Chapter 25.
📖•-•-•🌿-•-•-•📚
Wastegyal
-A female who hides behind a screen to intimidate and undermine others but would act scary in person instead of keeping up the same act they had over the screen.
🪷
•
•
•
•
•
•
•
•
🪷
SUNDAY
📍UWI
10:30 AM
Ja'Aliyah's POV:
Mi tiad like a dawggg. Last night was definitely a night to remember tpc.
Yuh nuh know seh Valiant a perform one a him song dem and wah girl jump up pon the stage and guh pon her kneeeee inuh and start massage the man hood.
Look like she get too excited now and a guh fi pull the man buckle, Valiant eye dem bulge out a him head, like him Neva expect dat at all.
Two twos a wah man dat we see jump on pon e stage tuh and draw off her wig. Mi seh the whole crowd pop up.
Guess a wah, the man seh him leave the girl and seh "doh move mi aguh shot a piss".
Miss girl she now tek it up pon herself fi use the opportunity like how the man nuh deh deh and bad up her performance.
Mi nah lie though when the wig draw off and we see sumn a shine towards the crowd a dah time deh we get chaotic. Mumma head shine like mi front.
Mi laugh suh till mi have stitch pain Ina mi punny.
She coulda have alopecia or cancer still so the whole situation fuck up.
It was very disrespectful but funny still, but very disrespectful.
While the whole drama aguh dung and the two a dem aguh back and forth Valiant him a use the mic fi mek we hear wah gwaan. He is so unserious.
Anyways hear the drama part now. When we look nuh wah third person dat walk up. Up till now mi nuh see if a man, woman or the indifferent. Dem seh a man still but mi nuh know.
Suh the three a dem up deh a cuss now bout who a tek who fah man. The show just become one pieca movie.
"Mawningg." Krista exclaimed from beside me.
"Den wah mek a ova yassuh you deh? Nuh wonder why mi suh pain up." Mi actually pain up fi real, mi Neva yet meet somebody weh sleep as bad as Krista. If yuh nuh careful all ar foot reach Ina yuh mouth
"Girl mi neva know 'A' from bull foot. Mi just chuck off some weh."
I laughed at her statement and got up to go lay down on the other bed making sure to grab my phone.
"All mi voice hoarse to how mi laugh last night. A when the next girl jump up pon the stage and start argue seh she and the man deh." I spoke letting out a cough at the end.
Throat definitely hoarse man.
"Yuh nuh see seh a wa man girl."
"Yuh too lie." I laughed
"Den which woman have rifle?"
"Nuff a dem a walk round wid it Ina dem draws, dem shot the man dem guh and come." I added seriously.
"Aye gyal!" She said laughing hysterically. Mi honestly think she still have some liquor left in her system because it nuh suh funny how she a gwaan.
A few seconds later I started laughing too, I wasn't laughing at the joke but more so because of her laugh. Yuh know the people dem weh laugh just contagious? Yeh a hers dat.
YOU ARE READING
Feel Like This
Romance"Gwaan poh yuh head." "Wa?" "Yuh nah hear?" "How mi aguh duh dat when mi foot tie up?" I sighed but obliged whilst holding onto his hand for support. He rubbed my folds and teased my clit before positioning himself at my entrance and jumped in. "Bom...
