Unicode
ဒီလိုနဲ့ နေလာရင်း အိမ်ထဲတွင် တစ်ယောက်တည်း
နေ့နေ့ညည ဖြတ်သန်းနေရသဖြင့်ပျင်းလာပြန်သည်။
ဖြူလေးက နှစ်ပတ်ကို တစ်ခါလောက်
အိမ်လာသော်လည်း ၊ သူမ မလာသော
ရက်များက ပျင်းခြောက်ခြောက်နိုင်လှသည်။
အန်တီမေနှင့် ဆိုင်လိုက်သွားသည့်
ရက်များတွင်လည်း ပျင်းတာက ပျင်းတာပါပဲ... ၊
ဆိုင်မှာလူကျလာလျှင် အလုပ်တွေ
ရှုပ်လွန်းလှတာကြောင့်..၊
ကြာတော့ ဇေသူ အပင်ပန်းမခံနိုင်တော့။တစ်နေ့တစ်နေ့ ဖုန်းပဲ ကြည့်နေရသည်။
အိမ်မှာပဲ နေရတော့ လူက ရူးချင်ချင်တောင်
ဖြစ်လာသလိုပင်...ဇေသူ ဖုန်းလေးကိုကြည့်နေရင်း မတွေ့တာကြာပြီ ဖြစ်သော ကိုစိုင်းကိုသတိရလာသဖြင့်
ဖုန်းကောက်ဆက်လိုက်သည်။"ဟယ်လို...."
အမယ် ...ဒီတစ်ခါတော့ ချက်ချင်း ကိုင်သားပဲ...
"ဟယ်လို ကိုစိုင်း.... ၊
ကျွန်တော့်ကို မနက်ဖြန်ကျရင်
တစ်နေရာရာ လိုက်ပို့ပါလားဟင်..
ကျွန်တော်အိမ်ထဲမှကြီးနေရတာ
မွန်းကျပ်လာလို့...""ဘယ်သွားချင်လို့လဲ...?."
မဆိုင်းမတွ မေးလိုက်သော မေးခွန်းကြောင့်
ဇေသူ ပျော်သွားရသည်။
ဘယ်သွားရင် ကောင်းမလဲ အသဲအသန်
စဉ်းစားလိုက်ပြီးမှ၊ ဘယ်သွားရမလဲ
သေချာမသိတာကြောင့်..၊"မုန့်လေး ဘာလေးစား.. ၊
shopping လေး ဘာလေး ထွက်မယ်လေ.... ၊
တစ်နေကုန် အချိန်ပေးရင် ရပြီ.."ဇေသူ တစ်နေကုန် အချိန်ပေးရန်
ပိုင်စိုးပိုင်နင်း တောင်းလိုက်သော်လည်း
ဟိုဘက်က ငြင်းဆန်ခြင်းမရှိပဲ.."အင်း... ဘယ်အချိန် လာခေါ်ရမလဲ....?"
ဇေသူ စဉ်းစားလိုက်သည်။
ရခဲလှတဲ့ အခွင့်အရေးဆိုတော့
စောစောသွားမှ ဖြစ်မည်။"၈ခွဲ အရောက် လာခေါ်လေ..၊
ပြီးတော့ ကျွန်တော့်ကို dryer လဲ
မှုတ်ပေးဦးနော်..."သူ စိတ်ကောင်းဝင်နေတုန်း..၊
အထွန့်ထပ်ထက်ကြည့်တော့ ...."အင်း...."
![](https://img.wattpad.com/cover/192122503-288-k575529.jpg)
YOU ARE READING
လရိပ်
Fantasy"ကျွန်တော့် အတွက် မဟုတ်တဲ့ အရာတွေကို ကျွန်တော့် အတွက်လို့ ထင်ယောင်ထင်မှား ဖြစ်ပြီး ပျော်ခဲ့ဖူးတယ်"