يساكن بالي شكد احبك

البارت الاول

تسوالك سلف والسلف كله شيوخ،،،
(الكاتبة لحن الحياة)
...........................................

إيمان : يمة حنين روحي كعدي اختج شعدهاا لسةة نايمة الساعة بــ11:30ص
حنين : ان شاء الله ماما
(ايمان ام لــِ ستة "علي الجبير يجي بعده عبدالله وتجي بعده حنين وبعدهاا كرار وبعده هدى وبعدهاا حور اللي هي آخر العنقود"
عمرهاا 45 سنة حنونة وطيبة وتحب اولادهاا وتخاف عليهم من نسمة الهوا) ...
(حنين الاخت الجبيرة بين البنات عمرهاا 24سنة مخطوبة صارلهاا شهرين اختهاا حور متعلقة بيهاا كلش وتحبهاا واسرارهاا كلهاا يمها حبابة وكيوتة خريجة هندسة ديكور وحلوة شعرهاا واصل لنص ظهرهاا وطولهاا وسط بشرتهاا بيضة عيونهاا كبار ولونهم عسلي رموشهاا طويلة وحواجبهاا مرتبة حتتعرفون عليهاا اكثر بالرواية)
حنين : صعدت حتى اكعد حور اووف ياحور دووم تظل متأخرة بالنوم هالبنية حتخبلني ... حور حووور يلا كومي كافي نووم ماما تكول إكعدي
حور : تحجي بنعاس ... همممم حبابة حنين خليني نايمة شوية حباابة
حنين : لاا ماكوو يلا كومي الساعة بـ11:30 كوومي يلا ترا راح انزل اذا صعدت ولكيتج مكاعدة والله اذب عليج مي بارد يلاا كوومي
حور : لا لا كلشي ولا مي بارد خلص والله راح اكووم ... بعدت الغطة عنهاا وكامت راحت للحمام وحنين نزلت غسلت وجهاا وفرشت اسنانهاا وراحت كدام المراية مشطت شعرهاا وشدته ذيل حصان ونزلت راحت للمطبخ جانن امهاا وحنين وهدى بالمطبخ ... صباح الخير
ايمان : ظهر النور متكليلي يا صباح هذا الساعة ب 12
هدى : ههههههههه اي والله ظهر النور جان ظليتي نايمة بعد وكت
حور : اوووف وتالي يعني واذا ظليت نايمة غير عطلة شنوو بعد
ايمان : يلا يلا كافي حجي كومن ساعدني بالغدة
حور وهدى : اووووكي
(حور اخر العنقود بين البنات والشباب واكيد المدللة مال ابوهاا عمرهاا 18سنة صف سادس علمي هادئة وخجولة ودمعتهاا تنزل بسرعة مع انوو اخواتهاا حلوات بس هي احلى وحدة طولهاا وسط عيونهاا كبار لونهم عسلي على اخضر ورموشهاا كثيفة وطويلة شعرها عابر خصرهاا ومثل سواد الليل شفايفهاا وردية وبشرتهاا بيضة وجسمهاا منحووت تحب اختهاا حنين كلشش ومتعلقة بيهاا وبنفس الوقت تحب اخووها علي لان يخاف عليهاا ومدللها مثل دلال ابوهاا حتتعرفوون عليهاا اكثر بالرواية)
(هدى البنت الوسطانية بين البنات عمرها 20سنة مرحلة ثانية بكلية الصيدلة حلوة عيونهاا كبار ولونهم عسلي شعرهاا قصير واصل لاكتافها تقريباً تشبه اختها حنين طولهاا وسط تحب تضحك دائماً محجوزة لابن عمهاا يحبهاا ويريدهاا بس هي ماتريده راح تعرفوون قصتهاا بالرواية)
......
