" ေအာ္သမီးရယ္ အေမ့ဘာသာ လွည္းပါ့မယ္ဆိုတာကို ... နားနားေနေန အခန္းထဲမွာ သြားလွဲေနပါ ..... "အိမ္ထဲတြင္ တံျမက္စည္းလိုက္လွည္းေနေသာ လင္း ကို အေမက တတြတ္တြတ္ျဖင့္ေျပာေနေသာ္လဲ မရ ။
" တခ်ိန္လုံးႀကီး လွဲေနေတာ့လဲ ေခြၽးမထြက္ဘူး ေမေမရဲ႕ ... အခုလိုနည္းနည္းပါးပါး လႈပ္ရွားေပးမွာ ေခြၽးေလးစို႔ၿပီး ေနလို႔ေပါ့သြားမွာေပါ့ ေမေမရယ္ .... "
ဆရာမ ဆိုသည့္အတိုင္း အိမ္တြင္လဲ အေမကသူ႔ကုိဆို ဘယ္ေတာ့မွ ဆရာျပန္လုပ္လို႔မရေပ ။ သူ႔သမီးကိုေျပာမနိုင္သည့္အဆုံး ထိုင္ခုံမွာသာ ဝင္ထိုင္ေနေတာ့သည္ ။
" ေခြၽးထြက္ရင္လဲ အဝတ္လဲဦးေနာ္ ... ေတာ္ၾကာ ေခြၽးနဲ႔ျပန္အေအးပတ္ေနမယ္ သမီး .... "
" ဟုတ္ကဲ့ေမေမ ..... "
ထိုအခ်ိန္ ၿခံေရွ႕တည့္တည့္သို႔ ပါက်ဲဒိုးကားတစ္စီး ဆိုက္ေရာက္လာသျဖင့္ သူ႔ကေလးေလး လာၿပီဆုိတာ လင္း သိလိုက္ၿပီမို႔ မ်က္နွာမွာျပဳံးပန္းေဝဆာသြား၏ ။
ခဏေနေတာ့ ကားေပၚမွ ရွပ္အက်ီလက္ရွည္ ၊ အားကစားေဘာင္းဘီ ခပ္ပြပြအရွည္တစ္ထည္ကို ဝတ္ဆင္ထားသည့္ ပိန္ပိန္သြယ္သြယ္ အရပ္ရွည္ရွည္ျဖင့္ ( ၅ ေပ ၄ လက္မေက်ာ္ေက်ာ္ ဝန္းက်င္ခန္႔ ) ပိုးဟပ္ျဖဴေလးတစ္ေကာင္ ဆင္းလာပါေတာ့သည္ ။
မိုး မွာအခုမွ ၁၆ နွစ္ေတာင္မျပည့္ေသးဘူးဆိုေပမဲ့ အရပ္ကေတာ့ သူ႔အသက္အ႐ြယ္နွင့္သူ ရွည္သည္ဟုေခၚရေပမည္ ။ လင္း နွင့္ယွဥ္လွ်င္ မိုးကပင္ တစ္လက္မခန္႔ အရပ္ပိုရွည္ေနသည္ ။
အရပ္ကရွည္ အသားကလဲျဖဴေဖြးစြတ္ေနၿပီး ဆံပင္အခ်ိဳ႕က ညာဘက္မ်က္လုံးေပၚသို႔ အၿမဲဝဲက်လ်က္ရွိ၏ ။ ပါးေလးနွစ္ဖက္က ျပည့္ျပည့္ေဖာင္းေဖာင္းကေလးနွင့္ အနီးကပ္ၾကည့္မည္ဆိုပါလွ်င္ ေသြးေၾကာမွ်င္စိမ္းဖန္႔ဖန္႔ေလးေတြပင္ ျမင္ေနရသည္ ။ နက္ေမွာင္သည့္ မ်က္လုံးမ်က္ခုံးကို ပိုင္ဆိုင္ထာသူ မိုး မွာ ေက်ာင္းမွာေတာ့ သူ႔ကိုက်ိတ္ crush ေနၾကတဲ့လူေတြက ေတာ္ေတာ္ပင္မ်ားလွသည္ ။
VOUS LISEZ
Don't Stop Believing
Roman d'amourငယ်ရွယ်စဉ်မှာ ဘဝရဲ့အချိုးအကွေ့အကူးအပြောင်း၌ အေးစက်သွားကာ ခပ်ချေချေ ပေပေတေတေနေတတ်သည့် ကောင်မလေးတစ်ယောက် ... ။ " နွေးထွေးမှုဆိုတာ 'မိုး' ရဲ့ဘဝအတွက်တော့ နွေခေါင်ခေါင်မှာ နှင်းပွင့်လေးတွေကို စောင့်ဆိုင်းရသလိုပါပဲ .... " ( မိုးဝဿန်လွင် / Hanna Keiko ) ...