" စုံစမ်းခိုင်းထားတဲ့ အမှုအခြေအနေ က ဘာတုန်း "
မာန်ချီသည် သူ၏တပည့် ဖြစ်သူအား စေ့စေ့စိုက်ကြည့်ကာ ပြောလိုက်သည်။
" Sir... ကျနော်တို့ သိထားတဲ့ တရားခံ မဟုတ်ဘူး ဆရာ "
" ဘာ...! "
တပည့် ဖြစ်သူ၏ ပြောစကားကြောင့် မာန်ချီ ရင်ထဲ ထိတ်ခနဲတုန်သွားသည်။ ခေါင်းထဲတွင်လည်း ချာချာလည်မတက်ဖြစ်သွားကာ
" ဟျောင်.. မင်း ဘာကို ဆိုလိုချင်တာလဲ "
" ကျနော်တို့ သိထားတဲ့ မမလေးကို သတ်တဲ့တရားခံက လွမ်းဦးတိုင်စေ မဟုတ်ဘူး Sir.. အခြားသူတစ်ယောက် ဖြစ်နေတယ်လို့ သတင်းရထားပါတယ် "
မာန်ချီ သည် နွေနွေခေါင် ခေါင်းတည့်တည့် မိုးကြိုးပစ်ခံလိုက်ရသလို ခံစားလိုက်ရသည်။
" ဒါ...ဒါဆို တရားခံက ဘယ်သူတုန်း "
မာန်ချီ၏ လေသံမှာ သိသာစွာတုန်ယင်နေ၏။ ထိုအချိန်ဘေးနားတွင် ရှိသော မိန်းကလေး ဟယ်ရီဟာ အေးဆေးတည်ငြိမ်စွာ နားထောင်နေရင်း ဧည့်ခံထားသော ကော်ဖီအား သောက်နေ၏။
" ကျနော်တို့ တရားခံကို အတိအကျမသိရသေးပါဘူး Sir.. ဒါပေမဲ့ ဖြစ်ရပ်မှာ ရှိနေတဲ့ သန့်ရှင်းရေး အန်တီ ပြောစကားအရ အဲ့လူရဲ့ ကျောပြင်မှာ ရေနွေးပူလောင်ထားတဲ့ ဒဏ်ရာ ရှိတယ် တဲ့ Sir.. အခန်းထဲကနေ အဲလူက အပေါ်အဝတ်စလစ်နဲ့ ထွက်ပြေးသွားတာကို သူမြင်ခဲ့တာပါ လို့ ပြောပါတယ် "
" ဟာကွာ အဲလူရဲ့ မျက်နှာကို မမြင်လိုက်ဘူးလား အဲ့ဒီ အဒေါ်ကြီးက "
" သေချာ မမြင်လိုက်ဘူးလို့ ပြောပါတယ် "
" ဒါဆို သူက ငါတို့အတွက် သက်သေလိုက်ပေးနိုင်တဲ့တစ်ဦးတည်းသောသူပေါ့ "
" Sir... အဲ့အန်တီက ကြိုတောင်းဆိုထားပါတယ်... "
" ဘာများတုန်း "
" တရားခွင်မှာ သူကို မသုံးပါနဲ့...မဟုတ်ရင် သူအသတ်ခံရမှာ ဆိုပြီး ပြောထားပါတယ် "
မာန်ချီသည် အံကိုကြိတ်ရင်း လက်သီးအား ကျစ်နေအောင် ဆုပ်လိုက်မိသည်။
YOU ARE READING
ရမ္မက်ပြင်းသောအတ္တဖြင့်ချစ်ခဲ့သည်
FanfictionDrama / Possessive / Soft စသည့် ရသပေါင်းစုံပေးနိုင်သည်။ အစပိုင်းကြမ်းတမ်းသောအသုံးနှုန်းများပါဝင်ကာ နောက်ပိုင်းပြေပြစ်ပါသည်။ စိတ်ထိန်းသိမ်းနိုင်ပါက မည်သူမဆို ဖတ်နိုင်သည်။
