يساكن بالي شكد احبك

البارت السابع عشر

ـ  يا ناس خدودهاا تنسيـني سالفَتي.🙊🖤

_____________

حنين : احس گـلـبـي راح يوكف امشي واني مدنكة راسي اريد اشوفه وماريد اشوفه فرحانة بهذا اليوم لان راح انجمع وي الانسان الاحبه بس بنفس الوقت مقهورة مِـــنْ تصرف محمد وعدم ثقته بيه واتهامة الي بالخيانة اجتني المصورة جرتني مِـــنْ ايدي وقربتني لمحمد وكالت حطي ايديج ؏ـلىْ صدرة وانت الزمها مِـــنْ خصرها وخلي واحد يباوع بعيون الثاني احس راح تموع روحي ايديه ترجف حطيتها ؏ـلىْ صدره وحسيت بنبضات كلبه شلون سريعة مثل گـلـبـي وهو لزم خصري بأيديه رفعت راسي وصارت ؏ـيني بعينه گـلـبـي فوت نبضه مِـــنْ نبضاته تهت بعيونه يا الله طالع يجنن اشتاقيت اسمع كلمة بنيتي منه اشتاقيت اسمع كلمة مشتاقلج ظلينه واحد يباوع بعيون الثاني الى ان فزينه ؏ـلىْ صوت المصورة وهي تكول هســهہ احضنها مِـــنْ ورة وبوسها بخدها وانتي ابتسمي ابتسامة خفيفة وحطي ايدج ؏ـلىْ خده ياربي والله استحي البنات وعلي واكفين يباوعون علينه احس اختنكت مِـــنْ الخجل كدام علي يبووو اباوع لمحمد احسه يريد يضحك بس لازم نفسه وكف وراي وحضني مِـــنْ ورة وحط شفايفة ؏ـلىْ خدي اذا تذبحوني ماتلكون قطرة دم بيه مِـــنْ الخجل حتى احس الدنيا صارت حارة بالكوة شلت ايدي وحطيتها ؏ـلىْ خده ومادري اصلا شلون ابتسمت واني احس گـلـبـي كسر ضلوعي  بعدين المصورة كالت حط كصتك ؏ـلىْ كصتها والزمها من خصرها وابتسم وانتي الزمي وجهة بأيديج وهم ابتسمي طبعاً اتمنيت اروح اكتل المصورة سوينه مثل ماكالت وبقت تكللنه سووا هيج وهيج واللقطات كلها محرجة والله يمكن صخنت مِـــنْ الخجل بعدين اخذنه صور جماعية خلصنة صعدوني بالسيارة وصلنه للبيت نزلن البنات قبلي فتحولي الباب ونزلوني واني كلشي ماجاي اشوف دخلت للبيت انشلعت اذني مِـــنْ الهلاهل والجكليت مِـــنْ كل مكان كعدوني وخروا عني الكبوس اخذت نفس اختنكت والله وطبعاً بده الركص ، مشاعري متخربطة فرح خوف توتر قهر شوية واجتني هدى جايبتلي اكل اي والله جوعانة
هدى : يلا حنونة الساعة ب٣ ونص بَــ؏ــد نص ساعة تجي الزفة اكلي بسرعة
حنين : مِـــنْ كالت بَــ؏ــد نص ساعة وتجي الزفة حسيت صار عندي مغص خايفة حيل راح ننجمع ٲنِـي ومحمد بغرفة وحدنه الخوف والتوتر كتلني كامت هدى توكل بيه واني احس انسدت نفسي مِـــنْ الخوف كوة اكلت خلصت راحت هدى ودت الماعون ورجعتلي عدلتلي مكياجي وظلت واكفة يمي والبنات يركصن شوية وسمعنه صوت هورنات وفرقة ٲنِـي هناا لزمت گـلـبـي وبطني كامت توجعني حيل لبستني هدى البركع والكبوس واني ظليت لازمة ايدها وجسمي يرجف مِـــنْ الخوف ودموعي كامت تنزل لان راح افارك اهلي شلون راح اكدر ابعد عنهم والله ماتحمل دخلن خواته وامه يهوسن ويركصن والهلاهل وخالاته وعماته كلهن يركصن ويسون هوسات دخل محمد طبعاً ٲنِـي كلشي مجاي اشوف بس رجلين ظليت لازمة ايد هدى ابد ماهديتها دنكت عليه شاورتني
هدى : حنين حبيبتي كافي هدي ايدي عيب اجه محمد
