"ပြီးပြီလား?"
"ဟုတ် အကို"
"မဆိုးဘူး။ မင်း ရေးတာ မြန်သားဘဲ"
"ဟုတ်"
"ဒီလောက်ဆို Java နဲ့ ပတ်သက်ပြီး၊ မင်းမှာ အခြေခံ ပိုင်သလောက် ရှိပြီ။ Python ဆက်သွားမလား?"
"ဟုတ်"
"ဒီဘာသာရပ်ကို မင်း လေ့လာတဲ့ အချိန်က တိုသေးတယ်။ ဒါပေမဲ့ Frank ပြောသလိုဘဲ၊ မင်းက ညဏ်ကောင်းတယ် Jake"
"..."
"မင်းရဲ့ ရည်ရွယ်ချက်က ဘာလဲ? ငါ သေချာ မသိဘူး။ ဒါပေမဲ့ ရိုးရိုး သာမန် ဆော့ဖ်ဝဲ ရေးတဲ့သူ (programmer) တစ်ယောက်ဘဲ မဖြစ်ချင်ဘူးဆိုရင် ..."
"..."
"ခုက စပြီး Python ကို ကျွမ်းကျင်အောင် အရင် လုပ်။ ပြီးရင် Cloud နဲ့ Networking ပိုင်း၊ အဲကမှ Cyber Security လိုင်းဘက် သွားတာ ပိုကောင်းမယ်"
ထိုအပြောကို Jake နှုတ်ခမ်းတွန့်၍သာ ပြုံးမိသည်။ သူ့ရဲ့ရည်ရွယ်ချက်က 'ဘာလဲ' လို့ မေးလာရင်၊ Jake ပြန်ဖြေမိမှာ တစ်ခွန်းထဲ။
'သူ့ရဲ့ရည်ရွယ်ချက်က ကိုကြီး ပင်'
ခုလက်ရှိ သူနဲ့ စကားအမေးအဖြေ လုပ်နေတာက တခြားလူတော့ မဟုတ်ဘူး။ လွန်ခဲ့တဲ့ တစ်ပတ်လောက်တည်းက သူနဲ့ မိတ်ဆက်ပေးမယ်လို့ ကိုကြီး ပြောခဲ့တဲ့ IT Engineer ဘဲ။
Frank Lucas က ခု အခြေစိုက်စခန်းမှာ မရှိဘူး။ အကိုဝမ်းတို့ ပြောတာတော့ ဗြိတိန်ဘက် ခရီးထွက်သွားတယ် တဲ့။ ခရီး မထွက်ခင်မှာ လူကြီးက အသိ အိုင်တီအင်ဂျင်နီယာနဲ့ သူ့ကို မိတ်ဆက်ပေးခဲ့တယ်။
ကိုကြီး နဲ့ တော်တော်လေး ရင်းနှီးတဲ့ပုံ ပေါ်တဲ့ အဲ,အင်ဂျင်နီယာက ကိုကြီးနဲ့ ပုံစံကွဲပြီး၊ Jake နဲ့တော့ နည်းနည်း တူတယ်။ မျက်နှာတည်ပြီး၊ စကား အများကြီး ပြောလေ့ မရှိဘူး။ ဒါပေမဲ့ အိုင်တီနဲ့ ပတ်သက်လို့က၊ ဘယ်ချိန်သွားမေးမေး စိတ်ရှည်ရှည်နဲ့ ပြန်ဖြေပေးတယ်။
ဒါက ကိုကြီးရဲ့မျက်နှာ ကြောင့်ဘဲလားတော့ မသိပေမဲ့၊ Jake သိချင်တဲ့ အကြောင်းအရာတွေကို သေချာ ရှင်းလင်းစွာ ပြောပြပေးတယ်။ ဒီအကို လမ်းပြပေးမှုနဲ့၊ JAVA programming language ကို Jake လေ့လာလိုက်တာ တစ်ပတ်လောက်ဘဲ ကြာတယ်။ ခုဆို သူက အဆင့်မြင့် web application တစ်ခုကို ကိုယ်တိုင် ရေးနိုင်၊ ထုတ်နိုင်တဲ့ အဆင့်တောင် ရောက်နေပြီ။
BẠN ĐANG ĐỌC
𝓔𝓿𝓮𝓷 𝔀𝓱𝓮𝓷 𝓽𝓱𝓮 𝓝𝓲𝓰𝓱𝓽 𝓒𝓱𝓪𝓷𝓰𝓮𝓼
Lãng mạn"My favorite Song is ......" "NIGHT CHANGES" "Yes" "Baby, you know what?" " ? " "Even when the night changes, it will never change me and you" (( MC )) Jake Frenzo (သန့်သုတ) (( ML )) Frank Lucas (မင်းအမိန့်) Kayden Lucas (ကေဒင်ဇိုင်း) (( SC )) ရဲသွေ...
