يساكن بالي شكد احبك

البارت السادس عشر

‏• عندما اغار نبضي يؤلمني"😅💔

___________

حور : مِـــنْ دخلوا هدى وكيان وكالوا انوو حنين بخير يمة احس مي بارد ونزل ؏ـلىْ گـلـبـي الف الحمدلله هدى حضنتني وضحكنه ظلينة منتظرين شوكت يرجعون للبيت ٲنِـي جنت صافنة وفجأة اجه ؏ـلىْ بالي زيد يا الله اليوم ولا حاجيته رحت للمطبخ فتحت تلفوني دخلت ؏ الانستا اكثر مِـــنْ ١٥ رسالة انصدمت كالب الدنيا وحتى صاير عصبي مبين مِـــنْ كلامة كتله
حور : هلوو زيد ... ماكوو ثواني ورد عليه عبالك جان منتظرني
زيد : إِنتِــي وينج اليوم كله مختفية شكد دزيتلج رسائل ماتكليلي وينج ؏ الاقل طمنيني برسالة وروحي مرايد منج تظلين تحجين وياي
حور : ؏ـلىْ كيفك ؏ـلىْ كيفك انطيني مجال خلي ابرر اليوم جانت الحنة مال اختي ومن الصبح كاعدة حتى تلفوني مالحكت افتحه واشوف شبي مابي والغايب عذرة ويا ولو انت جنت هيج مختفي مراح اكعد اصيح عليك واتعارك لان اكيد عندك اسبابك الخاصة بيك
زيد : تمام ٲنِـي اسف بس بالي ظل يمج لان اول مرة هيج تختفين
حور : لا ؏ـادي ماصار شي
زيد : تمام تصبحين ؏ـلىْ خير الوقت تأخر واكيد إِنتِــي نعسانه وتعبانه مِـــنْ العرس
حور : اي والله تعبانه ... وانت بخير بيبااي
زيد : بااي
حور : كملت حجي وياا يمةة اكلني وشربني هاي بس صديقته وهيج همزين مو حبيبته جان طيح حظي يمكن اوووو حور شهالتفكير طلعت مِـــنْ المطبخ ورجعت للصالة وظلينه منتظريهم انتبهت هدى كاعدة ومنزلة راسها وكيان اكلها اكل بعيونه فـدوﯢهہ والله حلوين بس اريد اعرف اختي ليـشہ مجاي تشوف هذا الحب لوو الله يرزقني واحد مثل كيان اظل اركص مِـــنْ الصبح لليل هههههه ، شوية ووصلوا دخلوا للبيت وعلي لازم حنين وهي بالكوة تمشي وبابا وماما وكرار عبدالله وراهم يمشون بعدين دخل محمد كعدوا حنين ع القنفة ٲنِـي ركضت عليها حضنتها وعيوني مدمعة
حور : الحمدلله ؏ السلامة يروح حور
حنين : بتعب ... حبيبتي الله يسلمج
حور : هيج حنين تخوفينه عليج والله مِـــنْ شفتج جسد بدون روح ردت اموت بمكاني
علي : إِنتِــي الثانية انجبي شتموتين دعوفوا سيرة الموت
حور : باوعتله هيج 😒😑 والباقين ضحكوا بعدين هدى هم حضنتها وسلمت عليها وكلهم تحمدولها بالسلامة شوية وكال محمد
محمد : يلة حنين كافي كومي ارتاحي الوقت تأخر
عادل : اي صح بابا كومي يلة الكل ؏ النوم راح تصير ب٣
حور : كمنه كلنه حتى ننام
علي : محمد شيل مرتك وصعدها لغرفتها بالنسبه الي تعبت وانكسر ظهري لمن شلتها وركضت بيها للمستشفى هســهہ صار دورك
محمد : هي كلها ٥٠ كيلو يـ؏ـني ريشة منين تكسر ظهرك
علي : شيلها وشوف
حور : كلنه نضحك ؏ـلىْ حجيهم وحنين وجها صار طماطة راح محمد عليها وشالها
محمد : هي هاي التكسر الظهر واني صدكت
علي : ديلة لا تسوي نفسك بطل علينه وديها لغرفتها حور اصعدي وياهم دلي ؏ـلىْ غرفتها
حور : ماشي صعدت ٲنِـي كدامهم وهو شايلها ويمشي وراي دليته ؏ـلىْ غرفتها وعفتهم ورحت لغرفتي شمرت نفسي ؏ـلىْ فراشي يا الله هاليوم صار شطولة مادري نضحك مادري نبجي اففف الحمدلله ؏ـلىْ كل حال لفيت راسي ونمت مِـــنْ التعب احس جسمي مكسر ......