ပထမဦးဆုံး အလုပ်စဆင်းသည့်နေ့၌ သူအတင်းငြင်းဆန်နေသည့်ကြားကဖေဖေကဝယ်ပေးခဲ့သည့်BMW ကားအနီလေးတစ်စီးဖြင့်ဆေးရုံသို့ ကိုယ်တိုင်မောင်းလာခဲ့သည်။ လမ်းက သိပ်မကျွမ်းကျင်သေးတာမို့ Google map ကိုအားကိုးပြီးမောင်းနေရသည်။ဖေဖေက ဒါရိုက်ဘာတစ်ယောက်ထားပေးမယ်ပြောနေပေမဲ့ တစ်ယောက်ထဲသွားရလာရတာကိုပဲ သဘောကျတဲ့သူမို့ဖေဖေ့ အကြံပြုချက်ကို ငြင်းပယ်ခဲ့၏ ။
ဆေးရုံသို့ရောက်တော့ဖေဖေ့ရဲ့သူငယ်ချင်းဆေးရုံအုပ်ကြီးဖြစ်သည့်ဒေါက်တာကြီးဦးနေမျိုးထွန်း ရဲ့ရုံးခန်းသို့ အရင်ဝင်တွေ့ခဲ့ရသည်။ ပြီးတော့မှ ဆရာကြီးက နှလုံးဌာနကိုခေါ်သွားပြီး နှလုံးဌာနမှူးဖြစ်တဲ့ မိုး ရဲ့ကျောင်းတုန်းက စီနီယာမမဒေါ်သူဇာခိုင်နဲ့ဆေးရုံကတခြားဆရာဝန်ကြီးများဖြင့်မိတ်ဆက်ပေးခဲ့သည်။
" ငါ့ညီမလေးကတော့ အရင်ကထက်ပို ပိုချောလာတယ်.... "
မသူဇာ က မိုး ရဲ့လက်ကို ဝမ်းသာအားရလှမ်းဆွဲပြီးပြောတော့ မိုး ပြုံးလိုက်ပြီး
" မမလဲ အရင်ကထက်ကို ပိုချောလာပါတယ်နော်.... အခုထိ အပျိုကြီးပဲလား မမ ? "
" အခုထိတော့ အပျိုကြီးဆိုပေမဲ့ရှေ့အပတ်ကျရင်တော့ အဲ့ရာထူးက စွန့်လွှတ်ရတော့မယ်ညီမလေးရေ .... "
မသူဇာ ကရယ်ရယ်မောမောဖြင့်ပြောတော့
" ဒါဆို ? "
"ရှေ့အပတ်Friday ဆို အမရဲ့ weddingလေ ..... တစ်ခါထဲ ဖိတ်စာနဲ့တကွ ဖိတ်လိုက်မယ်နော်.... လာဖြစ်အောင်လာရမယ်ကြားလား .... "
သူရယ်ပြီးပြောတော့ မိုး လဲလိုက်ရယ်မိပြီး
" ဟာ မမတို့ကတော့ကွာ စွံသွားပြီ ..... "
"အေးကွာ .... အသက်ကြီးမှပဲ စွံတော့တယ်......တော်သေးတာပေါ့ တို့ကိုယ်တို့ တစ်သက်လုံးအပျိုကြီးဘဝနဲ့ အရိုးထုတ်ရတော့မယ်ထင်ထားတာ ဟားဟား ... "
" congratulation ပါ မမသူဇာရယ်.... "
" ဟိတ်တို့ကိုပဲ congratulation လုပ်မနေနဲ့ဦး .... Hannaကော ? Bfတွေဘာတွေ မရသေးဘူးလား ? "
YOU ARE READING
Don't Stop Believing
Romanceငယ်ရွယ်စဉ်မှာ ဘဝရဲ့အချိုးအကွေ့အကူးအပြောင်း၌ အေးစက်သွားကာ ခပ်ချေချေ ပေပေတေတေနေတတ်သည့် ကောင်မလေးတစ်ယောက် ... ။ " နွေးထွေးမှုဆိုတာ 'မိုး' ရဲ့ဘဝအတွက်တော့ နွေခေါင်ခေါင်မှာ နှင်းပွင့်လေးတွေကို စောင့်ဆိုင်းရသလိုပါပဲ .... " ( မိုးဝဿန်လွင် / Hanna Keiko ) ...