حنين : لالا حبابة هدى لا تروحين ... وصل محمد يمي هدت ايدي ووخرت مِـــنْ يمي ٲنِـي لازمة بيدي القرآن والمسكة اجن عماته وخالاته وامه يمي رفعن الكبوس عني حتى يشوفني كامن يصلن ؏ـلىْ النبي ويمدحن بيه وطالعة تخبلين ومن هذا الحجي بس ٲنِـي بالي مو يمهن الخوف كتلني ماكو احد يهديني ولا اكدر احجي وي احد دخلوا بابا وعلي وكاموا يوصون محمد عليه
عادل : محمد ابني ديربالك ؏ـلىْ حنونة ترة هاي حبيبة گـلـبـي واكبر بناتي خليها بعيونك
محمد : لا توصي حريص عمي حنين بكلبي قبل ؏ـيوني
علي : شوف ترة ٲنِـي وياك عشرة عمر اذا فد يوم اذيت حنونة لو شكت منك ٲنِـي اول واحد اكتلك
محمد : ولك هيج بعتني بسرعة
علي : ايي حبيبي مِـــنْ يوصل الموضوع يم حنونة اكتلك هاي الغالية
محمد : بعيوني
حنين : اسمع كلامهم ودموعي تصب ماكدر اعوفهم والله شلون اصبح وماشوفهم اجه عليه بابا حضنته ومتت بجي وهم هو بجة طبعاً وخروا الكبوس عني ظليت حاضنته ماريد ابعد عنه وهو يوصي بيه ويكلي اهتمي بزوجج واسمعي كلامة ولتعاندي كوة محمد وعلي وخروني عنه دار وجهة وطلع بعدين حضنت علي وهم ظليت ابجي خوات محمد وامه ومحمد بس يهدون بيه بس والله ماكدر موبيدي اشوف الدموع بعيون علي كوة لازمها مايريد يبجي كدامي باسني مِـــنْ راسي وطلع ورة ما سلموني بيد محمد بعدين حضنت ماما ودموعي ابد ماوكفت هي تهدي بيه ودموعها تنزل وياي بعدين حور حضنتني واثنينه نبجي وهدى هم نفس الحالة محمد بعدني عنهم بالكوة عدلولي الكبوس محمد لزم ايدي وطلعنه ودموعي ابد ماوكفن وصلنه للباب الخارجي ووكفت تذكرت كرار وعبدالله ماسلمت عليهم ظليت معانده وماقبلت اطلع الا اسلم عليهم اجه عبدالله حضني واني حاضنته وميته بجي ولا عبالك عرس بحياتي ماباجية هيج بس والله صعبة تفارك اهلك
وخر عني عبدالله ودار وجهة اعرف عبدالله كلش زين راح يبجي بس مستحيل ينزل دموعه كدام احد بعدين اجاني كرار باس راسي وحضني وظل يشاقيني وخلاني اضحك راح ورجع محمد لزم ايدي وطلعنه صعدني بالسيارة وسد الباب وراح ركب مِـــنْ الجهة الثانية طبعاً كرايب محمد هو اللي يسوق وعمو ابو محمد كاعد بالصدر وفاتحين اغاني بالسيارة الاجواء جانت كلش حلوة واصوات الهورنات الى ان وصلنه للفندق نزل محمد واجه ؏ـلىْ جهتي فتحلي الباب لزم ايدي ونزلني شبك اصابعه بأصابعي واني الخوف كل دقيقة يزيد عندي وبطني موتتني طبعاً هم ركصوا بباب الفندق اصدقاء محمد وكرايبه وصلنه للغرفة اللي حاجزيها هي مو غرفة انما سويت كامل المهم دخلوني امه وخواته وياي كعدني ؏ـلىْ السرير وخرن عني الكبوس والبركع يمة واخيراً راح اتنفس سلمن عليه وطلعن وبقيت وحدي بالغرفة جسمي يرجف مِـــنْ الخرف شلون راح نحجي ٲنِـي ومحمد سوة شلون راح نكون بمكان وحدنه ماكو احد ويانه بَــ؏ــد آخر موقف صار بينه مدنكة راسي وافرك بيدي وصدري يصعد وينزل وكلبي اذاني مِـــنْ قوة دكاته دخل محمد واني احس النفس مجاي يوصلني مِـــنْ الخوف والارتباك والتوتر تقرب عليه واجه كعد يمي واني ابد مارفعت راسي
محمد : ارفعي راسج
حنين : ظليت مدنكة وماحجيت اي كلمة مد ايده لزم حنجي ورفع راسي صارت ؏ـيني بعينه مادري اذا متوهمة او لا بس شفت بعينه حزن ظل يباوع عليه جر حسرة وكال
