ညနေစောင်းလောက်ကျတော့ မိုးဝသန်လွင်တစ်ယောက်သစ်သီးနဲ့မုန့်ဘူးတွေအစုံအစိပါသည့်ခြင်းတောင်းကြီးကတစ်ဖက်တစ်ဖက်ကလဲ လုံချည်စထည့်ထားသည့်ပါကင်ဗူးတစ်ဗူးဖြင့်လင်း တို့အိမ်ကိုပေါက်ချလာပါတော့သည်။
" ကလေး အဲ့ဒါတွေက ဘာတွေတုန်း ?? "
ကြီးမားလှသည့်ခြင်းကို လင်းကြည့်ပြီးတအံ့တသြမေးတော့
" ကန်တော့မလို့လေ ဟီး ... "
သွားတွေအကုန်ပေါ်အောင်ရယ်ပြနေသော မမချောကိုကြည့်ပြီး လင်းမျက်ခုံးလှုပ်သွားလေသည်။
" ကလေးရယ်ဘာလို့အများကြီးတွေ ...... မ ရဲ့ကလေးကတော့ လုပ်ချလာပြန်ပြီကွာ .... "
" ဟီး တစ်နှစ်မှာတစ်ခါကျွတ်တဲ့ သီတင်းကျွတ်မှာ ကန်တော့ချင်အားကြီးလွန်းလို့လေ ဟဲဟဲ ..... "
သူတို့နှစ်ယောက်ကိုမေမေကအိမ်ဦးခန်းနားက သူ့ကုတင်လေးပေါ်ကနေကြည့်ပြီး ရယ်နေလေသည်။
" ကဲ ကန်တော့မယ်မ နဲ့ အန်တီ့ကို ..... "
မိုး ကန်တော့မယ်ပြောတော့ လင်းလည်တိုင်လေးကိုပွတ်သပ်ရင်း
" ဟယ်အခုချက်ချင်းကြီးလား ? "
သိတဲ့အတိုင်း မမလင်းခမျာ ကန်တော့ခံရမည့်အရေးကို ရှက်နေပြန်ပြီလေ ။
အီး အဲ နဲ့ လင်း လုပ်နေတော့သူ့မေမေက
" အခုပဲ ၅ နာရီထိုးနေပြီ သမီးခဏနေ သမီးလေးမိုးနဲ့ရပ်ကွက်ထဲကစေတီမှာ ဆီမီးပူဇော်ဦးမလို့ဆို ..... ကဲ ကဲမေ့မေ့နားကိုလာထိုင်.... "
မေမေခေါ်တော့မှ လင်း မအီမလည်ရုပ်ကလေးနဲ့ သူ့မေမေရဲ့ကုတင်စောင်းလေးမှာ ဝင်ထိုင်လိုက်လေသည်။ မိုး ကတော့ထုံးစံအတိုင်း စပ်ဖြီးဖြီးပင်။
YOU ARE READING
Don't Stop Believing
Romanceငယ်ရွယ်စဉ်မှာ ဘဝရဲ့အချိုးအကွေ့အကူးအပြောင်း၌ အေးစက်သွားကာ ခပ်ချေချေ ပေပေတေတေနေတတ်သည့် ကောင်မလေးတစ်ယောက် ... ။ " နွေးထွေးမှုဆိုတာ 'မိုး' ရဲ့ဘဝအတွက်တော့ နွေခေါင်ခေါင်မှာ နှင်းပွင့်လေးတွေကို စောင့်ဆိုင်းရသလိုပါပဲ .... " ( မိုးဝဿန်လွင် / Hanna Keiko ) ...