يساكن بالي شكد احبك

البارت الثاني عشر

شوكت ترهم وشوفك يمي غافي
واكلك من تفز نوم العوافي🙊❤️

_____________

هدى : حنين بدت تجهز مِـــنْ هســهہ لعرسها لان هم يلة تلحك مابقى شي واحنه وياهة ف چنة كاعدين نتغده واتفقنه العصر نطلع للسوك جاي ناكل وبابا فتح موضوع صدمني،،،
عادل : هداوي
هدى : ها بابا
عادل : البارحة خابرني عمج فاضل وخطبج لكيان
هدى : بس حجة هيج بابا ٲنِـي كبل غصيت بالاكل وكمت اكح حور جانت كاعدة يمي كامت تدكلي ؏ـلىْ ظهري وانطتني مي
حور : اسم الله هدى ؏ـلىْ كيفج
ايمان : صدك عادل
عادل : اي والله البارحة المغرب خابرني واني كتلة اسأل هدى واردلك خبر
ايمان : اي لعد بيها الخير ان شاءالله
هدى : بس با.... ماكملت كلامي قاطعني بابا
عادل : هدى ٲنِـي ماراح اجبرج ؏ـلىْ شي بس اتمنى منج ماتفشليني وية اخوي وبالاخير القرار الج
هدى : مِـــنْ حجة بابا هيج عرفت قصدة انو يريدني اوافق ؏ـلىْ كيان ماعرف شصار بيه گـلـبـي كام يوجعني وحسيت روحي اريد ابجي واصرخ الدمعة صارت بطرف ؏ـيني كلت الحمدلله وكمت مِـــنْ الغدة صعدت ورحت لغرفتي طبيت اركض وشمرت روحي ؏ـلىْ فراشي .... ماريده والله ماريده مااا احبه اكرررررهاا ليـشہ تجبروني عليه وين الحب اللي تشوفوا وتحجون عنه ليـشہ ٲنِـي ماجاي اشوفه بعمري وحياتي ماسمعت كلمة حلوة منه كلما يشوفني يذبلي حجي مثل السم وبس يأذيني اهئ اهئ ماريد اتزوجه الله يخليكم والله ماريده والله مايحبني جذاااااب مايحبني ، ظليت اشهك وابجي مثل الطفلة بحياتي كلها ماتوقعت بابا يجبرني ؏ـلىْ شي بس حقه بابا وعمو علاقتهم كلش قوية واكيد مايريد يخسر اخوو بس بنفس الوقت ٲنِـي ابقى بنته ظليت ابجي وافكر حسيت راسي راح ينفجر الى ان نمت وماحسيت ؏ـلىْ نفسي

حنين : كاعدين نتغده وبابا فتح موضوع كلش مو وكته كيان متقدم لهدى بس هدى ماتحبه ولا تريده متت قهر ؏ـلىْ هدى واني اشوف شكلها شلون تغير بس كللها بابا ، والصدمني اكثر لمن كاللها بابا اتمنى ماتفشليني ويه اخوي وقصدة مِـــنْ هذا الحجي كلش مبين معنى اريدج توافقين ؏ـلىْ كيان لا مستحيل بابا يسويها مستحيل يجبرها بابا موو مِـــنْ هذا النوع كامت هدى وصعدت لغرفتها والله متت قهرر عليها الله يساعدها اففف

