One-Shot Stories Compilation

FATHER'S DAY SPECIAL -06-17-18

Aki pa sana ako ika na ang nahihiling kong nag-gigiya samuyang mag-turugang. Sabihon ta' nang dati dae ka nang-papahiling na mabuot asin mapagpadaba ka na ama, ang saimong pandok pirming ngurusdot, bihira taka mahiling mag-ngirit.

Aki pa sana ako kang mga panahong dikit-dikit sanang sala asin kibot ming mag-turugang sa atubangan mo, nag-gagalaiti ka na sa anggot. Nakukulugan mo sina kuya nin pisikal, ang pag-kakasala mi ang karibay ulas asin yamutam. Pero dae ko matandaan ang mga oras na inulas mo ako o kinulgan.

Aki pa ako, nadadangog ko asin nahihiling ang pirang beses nindong pag-iwal ni Mama, nagirundom ko na kapag nag-kalma na kamo ni Mama ika ang niraranihan ko asin nag-hihibi ako sa taid mo. Saro sa mga naging malala nindong iwal ay su' nag-taram kang muya mo ng magadan, asin hinapot si Kuya kung ano ang maray na inumon sa mga toxic chemicals na yaon sa harong habang pinupurugalan ka ninda.

Ngunyan na dakula na ako asin may halakwas na pag-intindi asin pag-iisip, aram kong sa mga panahon na ito maribong ang pag-iisip mo, pirmi ka kayang burat kaya pirmi kang badtrip. Suba sana. Huna-huna mo kaya dae padaba.

Habang ako nag-dadakula, Ika nag-tukdo saku na mabuhay kung ano sana ang kaya mong itao. Mabuhay ning simple asin maray. Mag-isip asin mag-gibo ning maray na puturo para sa sadiri, di baleng dae ka na kabali ta' may pag-sasadiri ka man, pero ako Dad, kabali ka sa gabos na plano ko para sa future ko. Para saimo ining pag-tiyaga kong pag-adal.

Ngunyan na kita kita na sana na Kuya ang magkairibahan, dakula ang naging pag-babag-o mo. Puon kang may nasabihan ka kang mga problema asin hinaing mo, naging mas magaan ang aura mo, nakanuod ka ng mag-ngirit asin mag-suba suba. Pasalamat ako sasaiya ta' ang dating maisug na harigi kang harong mi naging mabuot na.

Maugma ako para saimo Dad, ta habang nag-hahaloy mas nagiging ama ka sa samuya, nakanuod ka mag-hagad tawad pag ika nagkakasala samu asin ako man pag-sala ako, dakul ka ng nabistong tao, asin tatao ka na Dad mag-salad, pwede na mag-handa sa fiesta. Hahaha.

Ako saimong aki, matinubod-tibod sa mga sugo mo, dawa paulit-ulit kang taram ta pirmi kong nakakalingawan dae ka nag-sasawa na ipagurumdom saku ang mga nalilingawan ko. Dae ka pating sawa sa pag-yamutam saku pag-sala sala na ang mga gibo ko. Salamat Daddy.

Dad, don't worry, ako sana ang mabawi sa mga pag-kukulang nina kuya saimo bilang aki. I love you Dad!

-forgottenpad2401