10 Steps To Be A Lady

CHAPTER 8 : PIQUE

 

RHEA POV

For the first time sa buhay ko bilang isang estudayante, maaga akong nag-ayos at gumising para pumasok. Achievement 'to!

Paano ba naman kasi. Hindi ako nakatulog ng maayos. Paputol-putol ang tulog ko at kung susumahin ang oras na naidlip ako, wala pa sigurong tatlong oras 'yon. Epic tuloy ang eyebags ko. Agaw pansin.

"Ang aga mo naman atang gumising,hija." salubong sa akin ni yaya nang makita niya ako sa kusina.

"For a change." patamad kong sagot. "Gising na ba si Papa,ya?"

"Tulog pa rin siguro ang papa mo. Aba'y gabing-gabi na kayo umuwi." sagot ni yaya. Sinalin niya ng baso ang juice at inabot sa akin. Ipinaghanda niya na rin ako ng almusal. "Nakakapanibago. May nangyari ba at kay aga mong nagising?"

Umasim ang mukha ko. "Nanaginip po ata ako tungkol sa unggoy."

Napakunot ang noo ni yaya. "Unggoy?"

"Oho. Unggoy po na katawang tao. Pero mukha talaga siyang unggoy dahil ang pangit niya." kumagat ako ng malaki sa hotdog bago nagsalitang muli. "Yung unggoy daw po na 'yon ay mortal enemy ko at walang ginawa kundi bwisitin ako."

Huminto sa pagpupunas ng platito si yaya. Nakikinig naman siya sa kwento ko kaya ipinagpatuloy ko.

"Pero do'n sa panaginip ko, may kakaibang nangyari,yaya. Yung tipong mapapasabi ka ng 'what the hell' at mapapamura ka sa gulat."

"Ano naman 'yon? Nag-transform ba sa tao ang unggoy sa panaginip mo?" natatawang wika ni yaya. Hindi ko mapigilang matawa rin sa sinabi niya. The best talaga 'tong yaya ko,eh. Sinasakyan ang mga kwentong barbero ko.

"Hindi gano'n,yaya. Saka malabong mangyari yung sinabi mo,eh. Sa tingin ko kasi, forever siyang unggoy in my dreams. Pero yung nangyari sa panaginip ko kagabi, mas epic pa do'n!"

"Hmm? Anong nangyari?" na-a-amuse sa kwento ko si yaya. Akalain ko bang may interes pala siya sa mga unggoy.

"Nag-sorry siya sa akin." ngiting-wagas kong sabi. "Akalain niyong magsosorry sa akin ang mortal enemy ko? Haha!"

Nakitawa rin sa akin si yaya. Ginulo-gulo pa niya ang buhok ko na tila ako bata. "Ikaw talaga! Hindi naman malayong magkatotoo ang panaginip mo,ah?"