محمد : كومي بدلي وغسلي اكيد تعبتي مِـــنْ البدلة وهم حتى نتعشة يلة
حنين : ماحجيت شي كمت رحت فتحت الجنطة مال هدومي اللي جبتها وياي وجان الكه بس سيتات نوم ذني اللي اشترنهن الي البنات مِـــنْ دخلني للمحل احس روحي صخنت بس شلون منو سوة هيج ٲنِـي بيدي حطيت هدومي اووف ياربي شسوي ظليت ادور بلكي الكة واحد مستور شوية بس مع الاسف كلهن عاريات وفضيحة مابيدي شي اخذت واحد ودخلت للحمام بودي ابجي مِـــنْ الخجل مديت ايدي اريد افتح السحابة مال البدلة ماكدرت افف شسوي هســهہ حاولت حاولت بالاخير كدرت افتحها الحمدلله مسحت مكياجي وفتحت التسريحة سبحت ولبست سيت النوم ولوو ما البسه احسن لان مايفرق شي طبعاً هذا سيت النوم مِـــنْ اختيار الحبابة سماء ٲنِـي شلون خليتهن يشترن هيج حقيرات مِـــنْ كدام صدري نصه طالع وبنفس الوقت خفيف يـ؏ـني جسمي وملابسي الداخلية مبينات كصير واصل لنص الفخذ بحيث رجلي كلها طالعة وعود ويا روب بس ماكو فائدة ماراح يضم شي ياربي شلون راح اطلع هيج ويشوفني محمد احس حرارتي ارتفعت وجسمي كله يرجف فتحت الباب طلعت واني مدنكة وشعري عفته مبلل ومفتوح رفعت راسي واشوف محمد صافن عليه وجان لابس بجامة وفانيله تعلاكة وعضلاته بارزة اكلني اكل بعيونه هي بس نظراته خلت كهرباء تسري بجسمي انتبه ؏ـلىْ نفسه
محمد : ااا يلة تـ؏ـالي نتعشة اكيد جعتي
حنين : امشي ؏ـلىْ كيفي رحت كعدت يمة بس خليت مسافة شوية بيني وبينه العشة جان مشويات طبعاً كلشي ماشتهي بالكوة ادحس بحلكي يـ؏ـني غصباً عليه اكلت وكفت وكلت الحمدلله
محمد : وين ما اكلتي شي
حنين : لا الحمدلله شبعت رحت غسلت وطلعت محمد جان كاعد يلعب بتلفونه انتبه عليه سده واجه وكف كدامي
محمد : حنين ادري إِنتِــي زعلانة وضايجة مني ؏ـلىْ آخر موضوع صار بينه والله اسف حنين سامحيني ٲنِـي واحد غبي وما استاهل وحدة مثلج تحبني بس اعذريني حنين خلي نفسج بمكاني ادري غلطت لمن اتهمتج بدون ما اسألج عن شي بس والله الغيرة عمتني مِـــنْ شفتج بحضنه حسيت نار اشتعلت بيه تخيلي إِنتِــي تجين وتشوفين وحدة بحضني شنوو راح تكون ردة فعلج ٲنِـي اسف والله اسف حنين ٲنِـي احبج ومستعد اخسر الدنيا كلها بس ما اخسرج حنين إِنتِــي روحي وبنيتي وطفلتي وكلشي بحياتي مشتاق لضحكتج وسوالفج ادري غلطت الله يخليج سامحيني
حنين : يحجي واني دموعي تنزل وية كل كلمة يحجيها شفت ندمة بعيونه والدموع اللي متجمعة بيها ماكدر اشيل بكلبي عليه لان ٲنِـي هم مشتاقتله ولو ٲنِـي جنت بمكانه يمكن جنت راح اسوي نفس الشي احبه وماكدر اعيش بدونة
محمد : لا تبجين حنين ترة والله دموعج جاي تأذيني ... لزم وجها بأيديه ومسح دموعها
حنين : لزم وجهي ومسح دموعي ابجي واباوع بعيونه بدون اي كلمة مني حضنته ودفنت راسي بصدرة وبقيت اشهك وابجي وهو حضني بكل قوته كتله .... محمد والله احبك لا تسوي بيه هيج مرة ثانية لا تعوفني محمد لا تعوفني والله ماخنتك والله العظيم ماخنتك ولا افكر اخونك ومستحيل اسويها
