အိမ်ပြန်ရောက်တဲ့ အခါမှာတော့ အိမ်မှာမေမေကလွှဲပြီး ဘယ်သူ့ကိုမှ မတွေ့ရ ။
တံခါးလာဖွင့်ပေးတဲ့ သူ့မေမေကို ကြည့်ပြီး
"မေမေ .... ကိုတေဇာကော ? "
" မနက်ထဲက အပြင်ထွက်သွားတာ ပြန်မလာသေးဘူး သမီးရဲ့ .... "
"ဟင်! ဟုတ်လား ....ဆေးရုံကိုလဲရောက်မလာဘူး ဒါနဲ့ လပြည့်လေးကောမေမေ ? "
"မေမေ့အခန်းထဲမှာကျောင်းကပြန်ရောက်တော့ ထမင်းစားပြီးတာနဲ့ အိပ်နေတယ်.... "
"အော်ဟုတ်..... "
အိမ်ထဲဝင်လိုက်တာနဲ့ ပထမဆုံး သွားကြည့်မိလိုက်တာက အိပ်ပျော်နေတဲ့ သူ့သမီးငယ်လေး လပြည့်ဝန်းလေး ကိုပင်။ခြေကားယားလက်ကားယားနဲ့ အိပ်ပျော်နေတဲ့ သူ့သမီးဝက်ပေါက်လေးရဲ့ ပါးဖောင်းဖောင်းလေးကို လင်း တစ်ဝကြီးနမ်းရှိုက်လိုက်၏ ။
သူနမ်းလိုက်တာတောင်မှ ထိုဝက်လေးက မနိုးလာသေး ။ တခူးခူး တခေါခေါနဲ့ တစ်ချက်တစ်ချက်သားရေလေးတွေက ထွက်ကျလာသေးသည်။
အိပ်ပျော်နေတဲ့ သမီးလေးရဲ့မျက်နှာကို လင်း တစ်ဝကြီးငေးကြည့်ပြီးတော့မှ အခန်းထဲက ပြန်ထွက်လာခဲ့သည်။
" သမီးရေချိုးလိုက်ဦးမယ်နော်မေမေ .... "
"အော်အေးအေး သမီး .... ညနေကျဆေးရုံပြန်သွားမှာ မဟုတ်လား ? "
" ဟုတ်မေမေ ... "
" မနက်ဖြန်မနက်ကျရင်တော့မေမေပါလိုက်လာခဲ့မယ်..... "
"မေမေလာတော့နွေးလေးလဲ ပိုအားရှိသွားတာပေါ့ .... မနက်ကျမှ အကိုနဲ့ လိုက်ခဲ့နော်... "
"အေးအေး ... ကဲ သမီးရေချိုးဦး ...မေမေ အခန်းထဲဝင်ပြီး ပြည့်လေးနိုးလာတဲ့အထိစောင့်ပေးလိုက်ဦးမယ်.... "
YOU ARE READING
Don't Stop Believing
Romanceငယ်ရွယ်စဉ်မှာ ဘဝရဲ့အချိုးအကွေ့အကူးအပြောင်း၌ အေးစက်သွားကာ ခပ်ချေချေ ပေပေတေတေနေတတ်သည့် ကောင်မလေးတစ်ယောက် ... ။ " နွေးထွေးမှုဆိုတာ 'မိုး' ရဲ့ဘဝအတွက်တော့ နွေခေါင်ခေါင်မှာ နှင်းပွင့်လေးတွေကို စောင့်ဆိုင်းရသလိုပါပဲ .... " ( မိုးဝဿန်လွင် / Hanna Keiko ) ...