حور : اوف بابا ليـشہ هيج ليـشہ بعمره وحياته بابا ماجبرنه ؏ـلىْ شي وخصوصاً هيج موضوع هي راح تعيش وية كيان كل عمرها موو يوم لو يومين بس متأكدة هدى ماراح توافق لان هي ماتحبه ومستحيل تقبل بي .. خلصنة غدة واني رحت غسلت المواعين وحنين صبت جاي وراحت انطتهم بعدين كل واحد راح لغرفته يرتاح ٲنِـي صعدت اريد اروح لغرفتي كلت خلي اروح اشوف هدى رحت لغرفتها دكيت الباب ماردت فتحتها ودخلت ..
حور : هدى ؟؟
هدى :.......
حور : هدى بيج شي ... جانت متمددة ومفتحة عيونها وتباوع للسكف احاجيها مترد عليه رحت كعدت يمها ... هدى حبيبتي ردي عليه كلتلها هيج هي حضنتني وكامت تبجي
هدى : حور ماريده اهئ اهئ افهموني الله يخليكم ماحبه والله ماحبه ليـش تجبروني عليه حور الله يخليج والله ماريده
حور : تحجي وتبجي وتشهك واني دموعي كامت تنزل وياهة اول مرة اشوف هدى هيج گـلـبـي وجعني عليها شلون تبجي ... هدى حبيبتي الله يخليج كافي لا تسوين بروحج هيج والله كطعتي گـلـبـي لا تبجين
هدى : حور كلليلهم ماريده ماريد اعيش وياا مستحيل اتقبله زوج اليه والله مايحبني اهئ اهئ جذاب والله جذاب اهئ اهئئئ
حور : حبيبتي هدى فـدوﯢهہ اروحلج بس اهدي كافي تبجين اكعدي ... عدلت كعدتها لزمت وجهة ومسحت دموعها وكتلها ... كليلي ليـشہ ماتردي وانت ليش هيج تفكرين انوو هو ميحبج هدى حبيبتي صدكيني يحبج مو بس يحبج ويموت عليج هم والدليل ؏ـلىْ كلامي قبل مِـــنْ جان يجي عدنه لو تشوفين نظراته الج وعيونه اللي تكوم تلمع لمن تشوفج
هدى : ليـشہ ٲنِـي ماجاي اشوف هذا الحب ليـشہ بس انتو تشوفوا ليـشہ ٲنِـي مجاي احس بي ولا اشوفه لا بقول ولا بفعل ولا مرة شفت حبه الي كلولي وين الحب اللي تحجون عنه
حور : زين أُوڪـِ نكول مايحبج ليـشہ تقدملج ؟؟ ليـشہ مِـــنْ جان يجي عدنه يظل يباوع عليج هدى حبيبتي صدكيني هو يحبج بس إِنتِــي لان خالة ببالج فكرة انوو هو جذاب ومايحبج ف إِنتِــي تحسي هيج ومجاي تشوفين حبه زين اتركينه مِـــنْ ناحية الحب كيان شبي ليـشہ ماتردي شمسويلج حتى هيج كارهته وماتردي هاي كدامج حنين قبلت بواحد لا تعرفه ولا شايفته ولا حاجية ويا وشوفيهم هســهہ شلون واحد يحب الثاني وواحد متعلق بالثاني
هدى : تحجي بكلبها ااااه يا حور لوو تعرفين شلون مد ايده عليه وشلون كلما يشوفني يذبلي حجي مثل السم ويقهرني بس مسوي نفسه يحبني اي حب هذا اللي يحب مستحيل يأذي حبيبه لوو يموت واني ماشفت مِـــنْ كيان بس الاذية ... خليني افكر حور وبعدين ارد الجواب
حور : اخذي راحتج عسى ما شهر اهم شي تتخذين قرار يريحج وهدى معليج بكلام بابا مِـــنْ كلج لا تفشليني وية اخوي حتى لوو ماوافقتي ؏ـلىْ كيان معليج ومستحيل بابا يزعل منج إِنتِــي تعرفين بابا اهم شي عنده راحتنه وهو بعمرة ما جبرنه ؏ـلىْ شي بس هو كال هيج لان علاقته حيل قوية وية عموو فاضل ومايحب يخسرة وهم اكلج ترة حتى عموو اذا ماوافقتي ؏ـلىْ ابنه مراح يزعل منج صدكيني لان عموو ماعنده هاي السوالف
هدى : ان شاءالله حور
حور : ماشي حبيبتي اخليج ٲنِـي
هدى : طلعت حور مِـــنْ الغرفة واني رجعت تمددت وغمضت ؏ـيوني والتفكير موتني ماريد كيان والله اخاف منه عصبيته تموتني وكلماته تذبحني ؏ـلىْ ساعة ينكلب وحش اسوي نفسي كدامة ماخايفة منه واني الرعب والخوف ياكلني مِـــنْ عصبيته ولا مرة سمعني كلمة حلووة شلون اقبل بي وبنفس الوقت ماريد بابا يزعل مني ولا عموو حيل احبهم واموت اذا اشوفهم زعلانين مني ف لازم اضحي بحياتي ومستقبلي واقبل بكيان علمودهم مع انو بس اتخيل كيان زوجي تصيبني رجفة واحس كهرباء تسري بجسمي هه صار ساعة افكر ببابا وعموو وناسية المصيبة الكبرى اللي هو كيان اذا رفضته شراح يسوي بيه يمكن موتي يصير ؏ـلىْ ايده رجعت نمت مرة ثانية واحس نفسي دايخة مِـــنْ كثر التفكير