محمد : اشش اشش يروح محمد إِنتِــي لا تبجين كافي ولا تحلفين ٲنِـي اسف لان شكيت بيج بس غيرتي عليج عمتني وخلتني احجي هيج حنين ٲنِـي مستحيل اعوفج لوو شما يصير بينه وهسة شوو بلة وخري خليني اشبع مِـــنْ عيونج
حنين : وهي دافنه وجها بصدرة ... ماا ماريد اوخر
محمد : وهو يبتسم ؏ـلىْ طفوليتها ... زين بس رفعي راسج اريد اشبع مِـــنْ عيونج اريد اشوفهن
حنين : ماا
محمد : ماشي براحتج لا توخرين ٲنِـي راح اتصرف
حنين : مافهمت شنو قصدة توقعت راح يبعدني عنه ماحس غير شالني بين ايديه واني تعلكت بركبته ... محمد نزززززلني محممد والله اخاف لا اوكع حباب نزلني
محمد : وهو يبتسم ... لا تخافين ماتوكعين مِـــنْ ايدي وبعدين كتلج وخري بس إِنتِــي ماتقبلين ف اتحملي
حنين : توجه بيه للسرير واني گـلـبـي فضحني حطني ع الفراش وهو بصفي ومتجي راسه على ايده ظل يباوع بعيوني ويوخر شعري عن وجهي طبعاً ما انكر ٲنِـي خايفة وبنفس الوقت احس نفسي مامستعده لهذا الشي بس ماعرف شلون اكول لمحمد واخاف يزعل او يضوج كتله ... محمد ٲنِـي نعسانة وتعبانة حباب خلي ننام
محمد : وهو يبتسم ... ترة ادري انوو إِنتِــي مامستعدة لهذا الشي ومبين بعيونج ف ليـشہ ماتحجين
حنين : حضنته ... محمد اسفة بس والله خايفة وبنفس الوقت اريد فترة اتعود شوية وماردت احجي لان ماريدك تضوج او تزعل مني
محمد : وليش ازعل حنين ٲنِـي ماريدج تفكرين انوو ٲنِـي رايدج بس جسد او علمود رغبة او اي شي مِـــنْ هاي الخرابيط ٲنِـي اختاريتج حتى نكمل حياتنه سوة بكل تفاصيلها وشوكت ماتستعدين لهذا الشي ٲنِـي حاضر عسى ما بَــ؏ــد سنهہ سنتين او تلاثة
حنين : احبك محمد
محمد : اعشقج يروح محمد ، زين حتى البوسة ممنوعة مايصير نضوك شوية
حنين : گـلـبـي كام يدك سريع مِـــنْ كلماته بعدني عن حضنه وكلبني ؏ـلىْ ظهري وصار فوكاي بدة يقرب وجهة مِـــنْ وجهي ٲنِـي غمضت ؏ـيوني اخذ شفايفي بين شفايفه وصار يعض ويمص بيهن واني گـلـبـي يمكن الفندق كله صار يسمع دكاته ابتعد عني حتى اخذ نفس ورجع مِـــنْ جديد يمصهن مثل العطشان وجاي يرتوي ظل يمص بيهن بكل قوته بعدين نزل ؏ـلىْ ركبتي وبده يعض ويمص بيها واني بالكوة اجر نفس ماخله مكان بركبتي ماعضه وحتى ؏ـلىْ صدري نزل حسيته راد ينزل اكثر بس لان ٲنِـي كتله مامستعده احترم هذا الشي طبعا ابد مافتحت ؏ـيوني ورجع مِـــنْ جديد اخذ شفايفي بين شفايفه ويعض بيهن بسنونه حسيتهن ورمن ؏ـلىْ كد ماعضهن ومصهن بعدين باسهن ؏ـلىْ كيفة وكام يعضني بخدودي ويبوس بيهن لان جان متحلف بخدودي بَــ؏ــد عني وحرني لحضنه وكال
محمد : مع انوو احس بعدني عطشان لان شفايفج ماينشبع منهن بس انقهر عليج خاف اذيج وانتي ترفة ماتتحملين
حنين : مِـــنْ الخجل ماحجيت شي بس دافنة راسي بصدرة ومغمضة ؏ـيوني
محمد : هههههههه بس لا خجل حبيبي
حنين : ممممححممد
محمد : ههههههههههههه اروح فـدوﯢهہ للخجلان تتعودين حياتي
حنين : ظل يتغزل بيه الى ان غفينه الله لا يحرمني منه ويحفظة الي ....

_________________

لهنا يخلص البارت
يارب يكون نال اعجابكم💜
بس احب اسألكم تردون اخلي جرئة بالرواية لو اخليها عادية ؟؟
يلا الكل يجاووووب😍
اذا اكوو سحكات غلسووا🌚