" ခမ်းလေး တစ်ခုခု ဖြစ်လာတာလား "
မာန်ချီဟာ ဆိုဖာအထက် ထိုင်ရင်း အရက်တစ်ခွက် မနက်ခင်းအစပြု မော့သောက်နေကာ သူရိယမျက်နှာ မကောင်း သဖြင့် မေးမိတယ်။
" ကိုယ်ဘာမှ မဖြစ်ဘူး ချီ "
" အိုး.. ဟုတ်ရဲ့လား မသိပါဘူး မနေ့ညက ကိုယ့်ဖုန်းလေးကြောင့် မင်းတို့နှစ်ယောက် ရန်ဖြစ်နေပြီများလားလို့ ကိုယ်ပျော်နေခဲ့တာကို "
" သပ်သပ်လုပ်ခဲ့တာပေါ့ ချီ "
ခမ်းလေး ချီကို ပထမဆုံး တင်းမာစွာ ကြည့်လိုက်တယ်။ မာန်ချီလည်း သတိထားမိကာ ထိုင်ရာမှ ထလာရင်း
" ဒီမှာ သူရိယမဟာခမ်း မင်းအလုပ်က လွမ်းဦးတိုင်စေ ဘ၀ကို ဖျက်ဆီးဖို့ဆိုတာ မေ့နေတာလား ? လွမ်းဦးတိုင်စေ အပေးအကျွေးအောက်မှာ ဘ၀မေ့နေတာ အခုတည်းက ရပ်သင့်ပြီ တချိန်တန် မင်းဘယ်လောက်လွမ်းဦးတိုင်စေကို ချစ်ပါစေ လွမ်းဦးတိုင်စေသာ မင်းအကြောင်း အကုန်သိသွားရင် မင်းကို အမှိုက်လို လွတ်ပစ်သွားမယ့် အကောင်စားမျိုး ငါညီမကိုလည်း သူ ဒီလို လုပ်ခဲ့တာ "
မာန်ချီ အံကြိတ်တင်းကာ သူရိယကို စေ့စေ့ကြည့်ကာ ပြောခဲ့တယ်။ သူရိယဟာ မာန်ချီကာ အနည်းငယ် အံသြစွာ ကြည့်ရင်း
" ဟမ် ? ချီ မှာ ညီမ ရှိတာလား ကိုယ်မသိရပါလား အခု သူက ဘယ်မှာလဲ "
" သူလား ရှိတာပေါ့ လွမ်းဦးတိုင်စေလုပ်လို့ ဒီကမ္ဘာမြေရဲ့ မြေကြီး အောက်မှာ ရှိနေတယ် "
" ကိုယ်ကို ပြောပြလို့ရမလား ဘာတွေဖြစ်ခဲ့လဲ ဆိုတာ "
" အရင်က မင်း အလုပ် အတွက် အကြောင်းအရင်း တွေ ဘာတွေ မမေးတတ်ပါဘူး အခု ကိစ္စမှာ မင်းဘာလို့ မေးတာလဲ "
" ကိုယ်သိသင့်တယ် ထင်လို့ ကိုယ်ကို စိတ်မပျော့စေချင်ရင် ဖြစ်ခဲ့တာ အကုန် ကိုယ်ကို ပြောပြသင့်တယ် ချီ "
" ဟက်... ! ပြောပြရတာပေါ့ဗျာ သိပ့်သိချင်နေရင်လည်း "
မာန်ချီ ဆိုဖာပေါ်ပြန်ထိုင်တော့ သူရိယလည်း မာန်ချီ နဲ့ မျက်နှာချင်းဆိုင် ဆိုဖာခုံမှာထိုင်ကာ မာန်ချီ ဘာဆက်ပြောမလဲကို နားစွင့်ကာ ငြိမ်နေမိတယ် ။
YOU ARE READING
ရမ္မက်ပြင်းသောအတ္တဖြင့်ချစ်ခဲ့သည်
FanfictionDrama / Possessive / Soft စသည့် ရသပေါင်းစုံပေးနိုင်သည်။ အစပိုင်းကြမ်းတမ်းသောအသုံးနှုန်းများပါဝင်ကာ နောက်ပိုင်းပြေပြစ်ပါသည်။ စိတ်ထိန်းသိမ်းနိုင်ပါက မည်သူမဆို ဖတ်နိုင်သည်။
