قصص واتبادية [كتاب ساخر]

اليوم الرابع - لوي المصري

الفصل اهداء ل:   ESP_9375

...

اهلا ياجماعة الخير.. فاكرين انا مين؟ انا رئام.. بس للأسف طلع مش دا اسمي الحقيقي.. اسمي الحقيقي هو سندس.. ومن يومين اكتشفت ان عائلتي الحقيقية سيلين ديون وتوم كروز مش عائلتي الحقيقية.. بصراحة مكنتش متوقعة حاجة زي كدة 😭😭😭😭😭😢😢😢😢 رغم اني شبههم على الاخر..

المهم اكتشفت ان انا معنديش عائلة خالص.. لكن ليا قرايب وطلعوا مصريين.. وتلقائي كدة لقيت نفسي بتكلم مصري.. تخيلوا ؟ 😂😂 انا اصلا اول ما دخلت من مطار القاهرة عرفت اني حاسة بحنين للبلد دي..

قعدت في هوتيل كدة اسمه سميراميس على النيل تقريبا.. والناس كل ماتشوفني تقول (السايحة راحت والسايحة جت) ورغم اني زعلت انهم ازاي معرفوش اني مصرية! الا اني هسامحهم.. دانا حتى ملامحي كلها مصرية يادوب الاسم متغير..

شعري اصفر

عيوني زقاء خضراء نعجاء

وبشرتي بيضة جدا

يعني واضح اني مصرية.. المهم فككوا من الناس دي.. انا بقى قررت اخد جولة سياحية في البلد الكيوت دي..

كنت ماشية في شارع كدة اسمه قصر النيل.. فجأة لقيت ناس ملمومة على حاجة.. واضح انه الاراجوز ولا ايه..

جريت لحد ماوصلت وفجأة استغربت لأن اللي هما ملمومين عليه طلعوا فرقتي اللي انا عضوة سادسة فيهم.. ون ديركشون..

بصولي كدة فجأة وانصدموا صدمة العمر.. ولقيت فجأة لوي قرب ناحيتي وبإبتسامة كبيرة قالي:

-سندس ههخههههههههخهههخهههههههاااااي أخيرا لقيتك بابت.. ياترى كنتي فين.. انا بدور عليكي من زمان.. سبتينا ليه ياسندستي!

قعدت اضحك بسعادة بقى وحضنته بسعادة بقى وقولتله

-انا كنت هنا اكتشفت ان ليا قرايب مصريين

-انا كمان مصري من ناحية ابو ام عمة جد خال عمي

قعدنا نتنطط بسعادة بقى وبحب وبعدين الناس طلبوا يتصوروا معانا وبعدين مشينا والولاد سابونا وراحوا الفندق وقعدنا انا ولوي نلف وندور في كل حتة.. وكلنا على عربية فول

-عايزين طبقين فول و١٠ ترغفة وسلطة ومخلل ياعم الحج وكتر الدقة والطحينة والنبي

صرخ لوي علشان الراجل يسمعه فالراجل ابتسم وقال حاضر

-نسيت الجزر يالوي

قولتله بدلع فبصلي كأني اغلى شيء في الكون وقالي

-علشان كدة بحبك أسندس.. أسندستي.. عشة كيلو جزر والنبي أعمووووو

بصلي لوي في الاول وبعدين بص للراجل والراجل ابتسم وقال حاضر

جه الاكل وكلنا ولوي مكانش مبطل يضحكني.. الواد دا دمه خفيف قوي قوي.. ورغم انه كل كل العشة كيلو جزر الا اني سامحته رغم اني بحب الجزر جدا

بعدها مشينا في الشارع واشترينا ايس كريم من العبد ومشينا ولوي كان عمال يقول نكت وانا اضحك.. وعمال يتنطط في الشارع زي العبيط والناس تضحك عليه وتصوره

-كفاية كدة يالوي الناس هتفتكر انك اهبل

نديت عليه وقولتله.. بصلي كدة بضحكة متخلفين وقالي:

-يامزة انا اصلا كلمة اهبل دي في بطاقتي

وخرج البطاقة ووراني اسمه

لويس الأهبل عشر توملنسون

من المملكة المتحدة لندن

وقالي وهو بيشيل البطاقة

-اصل الأهبل دا لقب عيلتي من زمان بس انا بقول توملنسون بس علشان الحسد.. ممكن حد ينقرني عين وفي الاخر لا سمح الله ابقى ذكي وراسي ولا حكيم زي ليام مثلا

وقالي ان ابوه كان الاهبل التاسع.. وجده الاهبل التامن.. ففرحت قوي انه وريث عيلته في اللقب الجميل دا

فجأة ركع قدامي وخرج علبة فيها "فيل" قصدي خاتم  وقالي

-سندس مهجة الفؤاد وقلب القلب وحب الحب.. تقبلي تتجوزيني؟ انا بحبك من زمان وكان نفسي من يوم ما ارتبطنا اني اتقدملك بس كنت خايف لترفضي وتقولي لسه بدري

قعدت اعيط ووافقت وناس اتلمت من حيث لا اعلم وقعدت تسقف وتتنطط ويصورونا.. ولوي شالني وقعد يلف بيا ويقول

-جبتلك شقة في جمصة ٣ مطارح وعفشة مية وبتبص على عم محمد بتاع الجزر

قعدت اضحك وبعدين فجأة جات عربية بوليس ونزل ظابط مز وقال

-انتو مقبوض عليكم "فعل فاضح في الطريق العام"

عنينا توسعت في صدمة.. وقال لوي للظابط بعد ما نزلني

-ليه كدة أدفعة.. دي هتبقى مراتي على سنة الله ورسوله وانا لسه خاطبها دلوقتي حالا.. حتى اسأل الناس دي كلها

وبصينا حوالينا علشان نشهد الناس لكن كله اختفى فجأة.. بصلنا الظابط وقال

-يلا على القسم ياحرامية يانور يامجرمين

وجرنا من قفانا وصرخ لوي فيا

-يابومة يابنت البومة انتي السبب بوشك النحس دا

...

بعتذر لسندس عن التشوه اللي فوق 😂😂😂😂😂😂😂😂😂😂😂😂 معلش يابنتي حظك مع لوي كدة

انا من الناس اللي بتكره القصص العامية وبالذات في الواتباد لكن بصراحة قرأت تقريبا قصتين عامي من فترة وكانو كيوت ويضحكوا.. غير كدة كله في الهوا 😂😂😂

اي حد مش فاهم اي مصطلح من فوق يسأل عادي 😂😂