نرجع للرواية...(الكاتبة لحن الحياة)
حنين : احم الوو هلوو محمد
محمد : هلوو حبيبي شلونج
حنين : تحجي بخجل ... الحمدلله انت شلونك
محمد : اذا انتي بخير اني بخير
حنين : دوم ان شاءالله
محمد : اكول حنين
حنين : تفضل
محمد : تدرين اني احبج
حنين : خجلت كلششش ووجهاا صارر ينطي الوان ... اااا مم محمد اهلي ديصيحووني بعدين احاجيك
محمد : ههههههههههههههاي اوك عمري براحتج
حنين : بأرتباك ... اا و اووك باي
محمد : الله وياج
حنين : عزززا متت يممة والله استحي بعدنه ممزوجين وهيج اذا تزوجنه شيسوي لااا وفوكاهاا هاي بس بالتلفون يممة كلبي راح يوكف .... اجتهاا حور
حور : حنين حنييين شبيج ليش وجهج احمر
حنين : ه ه هااا لاا مابيه شي
حور : انتبهت على تلفون حنين قرت الاسم وهي تضحك ... اهااا هسة عرفت ههههههه عادي حبيبتي تتعودين الله يديمكم يارب
حنين : انجبي حور شنوو اليضحك
حور : لاا ابد ماكوو شي يضحك هههههه يلا بيبباي اروح لغرفتي
حنين : بعد احسن ... صعدت حور لغرفتهاا
(حنين : اححمم خلي احجيلكم قصتي قبل سنة تقريباً بمحرم چنه اني وماما رايحين لبيت جدوو جان عدهم طبخ وتعرفون انتوو شلوون تصير هوسة هدى وحور جانن جايات قبلنه ف كعدنه نطبخ وتجي ناس تاخذ اكل بحيث كلش هوسة فجنت واكفة برة بالممر داخوط بالجدر وسمعت صووت وراية ؛
محمد : احم السلام عليكم
حنين : عدلت حجابهاا ووكفت عدل وهي تحجي بأرتباك ... وعليكم السلام نعم منوو حضرتك
محمد : اني محمد صديق علي خابرني وانطاني عنوان هذا البيت هوو موجود هناا
حنين : بخجل ... اهاا بس لحظة اروح اصيحة دخلت للبيت ححتى تصيح علي ... تحجي بينهاا وبين نفسهاا خررب حظي يعني علي صارلة ساعة واكف برة وهذا صديقة ما اجه الا وية حظي يعني اففف ... عليي عليي
علي : هاااااا حنين
حنين : هذا صديقك بررة يريدك يمكن اسمة محمد
علي : هاا واخيررا اجه اي جاي جاي
حنين : اوك ... ظليت جوة بالبيت مطلعت استحي اشوفه خاف بعده واكف ... طلعله علي وسد الباب ورا رحت اباوع بسكوت من الشباك وشفته شلون يسلم عليه
علي : هاا ولك بعد وكت جان طولت اكثر
محمد : والله صارت عندي شغلة ف طولت
علي : يلا عادي دتعال تعال فووت
اخذه وفوته لغرفة الخطار شوية وطلع علي واجاني
علي : حنونة سوي جااي وجيبي بسرعة
حنين : اووك .... رحت اسوي جاي والمطبخ هووسة ناس طابه وناس طالعة خالاتي وبناتهن وولدهن وخوالي وزوجات خوالي كلهم ببيت جدي ويعني بيت جدو جبير ما شاءالله ف كلهاا موجودة واحنه البنات اللي نشتغل وخالاتي مشرفات علينه ههههه يعني يكولن سون هيج وجيبن هيج لان احنه ما شاءالله نادرات ونعرف بشغل البيت ورة شوية صار الجاي صبيته ورحت لغرفة الخطار دكيت الباب طلعلي علي اخذ الجاي مني وصدفة صارت عيني بعين محمد شوو اشوف هذا صفن بوجهي متت من الخجل اول ما اخذ علي الجاي درت وجهي وبسرعة مشيت للمطبخ وكلبي مدري شبي صار مثل الطبل وحتى انسى كمت اشتغل وي البنات واي شغلة تطلعلي اسويهاا حتى الهي نفسي وانسى هالمواقف المحرجة اللي دانحط بيهاا ورة شوية اجاني علي كلي صبي اكل لمحمد بجدر جبير وجيبيليا علمود ياخذه وياا اني كلت ياربي شلون سالفة هااي يعني لازم ارجع اشوفه والتقي ويا من جديد المهم رحت صبيت الاكل وحطيته بجدر جبير عدلت شالي ودشداشتي جانت مخصرة على جسمي اخذت نفس شلت الجدر وطلعت لكيت علي واكف ومحمد يمة يسولفون كلت السلام عليكم
محمد : بأبتسامة ... وعليكم السلام
حنين : تحجي بخجل وصوتهاا كوة يطلع ... هاك علي اخذ علي منها الجدر بسرعة دارت وجهاا ورادت تروح صاحهاا علي
