သေးပါဘူးဟုတွေးကာ ပြန်ထိုင်လိုက်မိတယ်။
သေချာတာကတော့ တီချယ့်ကို အက်ဖီ နောက်တစ်ကြိမ် ဘယ်နည်းနဲ့မှ တင်းထားနိုင်တော့မှာမဟုတ်ဘူးဆိုတာပါပဲ။
ဒါပေမယ့်လည်း... သူထားခဲ့တာ ၄ နှစ်လေလို့ ကိုယ့်ဘာသာပြန်ပြောရင်း အားတင်းရပြန်ရော။
"ဒေါက်...ဒေါက်...ဒေါက်..."
မထင်မှတ်စွာကြားလိုက်ရတဲ့ အိမ်တံခါးခေါက်သံကြောင့် အက်ဖီကျောရိုးတောင့်သွားတယ်။
ဟေမာန်လေး ပြန်လိုက်ပို့တာတောင် ပြန်လာတာလားလို့တွေးရင်း စိတ်ဆိုးချင်သွားတယ်။
ဒီတစ်ခါတော့ သင်းကလေးကို ပြန်လိုက်မပို့တော့ပဲ ဖြစ်ချင်ရာဖြစ်ဆိုပြီး ဧည့်ခန်းခုံမှာပဲ သိပ်ပြစ်လိုက်မယ်လို့ တွေးမိသေးတယ်။
"ဘာပြန်လာလုပ်တာလဲ ဟေမာန်ရယ်..."
အက်ဖီစိတ်ပျက်လက်ပျက်လေး ညီးညူရင်း တံခါးကိုဖွင့်ပေးလိုက်မိတဲ့အခါမှာတော့...
"ဟင်... တီချယ်..."
"တို့ ဒီကို အခုမှ ရောက်တာပါ အက်ဖီ... ပြန်လာလုပ်တာ မဟုတ်ဘူးလေ..."
"မဟုတ်ဘူး... ဟေမာန်ဆိုတာ အက်ဖီ့ကျောင်းသူတွေထဲက တစ်ယောက်ပါ... ဒါနဲ့ တီချယ် ဒီကိုဘာလာလုပ်တာလဲ?"
"မြို့ထဲမှာက တည်းခိုးဆောင်တစ်ခုတည်းရှိတယ်ဆိုတာ မင်းသိတယ်နော်... အေး အခု အဲဒီတည်းခိုဆောင်က လူပြည့်နေလို့တဲ့..."
"ဒီတော့ တီချယ်က အက်ဖီ့အိမ်ကိုဘယ်လိုသိတာလဲ?"
"ဆရာမလေးအက်ဖီဆိုတာ ဒီမြို့မှာ မသိတဲ့လူမှ မရှိတာ။ ဒီလိုပဲ လမ်းမေးပြီး လာရတာပေါ့..."
"ဒီလောက်ညဥ့်နက်နေပြီ... တီချယ်က ဘာလာလုပ်တာလဲဟင်?"
YOU ARE READING
အသည်းနင့်အောင်... ချစ်တယ်
Romanceချစ်ခြင်းကို နူးညံ့မှုလို့ ခေါင်းစဉ်တပ်မယ်ဆိုရင် ကျမ ရယ်မောမိပါလိမ့်မယ်။