في الرابع من أغسطس

34- الـرابـع مـن أغـسـطـس

معلش يا بنات هنزل فصل واحد دلوقتي علشان ملحقتش اراجع الفصل التاني بس ان شاء الله هنزله بالليل بعد العشاء

صلي على نبي الامه 💛
كانت تشعر بالحماس الشديد وهي تجلس تقرأ أحد الكتب تشعر انها تريد أن تطير لتصل إلى القصر الان لكن للأسف هذا مستحيل
-مبسوطه اوي بعد ما نكدتي على الكل

قالت هذه الجمله دميانا وهي تسحب كرسي لتجلس عليه بجانب مريم لتقول الأخرى بدهشه وهي تشير إلى نفسها
-نكدت علي الكل، انا !؟

دميانا/ اومال كان المفروض نسافر بعد 5 ايام من سفر آرثر بس حضرتك فضلتي تزني علي أوسكار لحد ما طهق وقال خلاص نسافر ده حتى ابرام اتحايل عليكي علشان يقعد مع كيتي شوية وانتي ابدا
مريم باستنكار: الاه وفين النكد في ده كله ده انتوا راجعين بلدكم

ضحكت دميانا عليها فالجميع بدون استثناء يعلم أن أفعال مريم هذه لأنها اشتاقت الي آرثر
-للدرجة دي وحشك
مريم بغرور: مين انا لا طبعا
أخرجت دميانا صوتاً ساخراً من فمها هل قولت الجميع بدون استثناء، حسناً مريم هي الاستثناء الوحيد

-يابت ده انتي بعد 24 ساعه بس من سفره جريتي لأوسكار وقولتي يلا بينا نمشي

حمحمت مريم باحراج فيبدو انها مكشوفه للجميع بسبب أفعالها الخرقاء هذه
-اممم ماشي وحشنى شويه قد كده
ختمت كلامها وهي تضيق اصبعيها السبابة والابهام دليلا على صغر هذا الشعور لكن دميانا قامت بضربها بخفه على رأسها
-كدابه

دلكت مكان الضربه بألم لتتأفف بضجر: ماشي وحشني شويه كتير، اممم هما كتير من غير شويه
قالتها وهي تضحك لتقول دميانا بابتسامه
-تعرفوا انتوا الاتنين لايقين على بعض
مريم: الكل بيقول كده بس تعرفي انتي طلعتي طيبه اوي مش زي ما كان باين عليكي في الأول انتي وكيتي

دميانا بشرود: اااه لو أعرف مين اللي كان بيوسوس لكيتي بالحقد ده بس للأسف كيتي رافضه تقول مين
مريم: فعلا حتى لما سألتها توهت على الموضوع بس مش مهم، المهم دلوقتي انها لقيت اللي بيحبها بجد
تنهدت دميانا براحة: تعرفي انتي جدعه اوي لو واحده تاني كانت استغلت مكانتها عند آرثر وعاقبت كيتي عقاب شديد

مريم: لما سمعت منها صعبت اوي عليا وكانت محتاجة حد يضمها وانتي كان الحد ده
دميانا بحزن شديد: انا ندمانه اني مهتمتش بيهم كويس كان المفروض انسي الماضي واركز معاهم
ردت مريم بحزن هي الأخرى: وانتي برضو كنتي مظلومه

صمتت دميانا لتحاول مريم تغير الموضوع
-هو الكابتن ده مش هيسرع شويه الساعه داخله على 9 الليل وهو لسه موصلش احنا كده هنوصل الصبح
دميانا: وده يكون أفضل
هزت مريم رأسها بنفي قائله بضيق: لا الصبح ايه انا كده مش هلحق عيد ميلاده
دميانا بعدم فهم :عيد ميلاد آرثر