Don't Stop Believing

Episode - 25

မနက်​ရောက်​တော့ လင်း ရဲ့မျက်​စိမှာ ၅ နာရီဆိုသည်​နှင့်​အော်​တိုနိုးပြီးသား ။ ပိုးဟပ်​ဖြူ​ပေါက်​စ​လေးက​တော့ သူ့​ဘေးမှာ​ကွေး​ကွေး​လေးအိမ်​မောကျ​နေတုန်းပင်​။ သူ့က​လေး​လေးမျက်​နှာကို လင်း​ငေးကြည့်​ရင်း အိပ်​ပျော်​နေတဲ့ပုံ​လေးက ချစ်​စရာ​လေး လို့ လင်း​တွေးလိုက်​မိသည်​။ မိုး မနိုး​အောင်​သူတိတ်​တိတ်​က​လေး ထကာ ခြင်​ထောင်​ထဲမှထွက်​လာခဲ့သည်​။ ပြီး​တော့ မျက်​နှာသစ်​သွားတိုက်​ကာ မိုး နိုးလာရင်​စားဖို့အတွက်​ပေါင်​မုန့်​လေး ၂ ချပ်​ကို ယိုသုတ်​ပြီး​ကော်​ဖီ​လေးတစ်​ခွက်​ဖျော်​ပေးထားလိုက်​သည်​။ ပြီး​တော့မှ သူ့​မေ​မေအတွက်​နဲ့​နေ့လည်​စာနဲ့ ထမင်းချိုင့်​ထည့်​ဖို့အတွက်​လင်း ချက်​ပြုတ်​ရ​လေသည်​။ အကုန်​လုံးကို တစ်​နာရီ​လောက်​အတွင်းမှာပဲ ခပ်​မြန်​မြန်​အပြီးသတ်​လုပ်​ရ၏ ။ ၆ နာရီ​ကျော်​တော့​မေ​မေနိုးလာပြီး

" သမီး .... "

"​မေ​မေ .... အ​စောကြီးနိုးလာတာပဲ .... ညကအိပ်​ပျော်​ရဲ့လား​မေ​မေ ? "

"​ပျော်​ပါတယ်​သမီးရယ်​... ထမင်းချိုင့်​ထည့်​မလို့လား ....​ပေး​ပေး​မေ​မေဆက်​လုပ်​ပေးမယ်​....​ကျောင်းသွားဖို့ ပြင်​ဆင်​တော့ ..... သမီး​လေးမိုး​ကော မနိုး​သေးဘူးလား ? "

" ဟုတ်​တမင်​မနှိုး​သေးတာ​မေ​မေ ....​စော​နေ​သေးလားလို့ .... "

" ၆ နာရီ​ကျော်​နေပြီ သမီးရဲ့ .... နှိုးလိုက်​တော့ ... အဲ့ဒါမှ မနက်​စာ စားတာ အဝတ်​အစားလဲတာနဲ့ဆို အခု​လောက်​ထဲက ထမှမှီမှာ .... သမီးတို့ လိုင်းကားနဲ့ပဲသွားကြမှာ မလား ? "

" က​လေးရဲ့အိမ်​က ဦး​လေးညိုကားနဲ့လာကြို​ပေးမယ်​တဲ့​မေ​မေ .... "

"​အော်​အေးပါကွယ်​..... ကဲ သွား​တော့​မေ​မေဆက်​လုပ်​လိုက်​မယ်​.... "

" ဟုတ်​..... "

လင်း အိပ်​ခန်းထဲသို့ပြန်​ဝင်​လိုက်​တော့ ဟိုက​လေးမက ခြင်​ထောင်​အောက်​က​စောင်​ပုံထဲမှာ​ကွေးလို့​ကောင်းတုန်းရှိ​သေးသည်​။ လင်း ထိုချစ်​စရာနှံပီစုတ်​လေးကိုကြည့်​ရင်း တစ်​ချက်​ရယ်​လိုက်​မိသည်​။ ထို့​နောက်​ခြင်​ထောင်​လေးကို အသာလှန်​တင်​ကာ ထိုင်​ချလိုက်​ပြီး