အမေရိကန်နိုင်ငံ၊ လျို့ဝှက် အခြေစိုက်စခန်း။
"013 (ဇီးရိုး.ဝမ်း.သရီး) ကို ခုထိ ရှာမတွေ့သေးဘူးလား?"
အခန်းကျယ်တစ်ခုတွင် လက်ရွေးစင်အဖွဲ့သား ဆယ့်နှစ်ယောက်က စီတန်း၍ ရပ်နေကြ၏။ သူတို့အကြည့်တွေက စားပွဲခုံတွင်ရှိသော ကွန်ပြုတာ စကရင်ပေါ်သို့ ရောက်နေကြသည်။ ဘယ်သူမှ အနှီ မေးခွန်းကို မ,တုံ့ပြန်ကြတဲ့အဆုံး၊ လေလှိုင်းထဲမှတဆင့်၊ Frank Lucas ရဲ့အေးစက်စက် စကားသံက ထပ်မံ ထွက်ပေါ်လာသည်။
"ငါ မေးနေတာ ဖြေဖို့၊ မင်းတို့မှာ ပါးစပ် မပါလာကြဘူးလား?"
ထိုတော့မှ 01 (ဇီရိုး.ဝမ်း) မှ အရဲစွန့်၍ ...
"ကျွန်တော်တို့ နောက်ဆုံး ခြေရာခံခဲ့တဲ့ရလဒ်အရ အငယ်ဆုံး ရောက်နေတဲ့ တည်နေရာက ကယ်လီဖိုးနီးယား ပြည်နယ် ဘက်မှာပါ..."
"ဘာ ! ကယ် လီ ဖိုး နီး ယား !?"
"ဟုတ် ဆရာ"
"ဘယ်လိုဖြစ်ပြီး ...?"
"ဒါတော့ ကျွန်တော်တို့ မသိပါဘူး ဆရာ။ အငယ်ဆုံး တီထွင်ခဲ့တဲ့ ခြေရာခံစက်နဲ့ဘဲ သူချခဲ့တဲ့ သဲလွန်စတွေက တဆင့်၊ ကျွန်တော်တို့ တည်နေရာ လိုက်ရှာခဲ့ရတာမို့ပါ။ ပြီးတော့ အငယ်ဆုံး တီထွင်ခဲ့တဲ့စက်ရဲ့ အသုံးပြုပုံကို သူကိုယ်တိုင်ကလွဲပြီး တခြားလူလဲ သေချာ နားမလည်လို့ပါ"
"013 ... နောက်ဆုံး တစ်ခေါက် လုပ်ခဲ့တဲ့မစ်ရှင်က နယူးယောက်မှာ မလား? ဘယ်က ဘယ်လို ကယ်လီဖိုးနီးယား ထိကို ..."
"အဲဒါလဲ ကျွန်တော်တို့ မသိပါဘူး။ ဒါပေမဲ့ နောက်ဆုံး ရတဲ့ သတင်းအရ၊ လင်းယုန်ငှက်တွေက ကယ်လီဖိုးနီးယားဘက်မှာ ခြေယောင်ပြနေတာ တွေ့တဲ့သူ ရှိတယ်လို့ သတင်းရထားပါတယ်။ 013 ပျောက်ဆုံးနေတာက အဲဒါနဲ့ သက်ဆိုင်၊ မဆိုင် ဆိုတာကိုတော့ ..."
"ဘယ် မြို့ လဲ?"
"ဗျာ? အဲထိ ကျွန်တော်တို့ မသိသေးပါဘူး"
လေထုက ချက်ချင်း တိတ်ဆိတ်သွားသည်။ ဒီလို တိတ်ဆိတ်ပုံမျိုးနဲ့ဆို၊ သူတို့ ဆရာ စိတ်ထဲ ဒေါသထွက်နေပြီဆိုတာ သေချာပေါက်ပင်။ ဆရာ မေးနေတဲ့ တောက်လျှောက်၊ 'မသိပါဘူး' ကို တွင်တွင်သုံးခဲ့တဲ့ သူတို့အဖြေ။ အဲကြောင့် အော်သံတစ်ခုခုကို ကြားရဖို့၊ ကြိုတွေးထားတဲ့ 01 စိတ်ထဲ ဘုရားတကာ နေမိတယ်။
YOU ARE READING
𝓔𝓿𝓮𝓷 𝔀𝓱𝓮𝓷 𝓽𝓱𝓮 𝓝𝓲𝓰𝓱𝓽 𝓒𝓱𝓪𝓷𝓰𝓮𝓼
Romance"My favorite Song is ......" "NIGHT CHANGES" "Yes" "Baby, you know what?" " ? " "Even when the night changes, it will never change me and you" (( MC )) Jake Frenzo (သန့်သုတ) (( ML )) Frank Lucas (မင်းအမိန့်) Kayden Lucas (ကေဒင်ဇိုင်း) (( SC )) ရဲသွေ...
