အရုပ်ကြိုးပျက် ခွေကျသွားသော လွမ်းအား ရှင်းသွေး အသာဖက်လိုက်သည်။ ကြက်သေ သေနေသော လွမ်း၏ ပခုံးအား အသာအယာ ညစ်ကိုင်ရင်း
" လွမ်းရယ် စိတ်ထိန်းပါကွာ... ကျေးဇူးပြုပြီး ဒီလိုမျိုး ပြိုလဲ မနေပါနဲ့ သတင်းက တကယ်အမှန်ဟုတ်ရဲ့လား မသိဘဲနဲ့ ဒီလို မဖြစ်ရဘူးလေ လွမ်းရယ်... "
ဟုတ်၏.. လွမ်း၏ ဦးနှောက်ထဲ ရှင်းသွေးရဲ့ စကားတစ်ခွန်းရောက်သွားသည်။ ထိုသည်က " သတင်းက တကယ်အမှန်ဟုတ်ရဲ့လား " ဆိုသည်ပင်။ လွမ်းသည် ရှင်းသွေး လက်အား အားကိုးတကြီး ကိုင်ရင်း
" သတင်း အမှန် ဟုတ် မဟုတ် ငါတို့ ကိုယ်တိုင် စစ်ဆေးလို့ မရဘူးလား ရှင်းသွေး... "
" ဟာ.. အဲ့ဒါက ရဲတွေနဲ့ စကားပြောရမှာ... ကိုယ် သိပ့်ပြီး အဲလိုတွေ မပြောချင်ဘူး "
" ကျေးဇူးပြုပြီး... မင်းပဲပြောတယ်လေ.. ငါဖြစ်ချင်တာ အကုန်လုပ်ပေးမယ်ဆို "
" ဒါပေမဲ့.. ဒါကြီးကတော့... "
" မထွက်သွားဘူး... "
" ဟမ်.. "
ရှင်းသွေးသည် လွမ်းအား ငုံကြည့်ပြီး လွမ်းလည်း ရှင်းသွေးအား မော့ကြည့်ကာ နှစ်ယောက်သား အကြည့်ချင်းဆုံနေချိန်...
" ငါ မင်းအနားက မထွက်သွားဘူး... မင်းနဲ့ လက်ထပ်ဆိုလည်း ငါလက်ထပ်ပါ့မယ်ဟာ.. ဒါပေမဲ့ ငါကို ဒီတစ်ခုလေးဘဲ ကူညီပေးပါ.. ငါ မောင့်ကို တကယ် စိတ်ချချင်လို့ပါ မောင် သာ စိတ်ချရပြီဆိုရင်.. ငါတကယ် ကျေနပ်ပြီ ကျန်တာ အကုန် ငါလိုလိုလားလား လိုက်လျောပေးမှာမို့ တကယ်.. ကူညီပေးပါ ရှင်းသွေးရာ... "
" .... "
ရှင်းသွေး တချက်နှုတ်ဆိတ်ရင်း လွမ်းထံမှ
အကြည့်လွဲမိသည်။ မျက်ဝန်းဒေါင့်မှ မငိုဘဲ မျက်ရည်စီးကျမိသည်။ ဟုတ်တယ်.. ရှင်းသွေး မငိုဘဲ မျက်ရည်များ စီးကျနေမိတယ်... ရင်ထဲကလည်း တဆစ်ဆစ် နာကျင်နေသလိုပင်။ ရှင်းသွေးသည် သူ၏ မျက်ဝန်းများအား အသာပိတ်ချရင်း သက်ပြင်းချကာ
" ကိုယ် ကူညီပေးမယ်.. ဒါပေမဲ့ ကိုယ့်အနားက မထွက်သွားရင် ရပြီ... ကိုယ်.. လွမ်းကို အတင်း မသိမ်းပိုက်တော့ဘူး... အတင်း သိမ်းပိုက်သလိုမျိုး ကိုယ့်ကို မပြောပါနဲ့တော့... လွမ်းကို ကိုယ် တကယ်ချစ်တာမို့ ကိုယ်ကူညီပေးတယ်လို့ဘဲ သဘောထားပေးပါ "
ESTÁS LEYENDO
ရမ္မက်ပြင်းသောအတ္တဖြင့်ချစ်ခဲ့သည်
FanfictionDrama / Possessive / Soft စသည့် ရသပေါင်းစုံပေးနိုင်သည်။ အစပိုင်းကြမ်းတမ်းသောအသုံးနှုန်းများပါဝင်ကာ နောက်ပိုင်းပြေပြစ်ပါသည်။ စိတ်ထိန်းသိမ်းနိုင်ပါက မည်သူမဆို ဖတ်နိုင်သည်။
