Hey ! You Have To Be My Husband ( Completed )

Part - 5 ( Zaw )

အပိုင်း - ၅

" လင်းလင်းရေ ဂေဟာမှူးခေါ်နေတယ် "

ဂေဟာမှတာဝန်ရှ်ိသူတစ်ယောက်၏ အော်ပြောသံကြောင့်အားလပ်ချိန် စားဖိုဆောင်တွင်ကူညီနေသောလင်းမြတ်တစ်ယောက် ရုံးခန်းရှ်ိရာသို့အပြေးသွားရပြန်သည်။ ရုံးခန်းတွင်းဝင်,ဝင်ချင်းမှာပင် ဂေဟာတွင်စာသင်ပေးနေသည့်ဆရာမ၏ရင်ခွင်ထဲ တအီအီငိုနေသော ကောင်လေးတစ်ယောက်ကိုတွေ့လိုက်ရ၏။ မွေးစထဲကအသက်၈နှစ်အထိ ဂေဟာမှာသာနေရသည့် ကိုယ့်အတွက်ကတော့ ဒီလိုမြင်ကွင်းမျိုးတွေကို မကြာခဏမြင်ဖူးပြီးသားပင်ဖြစ်သည်။

" လင်းလင်း သားဒီကိုလာခဲ့ဦး "

ဆရာမကြီး၏ခေါ်သံကြောင့် လက်လေးပိုက်ကာ အနားကိုရောက်အောင်တိုးသွားလိုက်သည်။

" သား ဒီသူငယ်ချင်းကဒီနေ့မှရောက်လာတာ။ သူက အခုမှရောက်လာတော့ သူငယ်ချင်းလဲမရှိသေးဘူး။သားနဲ့ရွယ်တူဆိုတော့ သားအခန်းထဲမှာပဲ ထားလိုက်နော် "

" ဟုတ်ကဲ့ပါ ခင်ဗျာ "

" နောက်ပြီး သူနဲ့သားကရွယ်တူဆိုပေမဲ့ သားကဒီမှာအရင်ထဲကနေခဲ့တဲ့သူဆိုတော့ အရင်ကညီလေးညီမလေးတွေလိုပဲဂရုစိုက်ပေးရမယ်နော်"

" ဟုတ်ကဲ့ပါ ခင်ဗျာ "

ကိုယ်နဲ့ရွယ်တူဆိုသည့်ကောင်လေးသည် ကိုယ်ထက်လူကောင်အများကြီးသေးနေ၏။

" လင်းလင်း လိမ္မာတာဆရာမသိပါတယ်။ အခုသူငယ်ချင်းကိုခေါ်သွားပြီး သူနဲ့နေပေးလိုက်။ နောက်ရက်တွေသားကသူနဲ့အတူနေပြီး သင်ပေးစရာရှိတာတွေသင်ပေး ။ ကဲ ရှိန်းလေးလဲ မငိုနဲ့တော့နော်။ လင်းလင်းက အရမ်းသဘောကောင်းတာ။နောက်ဆို သားဒီမှာပျော်သွားမှာပါကွယ်"

စကားအဆုံးတွင် ဆရာမလေး၏ရင်ခွင်ထဲပုန်းခိုသလိုဝင်ရောက်နေသည့်ကောင်လေးက ရှိုက်ကာရှိုက်ကာငိုယိုနေလေတော့သည်။ ဒီလိုမျိုးတွေ မကြာခဏကြုံဖူးနေသည့် ကိုယ့်အတွက် ကတော့ ဒီလိုအခြေအနေကိုစိတ်မရှည်တာမျိုးမဖြစ်မိဘဲ စိတ် ရှည်ရှည်သာစောင့်နေမိသည်။ ဆရာမလေးကတော့ ထိုကလေးကို စိတ်ရှည်လက်ရှည်ချော့မြှူနေကာ