في الرابع من أغسطس

مـواعـيـد رمـضـان

رمضان مبارك عليكم جميعا 🤍
عندي خبرين واحد حلو والتاني نص ونص او ممكن سئ للبعض نبدأ بالحلو

ان شاء الله مواعيد روايه في الرابع من أغسطس بدأً من يوم الاثنين القادم اول ايام رمضان هتبقى كل يوم ليه يا صابرين!!؟
علشان نخلص الروايه ونتفرغ للعبادة في رمضان علشان مش عايزه الروايه والقراءه تعطلكم عن رمضان

الخبر السئ شويه اني الجزء الثاني من رجال آل الصياد "أمواج الذاكره" هيستني لبعد العيد ان شاء
وقبل ما حد يقول ده وقت طويل وان الجزء ده بقاله كتير متعلق

اقول اني عارفه وعلشان متملوش اوي من الانتظار هنزل بارت مثلا كل أسبوع
ها مرضيين

تمام ناخد اقتباس بقى 🙃
*************
قهقهت مارلين عليها وهي تخرج من غرفتها قائله
-أي الروقان ده انتي بتغني في وسط الهم اللي انتي فيه
مريم: اديني بغني للهم يمكن يحل من على دماغي
مارلين: مش بقولك رايقه الا قوليلي مين غسل مواعين الغداء
مريم: جدتي الله يرحمها هو فيه حد غيري معاكي في البيت وانا معرفش
مارلين بضحك: وجهه نظر برضو يلا بينا على الشغل
اتجه الاثنين الي الخارج وكان في طريقهما الي مكان العمل لتقول مارلين
-صحيح مقولتيش خبطتي دماغ الراجل في الحيطه ليه
مريم: مسك أيدي الحيوان الجذمه
مارلين بذهول: قوم تخبطي رأسه في الحيطه يا مفتريه بس علفكره الراجل ده مش هيسكت
مريم بشر: ياريت علشان المره الجايه افتح كرشه
مارلين: بت انتي شخصيه عدائيه ولا الظروف المنيله اللي بتمري بيها عامله فيكي كده
مريم: لا يا اختي هما الرجاله كده صنف عايز ضرب الشبشب 
مارلين بمكر: الرجاله كلها يعني مفيش واحده برا القاعده
مريم: طلعي الموضوع من دماغك يا مارلين مش علشان كنت بهلوس وانا سخنه بأسمه ابقى واقعه في دباديب امه
مارلين: يا بت ده انتي من كتر ما كنتي بتنطقي اسمه وبتنادي عليه انا كنت حته وهاروح اقوله تعالي ليها
مريم: مارلين اقفلي على الموضوع
مارلين: طب اعترفي انه وحشك الأول
مريم ببرود: لا
مارلين: اعترفي
مريم: لا
مارلين: اعترفي
صرخت مريم بنفاذ صبر :خــلاص وحـشــنــي وحـشــنــي وحـشــنــي
*************
Sabreen