အပိုင်း -၁၂
နောက်ဆုံးတွင် မကိုဋ်ထွဋ်ခေါင်၏အနားမှနေပေးဖို့ ဆုံးဖြတ်လိုက်၏။ ရှိန်းရေ! ငါရွေးချယ်ခဲ့တဲ့အရာတိုင်း မင်းကြောင့်မဟုတ်ရပါဘူးကွာ။ ငါ့စိတ် ငါ့သဘော ငါဆုံးဖြတ်ချက်သက်သက်ပါပဲ။ ပြန်ရလာမည့်အကျိုးဆက်တွေမှာတော့ မှန်နေရင် မင်းစံရပါစေ။မှားခဲ့ရင်တော့ ငါသာခံရပါစေ။ ငါချစ်ရတဲ့မင်းအပေါ်မှာ မကောင်းတဲ့အရာမှန်သမျှ မြူတစ်မှုန်တောင်မကျရစေပဲ ကိုယ်ရောစိတ်ပါနွေးထွေးလုံခြုံရှိပါစေ။ ငါအမြဲဆုတောင်းနေမိသလိုပါပဲ။ မင်းဘဝတစ်သက်တာလုံး ပူပင်မှုတွေကင်းဝေးပြီး ဒီအရိပ်ကြောင့် အေးပါစေ။ ဒီအရိပ်ကြောင့်ပဲ နွေးပါစေကွယ် ။
*
*
*
*
*
*
*
*" ဒေါက်! ဒေါက်! ဒေါက်!
အခန်းတံခါးကိုလာခေါက်နေသည့်အသံကြောင့် ချောင်းကြည့်ပေါက်မှနေ အပြင်ကိုလှမ်းကြည့်မိသည်။ အပြင်မှာမမြင်ဘူးသည့်တိုင် အလင်း၏ဖုန်းထဲမှမြင်ဖူးနေသော လူကိုတွေ့လိုက်ရ၏ ။
ရှေ့ရက်က အလင်း အလုပ်မှပြန်လာပြီးနေမကောင်းဖြစ်သည်။ တော်ရုံဖျားနာခဲသူက ဒီတစ်ခါမှတော့ အိပ်ယာထဲမှပင်မထနိုင်။ ခန္ဓာကိုယ်ပေါ်တွင် ဒဏ်ရာတချို့ရထားတာတွေ့ပေမည့် ကိုယ်ကလည်း ဘာကြောင့်လဲဆိုတာမမေးခဲ့သလို အလင်လည်း ဘာစကားမှပြောမလာချေ။ အခုနောက်ပိုင်း အလင်းခန္ဓာကိုယ်ပေါ်တွင် ဒဏ်ရာတချို့ကိုမကြာခဏတွေ့နေရတတ်၏။ ထိုဒဏ်ရာတွေသည် ဒီလူနဲ့တစ်နည်းမဟုတ် တစ်နည်းပတ်သက်နေရမည်ကိုသိနေသောကြောင့် စိတ်တိုမိ၏။
တံခါးကိုဆွဲဖွင့်ပေးလိုက်သည့်အခါ အိမ်ထဲသို့ခပ်တည်တည်ဝင်လာသည်။ သူ့အိမ်ကိုပြန်လာသူလို သက်တောင့်သက်သာပုံစံရှိနေသူအား ကြည့်ကိုမရချေ။ အိမ်ထဲဝင်လာသူအား နောက်မှနေပြီး သူ့အကျႌစကိုဆွဲထားလိုက်သည်။
မကိုဋ်လည်း နောက်ကျောဆီမှတင်းခနဲဖြစ်သွားရသည့်အတွက် သမင်လည်ပြန်လှည့်ကြည့်လိုက်၏ ။ ခပ်တည်တည်ဖြင့် ကိုယ့်ကိုကြည့်နေသောကောင်လေး။ လင်းမြတ်ဆီမှ ဒီကောင်လေးအကြောင်းကိုမကြာခဏကြားနေရသည့်တိုင် အခုမှအပြင်မှာမြင်ဖူးခြင်းဖြစ်သည်။
YOU ARE READING
Hey ! You Have To Be My Husband ( Completed )
FanfictionMy Husband Hates Me ထဲမှာပါတဲ့ လင်းမြတ်နိုင်နဲ့ရှိန်းခေါင်ယံရဲ့ Fic အသစ်လေးပါ ။