10 Steps To Be A Lady

CHAPTER 11 : THE GENTLEMAN

 

RHEA POV

Nakahinga lamang ako ng maluwag nang makapasok kami ni Coby sa bahay.

"Are you okay? You look pale." puna ni Coby.

"D-don't mind me. I'm alright." I smiled at him para mapanatag siya.

Nakita kong sumilip si yaya galing sa sala. Agad kong inakay papunta do'n si Coby.

"Dumating ka na pala. At mukhang may kasama ka." yumuko si yaya kay Coby. Kaloka naman 'tong yaya ko. Parang prinsipe ang tingin kay Coby. Sabagay, mukha naman talagang prinsipe 'tong kasama ko.

"Coby, naaalala mo pa ba si Yaya Marta?" tanong ko kay Coby. Nanlaki naman ang mata ni Yaya.

"Coby? Anak ka ba ni Sir Art,hijo?" agad na tanong ni yaya kay Coby.

Ngumiti naman ito at tumango.

"Opo. Naaalala niyo pa po pala ako, yaya Marta. Naalala ko rin po kayo. Kamusta na po?" ang cute magtagalog ni Coby! Haha! Para siyang banyaga na naligaw sa Pinas. Mukhang nasanay siya sa lengwahe ng ibang bansa,ah. Atleast, marunong pa rin siya magtagalog.

At ang pinaka-importante, hindi niya kami nakalimutan.

"Naku! Ang laki-laki mo na! Ke gwapong bata. Mas matangkad ka na sa akin ngayon samantalang bansot ka dati." natatawang sabi ni Yaya. Napahagikgik rin ako samantalang napakamot na lamang sa batok si Coby ngunit nakangiti pa rin. Totoo 'yon. Bansot si Coby dati. Mas matangkad pa nga kaming dalawa ni Anne sa kanya nung mga maliliit pa lamang kaming bata kahit mas matanda ng ilang buwan. Ngayon, hanggang balikat na lang niya ako.

"Mamaya ka na magkwento,ya. Pahanda naman kami ng merienda. Please." pinupo ko muna si Coby sa sofa.

"Sige. Papensya na at na-excite akong masyado." inakay ako sandali ni yaya. Nakatalikod kaming dalawa kay Coby. "Sa kanya ba galing 'yang bulaklak at chocolate na hawak mo?" nginuso niya ang boquet at red box na hanggang ngayon ay hawak ko pa rin.

Namula ako at tumango. "O-opo."

Namilipit at nangisay si yaya. Aba't talagang mas kinilig pa kaysa sa akin?

"Nanliligaw ba?"