علي : حنين صبي بعد اكل لان اصدقائي بعد راح يجون علمود بسرعة ننطيهم
حنين : ان شاءالله وراحت بسرعة طبت للبيت
محمد : بينه وبين نفسه اويلي يعني اسمهاا حنين معقولة هاي اخته لعلي وين الله وتطلع اخته ماريد اضيعهاا من ايدي اووف ياربي شوف الخجل وشوف الجمال فدوة
علي : محمد ... يحجي وياا ومحمد صافن ... هيووو محمد
محمد : هاا هاا
علي : موو كاعد احجي وياك وين رحت
محمد : وياك وياك ديلة انطيني الجدر خلي اروح عندي شغل
علي : ماشي بس موو تنسى عود رجع الجدر لان انت تعرف سوالف النسوان
محمد : هههههههه ان شاءالله بس وين اجيبه لهنا لو لبيتكم
علي : لهناا لان احنه باقين لعكب باجر
محمد : خووش يلة مع السلامة
علي : الله وياك
راح محمد وهوو يفكر بحنين عجبته من اول ماشافهاا ويتمنى يرجع يلتقي بيهاا من جديد ،،،،
حنين لحد الان مستحية من المواقف اللي جمعتهاا بمحمد وتتمنى انوو متشوفة او تلتقي بي بعد ،،،
حنين : حاولت اتناسى الموضوع ورحت جبت جدورة وكعدت اصب اكل لاصدقاء علي ورة نص ساعة اجه علي اخذ الجدورة لاصدقائة وشوية شوية فرغ البيت من الناس الغربة وظلن بس خالاتي وخوالي وبناتهم اذن وكلهاا راحت تصلي خلصنة صلاة ورجعنه للمطبخ علمود نصب غدة اني وبنت خالتي اسمهاا مهاا كعدنه نفرش السفرة وبنات خالاتي الباقيات بالمطبخ ديصبن الاكل رحنه للمطبخ واني وحور وهدى صرنة ننقل الاكل على السفرة وبعدهاا الكل اجتمع على الغدة بس الزلم كعدوا وحدهم بغرفة الخطار لان مستحيل نكفي كلنه هههههه كعدن خالاتي يسولفن عن الطبخ ومنوو اجه اخذ ومنو بعده ما اجه ومن هذا الحجي ورة ربع ساعة خلصنه اكل كمنه شلنه المواعين للمطبخ طبعاا خالاتي خمسة وكل وحدة عدهاا اربعة خمس بنات ما شاءالله ههههه فوزعنه الشغل بيناتنه اللي تغسل المواعين واللي تمسح واللي ترتب وووو الى ان خلصنه هلكنه والله من الصبح لسه نركض منا ومنا خالاتي راحن ينامن ويرتاحن شوية واحنه البنات صعدنه فوك بغرفة وكعدنه نسولف بس اني بالي موو يمهن ماعرف ليش اجه ببالي محمد حاولت انسى بس كل شوي يجي ببالي اففف اخذت تلفوني وطلعت من يم البنات بيت جدي بي كوومة غرف وكلهن مرتبات رحت على وحدة من الغرف وشمرت روحي على الفراش اريد هدوء شوية لان راسي حينفجر كلبت بالتلفون شوية جانت الساعة ب 2 ونص الظهر طفيت الفون ونمت جسمي مكسر من كثر مااا اشتغلت اليوم كعدت الساعة ب4 ونص كمت غسلت وجهي ولبست شالي ونزلت جانن خالاتي كاعدات بالصالة يشربن جاي رحت صبيت جاي الي وكعدت يمهن ونفس الشي سوالف منا ومنا ماا اطولهاا عليكم مر اليوم عادي وكعدنه ثاني يوم الصبح اني والبنات كاعدات بالمطبخ نسولف اندك الباب ولا وحدة من البنات قبلت تطلع تفتحهاا فطاحت براسي طلعت فتحتهاا وماا اشوف الا محمد كبالي يعني شنوو من حظ عندي ،،،،
محمد : وهوو يبتسم لان شاف حنين ... السلام عليكم
حنين : تحجي بخجل وصوتهاا كوة يطلع ... وعليكم السلام
محمد : ياا ناس ماكوو هيج خجل ... هذا الجدر مالتكم وعاشت ايدكم ع الاكل
حنين : ارريد افوت يربي بعدد ماكدر ... بالعافية
محمد : بإبتسامة ... الله يعافيج يلة اترخص انا مع السلامة
حنين : مع السلامة
محمد : اخخخ كلبي عمي شنو من خجل شنوو من جمال شنوو من اخلااق لاا مستحييل اخليهاا تروح من ايدي بس كون تطلع ممرتبطة والله اكتل روحي غير
حنين : يارربي شنوو هالصدف هااي يممة احس روحي صخنت وكلبي راح يطلع من مكانة اووف
.........
لهناا حبايب ينتهي البارت،،،،،
ان شاءالله يكون نال اعجابكم
تفاعلوا حتى اكمل
ووبس معلومة ماكوو وقت محدد للنشر يـ؏ـني حسب وقت فراغي❤️